Conversa usuario:Acerto

Na Galipedia, a Wikipedia en galego.
Saltar ata a navegación Saltar á procura

Benvid@ á Galipedia.Podes establecer contacto cos outros usuarios nas diversas seccións da Taberna ou nas súas páxinas de discusión. Tes información sobre o funcionamento da wikipedia galega en Wikipedia:Axuda, Wikipedia:Política e normas e no Portal da comunidade. Para calquera cousa non dubides en preguntar, saúdos.--Rocastelo(fálame aquí) 17:34, 28 marzo 2006 (UTC)

  • Únome ao saúdo de benvida. Espero que disfrutes colaborando coa Galipedia. Un cordial saúdo. --Prevert(talk) 20:33, 2 abril 2006 (UTC)
  • Ola Acerto. Grazas por colaborar connosco, a túa axuda é especialmente importante. Non dubides en contactar comigo para calquera cousa que desexes: estou á túa disposición. Un cordial saúdo --Lmbuga Commons - Galipedia 16:16, 5 agosto 2006 (UTC)

Xornal da Galipedia[editar a fonte]

Ola Acerto, en primeiro lugar queremos agradecerche as túas colaboracións na Galipedia, son moi importantes para o bo funcionamento do proxecto galego. Esta mensaxe é para dar conta de certas novidades no wiki. Co constante crecemento da Galipedia fíxose necesario crear un sistema para difundir o que sucede no wiki, de centralizar os debates, unificar criterios e manter un seguimento da actualidade do proxecto. Por todo iso nace o Xornal da Galipedia. Co Xornal pretendense mellorar a coordinación entre todos os colaboradores e a calidade deste wiki. Esta é a primeira edición do xornal e do modelo de suscripción {{Xornal}}. Incluíndo o modelo na páxina de usuario actualízase automaticamente con cada nova edición do Xornal. Calquera colaboración ou suxerencia que queira aportar pode incluíla na páxina de discusión. Confiamos en que este novo instrumento sexa útil para os colaboradores da Galipedia, por iso as opinións dos usuarios son moi váliosas para conseguilo. Un cordial saúdo. --Prevert(talk) 22:40, 15 setembro 2006 (UTC)

20.000 artigos[editar a fonte]

Ola Acerto. A Galipedia acadou a cifra de 20.000 artigos.

Por mor de teres colaborado connosco, e porque calquera contribución é importante e insubstituíble inda que sexa un feito puntual, ademais de agradecerche o teu labor, invitámoste aos diferentes espazos que na Galipedia celebran a consecución dos 20.000 artigos:

Agradeceriamos que te unises a esta celebración expresando a túa opinión en Wikipedia talk:20.000 artigos. Sabemos que isto non sempre será posible, pois algúns dos usuarios editores da Galipedia non han conectar estes días.

Grazas de novo por ser un máis entre nós.--Prevert(talk) --Lmbuga Commons - Galipedia 00:33, 6 decembro 2006 (UTC)

Chris Gueffroy[editar a fonte]

Grazas pola túa artigo, just "read" your article on Chris Gueffroy. Probably you are also interested in the article about es:Sven Hüber. It has been censored in German (no:Bruker:Exil/Sven Hüber). Greetings --Manolo 05:34, 26 febreiro 2007 (UTC)

Orde de Santiago[editar a fonte]

  • Ola, Acerto, como vai? Vouche ser sincero, non son moi experto en historia, mais ben afeccionado, e co artigo da orde de Santiago só fixen unha adaptación ortográfica (canto ao léxico non mudei mais de 2 ou 3 palabras, e a morfosintaxe de galego e portugués é moi similar). A túa proposta é unha opción válida, e tamén se podería facer neste mesmo artigo unha alínea especificando as diferenzas da orde portuguesa. Persoalmente eu non faría dous artigos porque tampouco hai tanto contido, e aclararía as diferenzas que houber. Mais as dúas opcións valen, como che pareza mellor. Recibe un cordial saúdo. --Xoán Carlos Fraga 14:20, 28 abril 2007 (UTC)
  • A verdade é que habería que aclarar no artigo se estamos ante dúas ordes ou unha, douche a razón, e talvez dividilo se son dúas. Mais o curioso é que na wiki en portugués pon como mestres os mesmos que os da orde da wiki en español, entón dá a impresión de que era, como dices tu, unha sucursal da española. Mais tampouco se aclara moito isto en ningún dos dous artigos, e na inglesa non vexo referencia á orde en Portugal. Agardemos que poidamos arranxalo. Mais mellor que haxa debate que non haxa nada (quero dicir inexistencia do artigo), e se despexamos dúbidas na wiki (pasándollelas ás outras), matamos dous pombos dun tiro. Recibe un saúdo e grazas por estar aí ao axexo, como debe ser. Cóidate, Acerto. --Xoán Carlos Fraga 14:51, 28 abril 2007 (UTC)
  • Pola wiki en portugués dá a impresión é que a orde era unha, castelán-leonesa, e só houbo un mestre portugués que pasou ao servizo do rei castelán-leonés (o que volve a indicar que a orde non era portuguesa), o que ocorre é que en Portugal despois esta orde converteuse en honorífica e si que tiña a cruz doutra cor. Mais en que datas ocorrería isto? Parece que convirían algunhas aclaracións, xa melloraremos o artigo. --Xoán Carlos Fraga 14:57, 28 abril 2007 (UTC)

