Quelicerados

Na Galipedia, a Wikipedia en galego.
Quelicerados
(Chelicerata)
Limulus
Limulus
Clasificación científica
Reino: Animalia
Filo: Arthropoda
Subfilo: Chelicerata
Heymons, 1901
Clases

Os quelicerados (Chelicerata, do grego χελή chelé, "pinza" e κέρας, κέρατος kéras, kératos, "corno") constitúen un subfilo do filo dos artrópodos (Arthropoda) que Se diferencian dos demais artrópodos, entre outras características, por careceren de antenas e de mandíbulas.

Teñen o corpo tipicamente dividido en dúas rexións ou tagmas, unha anterior denominada prosoma (ou cefalotórax) e unha posterior ou opistosoma (abdome).

O prosoma componse do acron presegmentario e 6 segmentos, e a miúdo está cuberto por un escudo dorsal. Presenta 6 pares de apéndices, todos eles multiarticulados e unirrámeos: quelíceros (apéndices bucais), pedipalpos e 4 pares de patas marchadoras. Teñen ollos compostos laterais e/ou ollos simples mediais.

O opistosoma, formado por até 12 segmentos e máis o telson, presenta apéndices moi diferenciados ou ben carece de eles, segundo os grupos.

Coñécense máis de 70.000 especies actuais de quelicerados, case todas pertenecientes á clase dos arácnidos.

Véxase tamén[editar | editar a fonte]

Commons
Commons ten máis contidos multimedia sobre: Quelicerados
Wikispecies-logo.svg
Wikispecies posúe unha páxina sobre: Quelicerados

Bibliografía[editar | editar a fonte]

  • Brusca, R. C. e G. J. Brusca (2005): Invertebrados. Madrid: McGraw-Hill Interamericana de España. ISBN 9788448602468.
  • Rupppert, E. E.; R. S. Fox & R. D. Barnes (2004): Invertebrate Zoology 7ª ed. Stamford, Connecticut (EE.UU.): Brooks/Cole ISBN 0-03-025982-7.

Outros artigos[editar | editar a fonte]

Ligazóns externas[editar | editar a fonte]