Dragon Ball Super

Na Galipedia, a Wikipedia en galego.
Saltar ata a navegación Saltar á procura
Dragon Ball Super
ドラゴンボール超
(Doragon Bōru Sūpā)
Anime Dragon Ball Super
Dirixido por Kimitoshi Chioka
Estudio Toei Animation
Canle televisiva Fuji TV
Primeira emisión 5 de xullo de 2015
Última emisión 25 de marzo de 2018
Núm. de capítulos 131

Dragon Ball Super (ドラゴンボール超(スーパー) Doragon Bōru Sūpā?) é un anime baseado no manga de Akira Toriyama. Estreouse o 5 de xullo de 2015 no Xapón, cunha duración de 25 minutos por episodio e con 100 capítulos previstos inicialmente.[1]

Historia[editar | editar a fonte]

A historia do anime desenvólvese seis meses despois da derrota de Majin Buu, cando a Terra se converteu unha vez máis nun lugar pacífico, e retrocontinuando cos acontecementos das películas Dragon Ball Z: A batalla dos deuses e Dragon Ball Z: A Resurrección de Freezer, ademais de contar a historia posterior a estes acontecementos.[2][3][4]

Lista de episodios[editar | editar a fonte]

Artigo principal: Lista de episodios de Dragon Ball Super.

Produción[editar | editar a fonte]

Akira Toriyama, creador do manga orixinal de Dragon Ball.

18 anos despois do final de Dragon Ball GT, púxose en fase de produción Dragon Ball Super, unha nova serie de animación que continuará coas aventuras de Son Goku e demais personaxes da franquía. Segundo publica a páxina oficial, Toei Animation anunciou o que sería a nova saga Dragon Ball Super, un novo anime de Dragon Ball que se estreou en xullo do 2015. De acordo á páxina web, trátase dun proxecto orixinal, unha secuela de Dragon Ball Z, de mans de Akira Toriyama, autor da manga de Dragon Ball. O anime emítese cada domingo desde o 5 de xullo de 2015, ás 9 da mañá a través da canle Fuji TV, entre outros.

Despois da última película de Dragon Ball Z: A resurrección de Freezer, dirixida por Tadayoshi Yamamuro e que se estreou o 18 de abril de 2015 en Xapón. Osamu Nozaki, produtor de Fuji TV, engadiu que: «A medida que lía o guion que xa me pasou Akira Toriyama, os meus soños co proxecto comezaron a expandirse. Un inimigo mesmo máis forte que Buu ou Freezer pode aparecer».[cita requirida]

Akira Toriyama, creador da serie orixinal, participa no guion e deseño dos novos capítulos de Dragon Ball. Kimitoshi Chioka encárgase da dirección, mentres que Naoko Sagawa e Atsushi Kido, xunto a Osamu Nozaki establécense como produtores.[5]

O manga de Dragon Ball Super comezou a publicarse no mes de xuño de 2015 na revista xaponesa V Jump. Akira Toriyama acreditou que se utilizarán os conceptos e historias orixinais.[6]

Kazuya Yoshii encárgase do opening de Dragon Ball Super coa canción Chōzetsu☆Dynamic. Yukinojo Mori, coñecido por escribir a letra das cancións dalgunhas películas de Dragon Ball e da serie Dragon Ball Z Kai, é quen escribiu tamén a letra desta canción, O primeiro ending é Hello, Hello, Hello interpretado polo grupo Good Morning America, mentres que o segundo é Starring Star interpretado polo grupo Keytalk.[7]

O 14 de xuño de 2015, foi lanzado o primeiro teaser, de Dragon Ball Super, onde apareceron personaxes como o Kaiō Shin do leste, Piccoro, Son Gohanda, Señor Satán, Vexeta, Son Goten, Toranks, Son Goku, Bills, Wiss, Champa e Vaos no cal se mostrou que a serie non tería continuidade con Dragon Ball GT.[8]

A serie contará con, polo menos, 100 capítulos. da saga despois da última película[9]

Tadayoshi Yamamuro, director das películas, confirmou unha historia posterior ás películas, que incluirá aos personaxes Champa e Vados.[4][10][11]

Notas[editar | editar a fonte]

  1. ↑ Dragon Ball, la nueva serie, tendrá 100 capitulos.
  2. ↑ http://www.hobbyconsolas.com/noticias/dragon-ball-super-donde-encaja-cronologicamente-118140
  3. ↑ Dragon Ball Gets 1st New TV Anime in 18 Years in July Arquivado 04 de xaneiro de 2016 en Wayback Machine. animenewsnetwork.com.
  4. ↑ 4,0 4,1 mentions that Toriyama’s “original thing” will follow.
  5. ↑ Dragon Ball, la nueva serie, tendrá 200 capítulos lifeboxset.com.
  6. ↑ El manga de Dragon Ball Super acompañará al nuevo anime Arquivado 18 de agosto de 2015 en Wayback Machine. dragonball-super.org.
  7. ↑ Dragon Ball Super ya tiene opening y ending hobbyconsolas.com.
  8. ↑ Vea el primer adelanto de ‘Dragon Ball Super’ | El Heraldo elheraldo.co.
  9. ↑ DRAGON BALL SUPER CONFIRMA QUE TENDRÁ 100 EPISODIOS es.ign.com.
  10. ↑ Dragon Ball Super Manga Moves Ahead with Champa Material kanzenshuu.com
  11. ↑ Champa & Vados Voice Actors Revealed in “Dragon Ball Super” kanzenshuu.com

Véxase tamén[editar | editar a fonte]

Outros artigos[editar | editar a fonte]

Traído desde «https://gl.wikipedia.org/w/index.php?title=Dragon_Ball_Super&oldid=5958027»