Curd Jürgens

Curd Jürgens
	;
Biografía
Nacemento	(de) Curd Gustav Andreas Gottlieb Franz Jürgens ; 13 de decembro de 1915 ; Solln, Alemaña
Morte	18 de xuño de 1982 (66 anos); Viena, Austria
Causa da morte	infarto agudo de miocardio
Lugar de sepultura	Cemiterio central de Viena, Gruppe 32C, Nummer 54
Actividade
Ocupación	director de cinema, actor, actor de dobraxe, actor de cinema, actor de teatro, actor de televisión
Período de actividade	1935 -
Familia
Cónxuxe	valor descoñecido (1978–1982), morte da persoa; valor descoñecido (1958–1977), divorcio; Eva Bartok (1955–1956), divorcio; Judith Holzmeister (1947–1955), divorcio; valor descoñecido (1937–1947), divorcio
Pai	Curd Jürgens
Premios
	Kainz Medal (en) ; Gran Cruz da Orde do Mérito da República Federal de Alemaña; Copa Volpi á mellor interpretación masculina ;

Curd Gustav Andreas Gottlieb Franz Jürgens (tamén coñecido no ámbito anglófono como Curd Jurgens e Curt Jurgens), nado en Múnic o 13 de decembro de 1915 e finado en Viena o 18 de xuño de 1982, foi un actor austro-alemán de cine e teatro.

Traxectoria

Primeiros anos

Naceu en Múnic, fillo dun comerciante de Hamburgo e dunha profesora francesa. Traballou inicialmente de xornalista antes de comezar a actuar, grazas á iniciativa da súa primeira mullar, actriz, e pasando gran parte dos seus primeiros anos actuando nos teatros de Viena.

Crítico do réxime nacionalsocialista na súa Alemaña natal, foi enviado a un campo de concentración por ser considerado un cidadán "politicamente incorrecto" en 1944. Sobrevivindo á guerra, adquiriu a nacionalidade austríaca logo do conflito.

Carreira internacional

Logo de pasar anos actuando nos teatros austríacos e no cine local e alemán, Jürgens gañou o premio ao mellor actor no Festival de Venecia de 1955 co filme Les Héros Sont Fatigués, e ao ano seguinte converteuse nunha estrela internacional co éxito de Et Dieu… créa la femme, de Roger Vadim, que tamén lanzou á fama a Brigitte Bardot.

Curd pasou entón a traballar en diversos filmes de guerra de Hollywood, estreando en 1957 The Enemy Below, onde compartiu pantalla con Robert Mitchum, ao interpretar o papel dun comandante de submarino alemán perseguido por un destrutor americano durante a segunda guerra mundial. En 1962 interpretou un oficial nazi no épico filme The Longest Day, un dos éxitos do ano.

Cunha carreira de máis de cen filmes, en moitos deles en papeis secundarios, o seu momento de maior popularidade chegou en 1977 ao interpretar o vilán Karl Stromberg en 007: A espía que me amou, un dos filmes de Roger Moore como James Bond.

Porén, malia unha carreira de case tres décadas no cine internacional, Curd sempre se considerou un home de teatro.

Vida persoal

Casou cinco veces, a última delas cunha actriz húngara, Eva Bartok, tamén ex-prisioneira de campos de concentración. Jürgens viviu en Francia durante moitos anos, volvendo a Viena de cando en vez para representar papeis de teatro. Foi durante unha destas viaxes que sufriu un ataque cardíaco, morrendo en 1982, aos 66 anos.

Véxase tamén

Ligazóns externas

Curd Jürgens na IMDb (en inglés).