Fernando Arribas Arias

Fernando Arribas Arias

Biografía
Nacemento	1958 (65/66 anos) Lugo, España
Datos persoais
País de nacionalidade	España
Formación profesional	Humanidades
Educación	Universidade de Santiago de Compostela
Actividade
Ocupación	escritor
Xénero artístico	Ensaio
Lingua	Lingua castelá

Fernando Arribas Arias, nado en Lugo en 1958, é un escritor e divulgador do patrimonio arqueolóxico galego.

Traxectoria

É diplomado en Profesorado de Educación Xeral Básica (especialidade de Ciencias Humanas) e licenciado en Humanidades pola Universidade de Santiago de Compostela. Traballa como técnico de difusión do Museo Provincial de Lugo. Foi membro da comisión territorial do Patrimonio Histórico-Artístico da Xunta de Galicia en Lugo (1987-1992) e da comisión técnica de Arqueoloxía da Xunta de Galicia (1987-1994). É socio-fundador de diversas asociacións relacionadas co patrimonio cultural e, actualmente, é o secretario da Asociación de Amigos do Conxunto Histórico-Artístico de Sargadelos. Conferenciante e investigador, preferentemente sobre cine e etnografía, desde 1993 (xunto con Xosé Manuel Blanco Prado) traballa no Proxecto Carboeira que ten por obxectivo o inventariado e catalogación dos cruceiros da Terra Chá.

Obras

Ensaio

• O cine en Lugo: 1897-1977. Notas para unha historia cinematográfica, 1996, Xerais.
• O cinematógrafo nas Festas de San Froilán de Lugo, 2006, Concello de Lugo.

Obras colectivas

• Catálogo de cruceiros da Terra Chá: Cruceiros de Castro de Rei e Outeiro de Rei, 1998, Ediciós do Castro.
• Cruceiros de Guitiriz, 1999, Ediciós do Castro.
• Cruceiros de Begonte, Cospeito e Rábade, 2000, Cadernos do Seminario de Sargadelos, Ediciós do Castro.
• Tempora Mutantur. Reloxos do Museo Provincial de Lugo, 2001, Deputación de Lugo.
• Cruceiros, Cristos e Cruces da Pastoriza, 2002, Ediciós do Castro.
• Guía do Museo Provincial de Lugo, 2003, Deputación de Lugo.
• Cruceiros, Cristos e Cruces de Xermade, 2004, Ediciós do Castro.
• Esmoleiros, Cruceiros, Cristos e Cruces de Abadín, 2006, Ediciós do Castro.
• O claustro franciscano do Museo Provincial de Lugo, 2011, Deputación de Lugo.

Premios

• Premio Manuel Mato Vizoso do Concello de Vilalba no 1987, ex aequo con Antonio Reigosa e Xoán Ramiro Cuba.
• Premio Cal da Loba das Brigadas en Defensa do Patrimonio Chairego no 1999, xunto con Xosé Manuel Blanco Prado.

Véxase tamén

Bibliografía

• Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4. 

Ligazóns externas

• Fernando Arribas Arias na páxina web da Asociación de Escritoras e Escritores en Lingua Galega.