Grazas[editar a fonte]

Moitas grazas por desfacer os vandalismos nalgúns artigos. Un cordial saúdo. --Prevert(talk) 17:17, 3 maio 2007 (UTC)

Rosendo - San Rosendo[editar a fonte]

Ola, que tal? Antes de nada parabéns polo teu traballo na Gali, especialmente en temas de historia de Galicia dos que queda moito que facer. Estiven vendo o artigo que comezaches sobre os Viquingos en Galicia e causome estraneza que falaras dun Bispo Rosendo de Santiago como o futuro San Rosendo xa que o coñecido como San Rosendo de seguro nunca foi bispo de Compostela ou Iria Flavia, senón de Mondoñedo. Eu non podería afirmar rotundamente a existencia de varios San Rosendos en Galicia nesa época pero o que che decía pareceme estrano polo que me decidín a escribirte para preguntarche a fonte da que sacaches tal dato, xa que levo tempo querendo buscar unha fonte fidedigna para facer un listado de bispos e arcebispos de Santiago de Compostela e Iria Flavia, e tamén para ampliar as miñas fontes. Supoño que a obra de Ferro Couselo sobre a Iglesia compostelana podería servir pero pese a súa rigurosidade a miña falta de estudios académicos sobre historia e o dato de que a obra é moi antiga fanme ser precavido e non atreverme con ela. Un cordial saúdo. Lansbricae (Ti dirás) 09:01, 14 maio 2007 (UTC)

A López Ferreiro me refería, tiven un bo lapsus. Grazas pola resposta. Lansbricae (Ti dirás) 06:58, 15 maio 2007 (UTC)

User talk:Emanganacm[editar a fonte]

  • Olá. Non entendo que pasou con este texto. --Xosé (✉) 18:50, 16 maio 2007 (UTC)
    • Si. Acabo de comprobar que iso foi o que pasou. Grazas. --Xosé (✉) 19:03, 16 maio 2007 (UTC)

Islandia[editar a fonte]

--Hugo22 22:06, 26 maio 2007 (UTC)Pois a verdade é que non teño moito ou ningún coñecemento sobre as Sagas, pero si me interesa Islandia, por iso estou a traducir o artigo da Wikipedia inglesa sobre este país, xa que o da nosa Galipedia so se limitaba a existir sen ningunha información útil. Debido a iso creín conveniente crea ese artigo, xa que non sabía que exixtía e me parecía interesante nomear a existencia dunha saga na que se explicaban os primeiros séculos da historia de Islandia. Aínda así perdoa a miña ignorancia.

Tabelión[editar a fonte]

Para comezar: 1. as cousas non se fan asi, non podes mover un artigo sen adverti-lo antes no artigo de discusión. 2. Os argumentos sobre o tema están no artigo de discusión, non vou mover o artigo, agardarei un tempo a ver que di a xente.

Un saúdo e espero atopar-te proximamente.

Emilio juanatey 16:52, 15 xuño 2007 (UTC)

O meu comentario anterior parece un pouco brusco, sinto-o, a intención era ser esquemático e non borde; pero eu paso-me de escrupuloso con estas cousas porque non me gosta nada o de editar e contra-editar, penso que é unha perda de tempo enorme.

O termo aparece moito en textos filolóxicos e se lle dei ese nome ao artigo e porque o fixen desde o artigo de Prosa galega medieval, onde aparecia o termo, que para un falante normal sona moi estraño e pareceu-me apropiado un artigo que o definise. Evidentemente que se pode redirixir e punto, pero penso que é mellor esperar para non ter que facer as cousas duas veces.

en calquer caso tampouco é para tanto. Sorry Emilio juanatey 17:17, 15 xuño 2007 (UTC)

Agradecemento[editar a fonte]

Ola Acerto. Aínda non tivera ocasión de facelo quero agradecerche o gran traballo que estás facendo por este wiki. Necesitamos moitos colaboradores coma ti para que este proxecto avance. Moitas grazas. Un cordial saúdo. --Prevertgl 10:27, 23 xuño 2007 (UTC)

Vaites[editar a fonte]

