Eva Mejuto

Na Galipedia, a Wikipedia en galego.
Saltar ata a navegación Saltar á procura
Eva Mejuto
Evamejuto1.jpg
Nacemento8 de maio de 1975
 Sanxenxo
Educada enUniversidade de Santiago de Compostela
Ocupaciónescritora
XénerosNarrativa
editar datos en Wikidata ]

Eva Mejuto Rial, nada en Sanxenxo o 8 de maio de 1975, é unha escritora galega.

Traxectoria[editar | editar a fonte]

Evamejuto.jpg

Eva Mejuto é doutora en Xornalismo pola Universidade de Santiago de Compostela cun traballo sobre o realismo social no álbum ilustrado: Álbum testemuño: achegar a realidade ás crianzas. Traballou na editora Kalandraka ata 2004, en OQO Editora ata 2016. En 2017 coordina o Salón do Libro Infantil e Xuvenil de Pontevedra [1]. En 2018 forma parte do proxecto "Capicúa de xestión cultural e proxectos"[2].

A súa especialidade é a literatura infantil e xuvenil. Ten realizado cursos de formación sobre libro-álbum e exercido a docencia no Máster Libro Ilustrado e Animación Audiovisual da Facultade de Belas Artes da Universidade de Vigo [3]. Participa habitualmente en encontros co alumnado dos colexios [4].

É autora de diversas adaptacións de contos tradicionais a álbums ilustrados, traducidos a máis de dez idiomas. En 2017 publicou 22 segundos, narrativa para adolescentes. A sinopse da obra segundo David González é:

O que non se di é coma se non existise, afirmara o avó un día, e xa ía sendo hora de existir. Ata ese momento só vivira de portas para dentro. Agora xa non había marcha atrás. A cámara pedíalle que falase.”Son Álex, un mozo transexual. Abro este vlog para compartir con vós a miña vida. Quen me coñeza e estea a ver este vídeo entenderá moitas cousas, ou mesmo non comprenderá –ou non quererá comprender– nada. O distinto asusta, dá vertixe porque obriga a cuestionarse tantas cousas… E por iso fago este vídeo, porque non quero ter máis medo, nin vergoña de ser quen son.”Antes de que lle dese tempo a pensar, conectou a cámara co ordenador. Vinte e dous segundos. Ese foi o tempo que tardou o arquivo en subir á rede. “22 segundos” relata, en primeira persoa, anacos da infancia e adolescencia dun mozo transexual que, desde os primeiros anos sabe –sen poñerlle etiquetas– que a súa identidade de xénero non coincide co sexo que lle asignaron ao nacer. Unha obra que busca visibilizar, desde a empatía, un colectivo de persoas historicamente silenciadas e denigradas que loita por que as leis –e a sociedade– deixen de consideralas enfermas[5].

Obras[editar | editar a fonte]

  • A casa da mosca chosca (2002), Kalandraka, ISBN 84-8464-155-4. Adaptación de Eva Mejuto a partir dun conto popular ruso. Ilustracións de Sergio Mora [6]. Foi publicada en catalán, éuscaro e castelán por Kalandraka.
  • Rato de campo e rato de cidade (2002), Kalandraka, ISBN 84-8464-139-2. Ilustracións de Kiko da Silva. Foi publicado en inglés e castelán por Kalandraka.
  • O zapateiro e os trasnos (2003), Kalandraka, ISBN 84-8464-212-7. Adaptación dun conto popular. Ilustracións de Elia Manero. Foi publicado en castelán por Kalandraka.
  • Corre, corre, cabaciña (2006), Kalandraka, ISBN 84-8464-212-7. Adaptación dun conto tradicional portugués. Ilustracións de André Letria. Foi publicado en inglés, francés, portugués, catalán e castelán por Kalandraka.
  • Tres desexos (2007), OQO, ISBN 978-84-96788-63-3. Eva Mejuto a partir dun conto tradicional portugués. Ilustracións de Gabriel Pacheco. Tamén foi publicado en inglés, francés, portugués e castelán por Kalandraka.
  • Maruxa (2014), OQO Editora, ISBN 978-84-9871-490-6. Texto de Eva Mejuto a partir dunha canción tradicional polaca. Ilustracións de Mafalda Milhoes. Foi publicado en portugués e castelán por Kalandraka.
  • 22 segundos (2017), Xerais, ISBN 978-84-9121-239-3, 136 p. [7]

Colaborou nas obras colectivas:

Tradutora[editar | editar a fonte]

Notas[editar | editar a fonte]

  1. "Ficha de Eva Mejuto na AELG". Consultado o 21/03/2018. 
  2. "Proxecto Capicúa". Capicúa. Consultado o 24/03/2018. 
  3. "Máster da Universidade de Vigo". Consultado o 21/03/2018. 
  4. "Faro de Vigo, 29/05/2016". Consultado o 21/03/2018. 
  5. "Blog de Xerais". Consultado o 21/03/2018. 
  6. "Catálogo da BNE". Consultado o 21/03/2018. 
  7. "Ficha do libro en Xerais". Consultado o 21/03/2018. 

Véxase tamén[editar | editar a fonte]

Ligazóns externas[editar | editar a fonte]