Guido Veroi

Guido Veroi
Guido Veroi
Nacemento	16 de novembro de 1926
	Roma. ; Italia
Falecemento	16 de xaneiro de 2013 (86 anos)
	Roma.; Italia
Área	Gravado de moedas e medallas.
Educación	Escola de Arte da Medalla Giuseppe Romagnoli.
Nacionalidade	Italiano
Sinatura	; Marca de gravador (VEROI) nunha moeda de 2 euros do Vaticano.
	[ editar datos en Wikidata ]

Guido Veroi, nado en Roma o 16 de novembro de 1926 e finado na mesma cidade o 16 de xaneiro de 2013, foi un escultor, gravador, medallista e deseñador de moedas italiano.

Traxectoria[editar | editar a fonte]

Guido Veroi estudou medallística da man do mestre Pietro Giampaoli na Escola de Arte da Medalla Giuseppe Romagnoli, da Casa da Moeda do Estado.^[1]

Aínda que as súas obras máis frecuentes e recoñecidas son moedas e medallas,^[2]^[3] é tamén autor de traballos tan diversos como vidreiras, mosaicos, cerámica e pezas de bronce.^[1] En Martina Franca, Tarento, traballou no mosaico e na vidreira da igrexa parroquial da Sagrada Familia.^[4]

A súa obra máis recoñecida é a moeda de 500 liras de prata de 1958, creada en conxunto con Pietro Giampaoli. En tanto que este último creou o seu anverso, Veroi é o autor do reverso, caracterizado pola representación das carabelas de Colón.^[1]

Moeda de 500 liras do centenario da unificación italiana (1961).^[6]

Nunha nova colaboración co Istituto Poligrafico e Zecca dello Stato, Veroi creou outra das súas moedas máis significativas, a de 500 liras de 1961 conmemorativa do centenario da unificación italiana, da que se ocupou tanto do anverso como do reverso.^[1]

Outros dos seus traballos salientables máis recentes son a moeda de 20 liras de 1981 conmemorativa do Día Internacional da Alimentación da FAO,^[7] así como o anverso da serie de moedas en euros do Vaticano de 2002 coa efixie de Xoán Paulo II, creado xunto con Uliana Pernazza.^[8] Geroi foi tamén autor de diversas moedas, tanto circulantes como conmemorativas, para a Cidade do Vaticano e para a República de San Marino.^[9]^[10]