Eldridge Cleaver

Na Galipedia, a Wikipedia en galego.
Eldridge Cleaver
Nacemento31 de agosto de 1935
Lugar de nacementoWabbaseka
Falecemento1 de maio de 1998
Lugar de falecementoPomona
Causacancro de próstata
SoterradoMountain View Cemetery and Mausoleum
NacionalidadeEstados Unidos de América
EtniaAfroamericano
Relixiónateísmo
Alma máterAbraham Lincoln High School
Ocupaciónescritor, político, activista polos dereitos civís e violador
CónxuxeKathleen Neal Cleaver
Na rede
Musicbrainz: 0b80b9a7-aaca-480d-a83e-a863332df69b Discogs: 560766 Allmusic: mn0001449266 WikiTree: Cleaver-1007 Find a Grave: 3507 Editar o valor em Wikidata
editar datos en Wikidata ]

Elridge Cleaver, nado en Wabbaseka (Arcansas) o 31 de agosto de 1935 e finado en Pomona (California) o 1 de maio de 1998, foi un defensor dos dereitos civís estadounidense, foi un dos membros máis importantes e influentes do partido Panteras Negras, e autor dunha das obras máis importantes do movemento: Soul of Ice.

Traxectoria[editar | editar a fonte]

A súa familia trasládase primeiro a Phoenix (Arizona) e despois aos Ánxeles (California). É detido por delitos menores durante a súa adolescencia e en 1957 condenado por asalto e intento de asasinato. Tamén recoñeceu moito despois as súas actividades como violador de mulleres na súa mocidade, feitos que tentou desvincular do seu pensamento político. En 1966 sae da prisión e ese mesmo ano ingresa na sección de Oakland dos Panteras Negras.

En 1968 preséntase como candidato á Presidencia polo Partido Paz e Liberdade. Ese mesmo ano é ferido durante un enfrontamento dos Panteras Negras coa policía no que morre o militante Bobby Hutton. Acusado de intento de asasinato abandona o país e refuxiase en Alxeria, onde segundo as súas memorias, recibiría cartos da república de Vietnam do Norte, en guerra cos Estados Unidos. No país africano terá problemas coas autoridades que o fan temer pola súa vida, e refuxiarse brevemente no Estado francés e máis tarde en Cuba.

Elridge Cleaver volverá aos Estados Unidos en 1975 renunciando aos Panteras Negras. Nos anos 80, e a consecuencia das súas experiencias en países socialistas, Elridge Cleaver renuncia á súa ideoloxía e se bautiza na Igrexa dos Santos dos Últimos Días. Tamén se presentará ás eleccións para o Senado polo Partido Republicano, naquela altura baixo o liderado de Ronald Reagan. Nesa época vólvese tamén adicto ao crack, droga que non poderá deixar até o ano 1994.

Morreu de cancro de próstata, e foi soterrado en Pasadena.