Wikipedia:O que a Wikipedia non é

A Wikipedia é unha enciclopedia. Dada a definición xeral de enciclopedia resulta un pouco complicado decidir exactamente que cousas caben aquí. Non obstante, temos unha boa idea de que cousas non pertencen á enciclopedia, isto é, o que a Wikipedia non é e non debe ser:

Non é unha enciclopedia impresa

Isto significa que non ten un límite de artigos, nin de tamaño dos mesmos. Pode (e debe) incluir ligazóns entre os distintos artigos e é actualizada continuamente.

Existe unha limitación para o tamaño dos artigos individuais que depende unicamente da velocidade do navegador usado e das esixencias de lexibilidade. Non obstante, os artigos poden dividirse en varios, incluíndo ligazóns entre eles e resumos axeitados como un xeito de facer medrar un tema.

Non é unha fonte orixinal de datos

A información edítase por wikipedistas que procuran temas noutras fontes e insiren aquí os artigos orixinais, ou completan, corrixen e complementan os xa publicados.

Non é un dicionario

Aínda que o libro de estilo recomende que o mellor xeito de comezar un artigo sexa cunha boa definición, os que só conteñen a mesma non son artigos axeitados para a Wikipedia.

As enciclopedias tradicionais acostuman conter este tipo de entradas xunto con outras de maior envergadura, pero a Wikipedia non é un dicionario ortográfico, nin é un dicionario xenealóxico ou biográfico; non é un lugar para definicións nin para listas das mesmas; tampouco é unha guía de uso de xergas sociais ou profesionais.

Wikimedia ten un proxecto que é un dicionario e pode visitarse no Galizionario.

Non é un foro de discusións

Malia haber áreas para a discusión en cada páxina, e mesmo páxinas para intercambiar ideas da comunidade.

Non é un directorio de ligazóns

As listas de ligazóns só son aceptábeis nas páxinas de homónimos e nalgunhas poucas listas. No apartado "Véxase tamén" non hai que repetir as ligazóns que xa aparecen no texto.

Non é un repositorio de sitios web

Ou de duplicación doutros contidos. As ligazóns a recursos externos só teñen sentido cando amplían de maneira substancial o contido dun artigo ou fornecen algo que a Wikipedia non pode, como vídeos e imaxes interesantes mais con copyright. Non é un obxectivo razoábel ligar con todos os recursos existentes sobre un tema, senón só con aqueles, seleccionados, que achegan algo importante.

Non ten contido reservado

Os contidos inseridos deben estar no dominio público ou rexerse por licencias de uso do tipo GNU FDL.

Non é un blog ou similar

A pesar de ter contido libre e actualizado polos wikipedistas, a Wikipedia non é un espazo para reflictir informacións persoais.

Wikimedia ten outros proxectos que poden cubrir algúns dos tipos de páxinas citados arriba. Visite http://www.wikimedia.org/ para os proxectos xa existentes, e meta:Proposals for new projects para proxectos propostos.

Posibles medidas a tomar en caso de violación das normas

• Modificar o contido da páxina.
• Facer un redireccionamento.
• Comunicalo a outros wikipedistas ou aos administradores.
• Borrar o artigo en cuestión comentando o motivo no campo Resume.

Véxase tamén

• Wikipedia:Cousas que non se deben facer
• Wikipedia:Normas de conduta
• Wikipedia:Guerra de edicións