Fortnite

Na Galipedia, a Wikipedia en galego.
Saltar ata a navegación Saltar á procura

Fortnite
FortniteLogo.svg
Desenvolvedor(es)Epic Games
Distribuidora(s)Epic Games
Compositor(es)Rom Di Prisco
MotorUnreal Engine 4
Lanzamento2017
XéneroVarios
Modos de xogoUn xogador
Multixogador cooperativo
Clasificación PEGI PEGI 12 (2009-2010).svg
Plataforma(s)Microsoft Windows, macOS, Nintendo Switch, PlayStation 4, Xbox One, iOS, Android
Páxina oficialPáxina oficial
editar datos en Wikidata ]

Fortnite é un videoxogo pertencente ao xénero de supervivencia e xénero aberto desenvolvido polas empresas Epic Games e People Can Fly. Foi lanzado como título de acceso anticipado o 25 de xullo de 2017 para Microsoft Windows, MacOS, PlayStation 4 e Xbox One. En 2018, converterase nun videoxogo gratuíto.

Un modo de xogo, chamado Fortnite Battle Royale (Fortnite Batalla Real), foi lanzado de forma independente en setembro do 2017 para as mesmas plataformas. Do mesmo xeito que a versión final do videoxogo base, este modo presenta o modelo gratuíto, e baséase na estrutura dun xogo tipo battle royale na que os xogadores tentarán ser o último en pé mentres o mapa se fai cada vez máis pequeno.

Argumento[editar | editar a fonte]

Por algún motivo un día o 98 % dos humanos na Terra desapareceu repentinamente, e a poboación restante atopouse con que os ceos estaban cubertos por unha estraña tormenta de cor morada que ten a propiedade de crear uns monstros chamados carcasas (husks), unhas criaturas  humanoides similares aos zombis, que atacaron ás persoas vivas. Os  sobreviventes atoparon formas de construír os escudos antitormentas, un campo que despexou as nubes de tormenta desde o alto, e reduciu os ataques dos carcasa, e usáronas para estabelecer bases de  sobreviventes en todo o mundo. O xogador é un comandante dunha destas bases, encargado de saír do escudo antitormentas para atopar recursos, sobreviventes e outros aliados para axudar a expandir o seu escudo antitormentas e atopar unha forma de devolver a Terra ao seu estado normal.

Battle royale[editar | editar a fonte]

En marzo de 2017, PlayerUnknown's Battlegrounds (PUBG) foi lanzado en computadoras persoais nun acceso temperán, e axiña se converteu nun xogo popular e exitoso, converténdose no exemplo definitorio do xénero battle royale. De acordo con Mustard, ao equipo de Epic Games «encantábanlle os xogos de tipo  battle royale, como PUBG», e explorou como poderían facer que un modo similar fose posible dentro de Fortnite. Mantiveron este modo nun equipo de desenvolvemento separado do xogo principal, fronte aos modos de contorna para a experimentación e para non perder o equilibrio no xogo principal.

Este lanzamento, que superou a PUBG nas consolas, causou certa preocupación ao seu desenvolvedor, Bluehole, xa que estiveran traballando en estreita colaboración con Epic Games para o soporte do motor Unreal en PUBG, e estaban preocupados de que Fortnite puidese ser capaz de incluír funcións planificadas no seu modo batalla real antes de que poidan liberalas en PUBG.

Coa popularidade de Fortnite: Battle Royale para o inicio de 2018, Epic Games separouse nun equipo de desenvolvemento diferenciado para enfocarse nas melloras para ese modo.​ Epic Games declarou que a súa atención a Fortnite estaba a causar que algúns dos seus outros xogos visen poboacións de xogadores máis baixas, o que os levou a reducir os esforzos de desenvolvemento nestes xogos, particularmente Paragon.​ Para finais de xaneiro de 2018, Epic Games anunciou que pecharía completamente Paragon en abril dese ano, proporcionando reembolsos a todos os xogadores.

Véxase tamén[editar | editar a fonte]

Ligazóns externas[editar | editar a fonte]