Forcas, Forcas, Parada de Sil
| Forcas | |
|---|---|
| Parroquia | Forcas |
| Concello | Parada de Sil |
| Coordenadas | 42°21′30″N 7°30′49″O / 42.358242494776, -7.5135493762031Coordenadas: 42°21′30″N 7°30′49″O / 42.358242494776, -7.5135493762031 |
| Poboación | 12 hab. (2023) |
| [ editar datos en Wikidata ] | |
Forcas é un lugar da parroquia de Forcas, no concello ourensán de Parada de Sil, na comarca da Terra de Caldelas.[1] Segundo o IGE,[2] en 2023 tiña 12 habitantes (3 homes e 9 mulleres).
Demografía[editar | editar a fonte]
| Gráfica de evolución demográfica de Forcas entre 2000 e 2023 |
 |
| Datos segundo o nomenclátor publicado polo INE. |
Patrimonio[editar | editar a fonte]
Igrexa de San Mamede[editar | editar a fonte]
É unha igrexa datada en 1822 e está dedicada a san Mamede, que preside unha das súas fachadas. No seu interior, consérvase un retablo de estilo barroco.
Ponte medieval de Conceliñas[editar | editar a fonte]
A xente do lugar refírese a esta ponte co nome de "Conceliñas". Este é un topónimo corrompido que na súa orixe recibía o nome de "Canceliñas", diminutivo de cancela, voz galega que deriva da voz latina cancellus “enreixado, barreira”.
Existen varias posibilidades da orixe do nome outorgado á devandita ponte. Unha explicación é a designación das terras de labor situadas na parroquia de Pedrafita preto da ponte. Outro motivo polo que puido recibir este nome é porque esta ponte contaba cun enreixado ou barreira que regulaba fiscalmente o paso por ela.
A ponte atravesa o río Mao, afluente do río Sil. O río Mao, tamén chamado río Vello, nace ao pé da serra de San Mamede e foi descrito por Otero Pedrayo como “de variado e impresionante curso”.
Esta ponte foi unha infraestrutura vital para as comunicacións entre o mosteiro de Montederramo e Castro Caldelas na idade media. No río atopouse unha espada, chamada espada de Forcas do final da Idade de Bronce (1250-1000 a.C.). Atopouse a comezos do século XX mentres se construía unha canle de auga para a fábrica de luz que está preto dese lugar.
Ermida de Trigúas[editar | editar a fonte]
É unha capela que se atopa nos arredores de Forcas e non ten culto permanente. Está caracterizada por un arco de medio punto e outros motivos que a identifican na arquitectura románica.
A ermida de Trigúas é un lugar de romaría e encontro festivo, que se celebraba na segunda semana de setembro. Unha lenda di que a ermida de Trigúas ten dúas irmás, que son a ermida de Cadeiras, ao outra beira do río, e a dos Remedios, en Castro Caldelas, e que as tres se ven e se escoitan.
Lugares e parroquias[editar | editar a fonte]
Lugares de Forcas[editar | editar a fonte]
| Lugares da parroquia de Forcas no concello de Parada de Sil (Ourense) | |
|---|---|
|
As Cerdeiras | Cortiñas | Forcas | A Miranda | O Pombar | A Senra | Vilar |
Parroquias de Parada de Sil[editar | editar a fonte]
Notas[editar | editar a fonte]
- ↑ Nomenclátor de Galicia. Busca directa (ed.). "Lugares da parroquia de Forcas, Parada de Sil". Consultado o 18 de maio de 2023.
- ↑ "Instituto Galego de Estatística, consulta do nomenclátor". Xunta de Galicia.