Mac OS

Na Galipedia, a Wikipedia en galego.
(Redirixido desde "MacOS")
Mac OS
Desenvolvedor Apple
Familia de S.O. Unix
En galego non
Espazo de usuario Acqua
Interface de usuario Dock
Licenza Propietaria, pechada
Última versión estable 10.13
Sitio web apple.com/osx

Mac OS é un sistema operativo creado por Apple para a súa liña de computadoras Macintosh. Na actualidade estáse a comercializar a versión 10.13 (macOS High Sierra) do macOS, a última versión do sistema.

Aparición[editar | editar a fonte]

A primeira versión deste sistema foi lanzada ó mercado en 1984, coincidindo co primeiro ordenador Macintosh. Ó igual que os sistemas empregados en anteriores máquinas de Apple introducía unha interface gráfica manexada mediante o rato, fronte ós PC de IBM desa época, que utilizaban MS-DOS.

Porén, a realidade é que o seu éxito no mercado foi relativo, especialmente tras a xeralización das máquinas PC e a introdución do Microsoft Windows. En calquera caso, sempre mantivo unha cota de mercado aceptable, ó redor dun 5%. Co paso dos anos, os problemas financeiros de Apple e a escasa innovación, xunto coa competencia de alternativas libres como Linux puxeron en risco a continuidade da plataforma.

macOS[editar | editar a fonte]

Artigo principal: Mac OS X.

No ano 2001 Apple introduciu a versión 10 deste sistema. Esta versión foi revolucionaria, xa que supuxo a ruptura coa liña de desenvolvemento existente ata entón: é un sistema novo, cun fondo UNIX, e que para manter a compatibilidade co software existente ata entón sérvese dun emulador. A introdución deste novo sistema, bautizado como Mac OS X, xunto co éxito doutras áreas comerciais da empresa (iPod) fai que a supervivencia da plataforma pareza garantida. O 13 de xuño de 2016, durante a WWDC, Apple anunciou que OS X pasaría a chamarse macOS, facendoo coincidir co esquema dos nomes dos demais sistemas operativos de Apple; iOS, tvOS e watchOS.[1]

Evolución da súa compatibilidade[editar | editar a fonte]

No 2005 Apple tomou a decisión de deixar de incorporar procesadores PowerPC nas súas máquinas e comezar a empregar Intel Pentium. Isto abre as portas da compatibilidade deste sistema con máquinas PC, e de feito nese mesmo ano comezaron a aparecer os primeiros desenvolvementos extraoficiais con ese obxectivo, aínda que nin contan co apoio da compañía nin con respaldo legal. Nun futuro, porén, non é descartable a aparición dunha versión oficial para PC.

Notas[editar | editar a fonte]

  1. "Definitiva y oficialmente OS X pasa a llamarse macOS". soydemac.com (en castelán). Consultado o 13 de xaneiro de 2018. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.