Goura

Na Galipedia, a Wikipedia en galego.
Saltar ata a navegación Saltar á procura

Goura
Goura victoria
Goura victoria
Clasificación científica
Reino: Animalia
Filo: Chordata
Subfilo: Vertebrata
Clase: Aves
Orde: Columbiformes
Familia: Columbidae
Subfamilia: Gourinae
Xénero: Goura
Stephens, 1819
Especie tipo
Columba cristata
Pallas, 1764
Especies
Véxase o texto

Goura é un xénero de aves columbiformes, da familia dos colúmbidos, o único da subfamilia dos gurinos, que comprende catro especies (ou tres, segundo os autores), endémicas de Nova Guinea e illas adxacentes.

Son os membros máis grandes da familia. As catro especies son moi parecidas, e non son simpátricas xeograficamente.

Xunto coa pomba de Nicobar (Caloenas nicobarica) e a pomba manumea (Didunculus strigirostris) están estreitamente relacionadas cos extintos dodo e o solitario de Rodrigues.

Características[editar | editar a fonte]

Aliméntanse de froitos caídos, sementes e caracois do solo da selva. Machos e femias son case idénticos, pero durante a época de celo o macho arrola e exhíbese para a femia. Ambos os sexos incuban un único ovo durante 28 ou 30 días, e o pito tarda outros 30 días para emplumar. A lonxevidade máxima pode ser superior a 20 anos.

Taxonomía[editar | editar a fonte]

Descrición[editar | editar a fonte]

O xénero foi descrito en 1819 polo naturalista inglés James Francis Stephens,[1] na páxina 119 da súa obra General Zoology, e a especie-tipo é Goura cristata, que foi descrita en 1764 por Peter Simon Pallas co nome de Columba cristata.[2][3]

Etimoloxía[editar | editar a fonte]

O nome Goura é unha adaptación ao latín científico dun nome local dos nativos de Nova Guinea.[4][5]

Especies[editar | editar a fonte]

As catro especies de Goura son:[6]

Porén, o ITIS só recoñece tres:[1]

  • Goura cristata (Pallas, 1764)
  • Goura scheepmakeri Finsch, 1876
  • Goura victoria (Fraser, 1844)

Considerando a Goura sclaterii Salvadori, 1876 como unha subespecie de G. scheepmakeri, Goura scheepmakeri sclaterii Salvadori, 1876.[7]

Filoxenia[editar | editar a fonte]

Un estudo filoxenético molecular publicado en 2018 descubriu que as catro especies do xénero formaban dous pares: Goura cristata é irmá de Goura sclaterii, mentres que Goura scheepmakeri é irmá de Goura victoria.[8]





Goura cristata



Goura sclaterii





Goura scheepmakeri



Goura victoria





Didunculus strigirostris




Pomba de Nicobar




Solitario de Rodrigues



Dodo





Notas[editar | editar a fonte]

  1. 1,0 1,1 Goura Stephens, 1819 no ITIS.
  2. Stephens, James Francis (1819). General Zoology, or Systematic Natural History (en English e Latin). Volume 11 Part 1. London: G. Kearsley. p. 119. 
  3. Peters, James Lee, ed. (1937). Check-list of Birds of the World. Volume 3. Cambridge, Massachusetts: Harvard University Press. p. 140. 
  4. goura no Merriam Webster Dictionary.
  5. Jobling, J.A. (2018). del Hoyo, J.; Elliott, A.; Sargatal, J.; Christie, D.A.; de Juana, E., eds. "Key to Scientific Names in Ornithology". Handbook of the Birds of the World Alive. Lynx Edicions. Consultado o 2 de maio de 2019. 
  6. Family Columbidae na IOC World Bird List. Versión 9.1, 2019, do Congreso Ornitolóxico Internacional.
  7. Goura scheepmakeri sclaterii Salvadori, 1876 no ITIS]].
  8. Bruxaux, J.; Gabrielli, M.; Ashari, H.; Prŷs-Jones, R.; Joseph, L.; Milá, B.; Besnard, G.; Thébaud, C. (2018). "Recovering the evolutionary history of crowned pigeons (Columbidae: Goura): Implications for the biogeography and conservation of New Guinean lowland birds". Molecular Phylogenetics and Evolution 120: 248–258. doi:10.1016/j.ympev.2017.11.022. 

Véxase tamén[editar | editar a fonte]

Bibliografía[editar | editar a fonte]

  • Baptista, L. F.; P. W. Trail & H. M. Horblit (1977): "Family Columbidae (Pigeons and Doves)". En: del Hoyo, Josep; Andrew Elliott & Jordi Sargatal : Handbook of the Birds of the World. Volume 4. Barcelona: Lynx Edicions. ISBN 978-84-87334-22-1.

Outros artigos[editar | editar a fonte]

Ligazóns externas[editar | editar a fonte]