Francisco Rodríguez Sánchez

Para outras páxinas con títulos homónimos véxase: Francisco Rodríguez.

Francisco Rodríguez Sánchez
Deputado no Congreso dos Deputados
1996 – 2008
Deputado no Parlamento de Galicia
16 de novembro de 1993 – 13 de marzo de 1996
Datos persoais
Nacemento	22 de novembro de 1945 (77 anos) Ferrol, Galicia
Partido	BNG
Profesión	Mestre, político, escritor
Na rede

Francisco Rodríguez Sánchez, nado en Serantes (Ferrol) o 22 de novembro de 1945, é un político e crítico literario galego.

Traxectoria

Cursou Historia e Filoloxía Románica (sección de Hispánicas) na Universidade de Madrid, doutorándose pola Universidade de Santiago de Compostela en 1988. En 1968 gañou as oposicións de agregado de Lingua e Literatura españolas de bacharelato, exercendo a docencia en Albacete (1969-1971) e Ourense (1971-1973). En 1973 gañou as oposicións a catedrático de instituto, desempeñando as súas funcións como profesor en Cangas (1974-1976), Puerto Real (provincia de Cádiz), Carballo (1976-1979), A Estrada (1985) e Ferrol (1995).

Alén de publicar diversos libros sobre literatura galega, é autor de obras coma Galiza, razón de ser, recompilación de artigos publicados na prensa diaria ao longo do período que abarca a VI Lexislatura do Congreso dos Deputados (1996-2000).

Política

Foi elixido deputado no Parlamento de Galiza en 1993 polo Bloque Nacionalista Galego, ata o 13 de marzo de 1996, que foi substituído por Xaime Bello. Foi tamén deputado no Congreso dos Deputados, dende 1996 ata 2008. Foi Secretario Xeral da Unión do Povo Galego ata xuño do 2012, ano no que foi sucedido por Néstor Rego, así como membro do Consello Nacional do BNG e da súa Executiva, sendo o Secretario de Formación do partido.

Obra

Francisco Rodríguez no XIII Congreso da UPG.

Ensaio

• A evolución ideolóxica de Manuel Curros Enríquez, 1972, Galaxia. 2ª edición de 1995, en A Nosa Terra.
• Conflicto lingüístico e ideoloxía en Galiza, 1976, Xistral, 2ª edición de 1999 en Laiovento.
• Análise sociolóxica da obra de Rosalía de Castro, 1988, AS-PG.
• Literatura galega contemporánea. Problemas de método e interpretación, 1990, Edicións do Cumio.
• Eduardo Blanco Amor, o desacougo da nación negada, 1993, Edicións do Cumio.
• Galiza, razón de ser, 2000, Terra e Tempo.
• Rosalía de Castro, estranxeira na súa patria, 2010, AS-PG.
• Rosalía de Castro: a persoa e a obra, de onte a hoxe, 2011.
• Unha etapa estelar e conflitiva de Galiza (a segunda metade do século XIV). Tomo I. A relevancia do reino galego medieval (2022). AS-PG. 540 páxs. ISBN 978-84-949659-4-4.
• Unha etapa estelar e conflitiva de Galiza (a segunda metade do século XIV). Tomo II. Un reino con clase dirixente (2022). AS-PG. 1112 páxs. ISBN 9788494965982.

Conversas

• A nación galega existe: conversas con Francisco Rodríguez, con Xosé Mexuto, 2006, A Nosa Terra.

Obras colectivas

Problemática das línguas sen normalizar. Situación do galego e alternativas, 1980.

• Problemática nacional e colonialismo. O caso galego, 1978, Xistral. Con Ramón López-Suevos.
• Problemática das línguas sen normalizar. Situación do galego e alternativas, 1980, AS-PG/Xistral.
• A nosa literatura: unha interpretación para hoxe. II, 1985, Xistral.
• Literatura feminina e feminista da segunda metade do século XIX: antoloxía, 1996, AS-PG/A Nosa Terra. Edición con Pilar García Negro e Anxo Gómez Sánchez.
• A paixón por transformar: 25 anos da UMG, 2003, Terra e Tempo.
• Actas do Congreso Manuel María. Literatura e Nación, 2009, Fundación Manuel María.
• Marcos Valcárcel. O valor da xenerosidade, 2009, Difusora.
• Moncho Reboiras. O nacionalismo galego nos anos 70, 2009, Fundación Bautista Álvarez.
• Sobre o racismo lingüístico, 2009, Laiovento.
• Xosé Chao Rego: renacer galego. (Actas do Simposio-Homenaxe), 2010, Fundación Bautista Álvarez.
• No tempo de Follas novas. Unha viaxe pola literatura universal, 2015, Alvarellos.
• Estudos sobre o Foro de Pontevedra (1169) (2019), concello de Pontevedra. ISBN 978-84-09-11015-5.

Obra en castelán

Obras colectivas

• La lengua, en Los Gallegos, 1976, Istmo, Madrid.

Véxase tamén

Ligazóns externas

• Francisco Rodríguez Sánchez na páxina web da Asociación de Escritoras e Escritores en Lingua Galega.