Estádio do Maracanã

Estádio do Maracanã Estádio Jornalista Mário Filho
Vista aérea do estadio do Maracanã.
Datos
Coordenadas	22°54′44″S 43°13′49″O
Localización	Río de Xaneiro, Brasil
Construción
Inauguración	16 de xuño de 1950
Renovación	2000, 2006, 2013
Arquitecto	Waldir Ramos Raphael Galvão Miguel Feldman Oscar Valdetaro Pedro Paulo B. Bastos Orlando Azevedo Antônio Dias Carneiro
Estadio
Superficie	Herba
Dimensións	105 × 68
Capacidade	78.838
Propietario	Estado de Río de Xaneiro
Operadora	Novonor e Estado do Río de Xaneiro
Localía	Flamengo Fluminense FC
Web	http://www.suderj.rj.gov.br/maracana.asp
Eventos
Mundial de Fútbol Brasil 1950 Copa Confederacións Brasil 2013 Mundial de Fútbol Brasil 2014 Xogos Olímpicos de 2016
[ editar datos en Wikidata ]

O Estádio Jornalista Mário Filho, máis coñecido como Maracanã ("semellante a un chocallo" en tupí-guaraní, debido ao son dos paxaros que vivían por alí), é un estadio de fútbol brasileiro localizado no Río de Xaneiro e inaugurado en 1950, con motivo da celebración da Copa do Mundo de fútbol daquel ano. Desde entón, o Maracanã foi palco de grandes momentos do fútbol brasileiro e mundial, como as finais do Campionato Brasileiro, do Campionato Carioca, da Copa Libertadores, da primeira Copa Mundial de Clubs da FIFA, así como doutras competicións internacionais e partidos da selección brasileira. Foi un dos locais de competición dos Xogos Panamericanos de 2007, albergando as competicións de fútbol e as cerimonias de apertura e de clausura. Tamén foi sede e albergou as cerimonias de apertura e clausura dos Xogos Olímpicos de 2016, disputados na cidade do Río de Xaneiro.

Ao longo do tempo, porén, o estadio tamén pasou a asumir carácter de espazo multiuso ao albergar outros eventos como espectáculos e partidos doutros deportes, como o voleibol. Tras diversas obras de modernización, a capacidade actual do estadio é de 78.838 espectadores, sendo o maior estadio do Brasil.