Giovanni Battista Sammartini

Giovanni Battista Sammartini
Nacemento	1700
Lugar de nacemento	Milán
Falecemento	15 de xaneiro de 1775
Lugar de falecemento	Milán
Nacionalidade	Ducado de Milán
Ocupación	compositor, organista, director de orquestra, musicólogo, profesor de música e mestre de capela
Pai	Alexis Saint-Martin
Irmáns	Giuseppe Sammartini
Na rede
[ editar datos en Wikidata ]

Giovanni Battista Sammartini, nado en Milán cara a 1700 ou 1701 e finado na mesma cidade o 15 de xaneiro de 1775, foi un organista e compositor italiano.

Traxectoria

Fillo dun oboísta francés trasladado a Milán. O seu irmán Giuseppe Sammartini era oboísta e tamén compositor.

Organista na Sant'Ambrogio de Milán e noutras igrexas, xogou un papel de primeiro plano na vida musical milanesa. Tivo como discípulo a Christoph Willibald Gluck e influíu en Mozart.

Compuxo música sacra, teatral e unha boa cantidade de música instrumental: sonatas, tríos, cuartetos, quintetos, concertos e sobre todo sinfonías, nas que anticiparía a forma que se desenvolvería no período clásico. Destas últimas foron rexistradas máis de setenta.

Obras

• Óperas: Memet, drama en tres actos
• Sonatas: para órgano, para violoncello, para violín, para frauta, sonatas para trío (por exemplo frauta, violín e baixo continuo)
• Concertos: para violoncello e piccolo, para violín, para frauta
• Sinfonías: unhas 70.