Que despropósito! Pero efectivamente tes razón: o VOLGa di que debe ser mesquita e non mezquita (agardo que non lles dea agora por mudar os topónimos), e procedo a emendar todos os meus erros... Síntoo. Fieime do meu coñecemento previo e non o comprobei. En todo caso, e tendo en conta que os outros dous son topónimos menores, creo que o artigo principal debería ser mesquita, e non mesquita (templo islámico). Que che parece? --Xabier Cid 19:43, 4 xullo 2007 (UTC)

Viquingos en Galicia[editar a fonte]

Ola Acerto. O artigo Viquingos en Galicia que creáches ti foi elixido artigo destacado sobre Galicia do mes de agosto. Se podes engadir algún dato máis estaría moi ben, é un artigo curto así e todo esperta o interese de moitos colaboradores. Parabéns. Un cordial saúdo. --Prevertgl 17:10, 5 xullo 2007 (UTC)

Si foi un erro, referíame a Viquingos en Galicia. Sintoo. Un cordial saúdo. --Prevertgl 17:32, 5 xullo 2007 (UTC)
Grazas, se se pode ampliar un pouco mellor. Segundo unha idea de Alberte hai artigos que sendo curtos teñen interese dabondo para seren destacados e así difundilos entres os lectores e colaboradores. Este artigo está nesa liña e por ese motivo foi destacado. Un cordial saúdo. --Prevertgl 17:40, 5 xullo 2007 (UTC)

Grazas[editar a fonte]

Grazas por abrirme os ollos. Non compensa estar aquí.

Ante a actuación dun usuario que dixo "que están a facer os administradores que non se vé nengún ou é que no existen neste wiki?" respondín [isto].

Miñato, sen que eu medese conta bloqueou, non sei se antes ou despois a esa ip, que por certo é a ip dun usuario amigo meu e que logo falando con el decateime de que non tiña intención de insultar, por un mes. Eu non intentei bloquealo, non me pareceu para tanto. Unicamente respondín -acción que considero inadecuada coa expresión "VAI RAÑALA". Considerarás como todos que é un insulto, a miña apreciación non é a mesma, si é un erro pola miña parte, pero o erro consiste en empregar unha lingua vulgar, en vez de dicir, por exemplo déixanos en paz

Creo que xusto antes de actuar así, enervados os nervios porque me acababa de dar conta do conflito que había na Galipedia, recibín a seguinte mensaxe de Lambriscae:

Grazas por todo. Fuches o meu Cicerone neste proxecto e a túa xenerosidade co traballo foi un dos alicentes para que quedara nel. Grazas pola túa paciencia e sorte con todo. Lansbricae (Ti dirás) 21:02, 30 agosto 2007 (UTC)

Creo que é indicativo de como o tratei e do meu talante usual cos usuarios (creo que a única vez que saíu da miña boca unha palabra altisonante desde que levo na Galipedia foi esa á que estamos facendo referencia (grazas por considerar que iso determina o meu historial)

Inmediatamente observo que Lambriscae dirixe a Miñato a seguinte mensaxe baixo o título Coherencia: Dous insultan, a dous se debe bloquear:

Ola, non te ofendas que xa teños moitos ofendidos pero Só che pido coherencia, Lmbuga insultou a un usuario e o usuario respondeu que lle mandará unha sorpresa polo correo (o cla é considerado como ameaza por ti, sen problemas), pero só se bloqueou a IP (por 1 mes), porque non se bloqueou tamén a outra parte que insultou ao editor (VAIR RAÑALA, creo que dixo textualmente), a lo menos simbólicamente? Existen diferenzas entre o resultado dos insultos verquidos por un administrador e os verquidos por un Usuario Común na política da wiki? non debe ser considerado máis grave que sexa un administrador o que cometa o acto considerando que un administrador é unha referencia e un apoio imprescindible para o resto de usuarios? Neste caso o resultado foi un bloqueo e o borrado dos dous comentarios advertindo que nadie pode insultar, non semellan moi equilibradas as medidas.

Quedei sorprendido, eu simplemente me expresara con máis liberdade da debida. A iso respondín, baixo o título Síntoo

O usuario en cuestión (ó que insultei) mandoume un correo. Acabo de responderlle pedíndolle desculpas. O seu non era un insulto. Malinterpretei o que quería dicir con Por certo, que están a facer os administradores que non se vé nengún ou é que no existen neste wiki?. Desculpeime. Non é xusto que el sexa bloqueado. Espero a resposta dese usuario por correo electrónico aceptando a miña solicitude de perdón.

Coincido con Lambriscae nas súas apreciacións. Eu só podo malamente dar xustificacións, dicir o que se me pasaba pola cabeza cando actuei así (cousa que Lambriscae sabe que é pouco frecuente en min, e supoño que tamén imaxinará que sinto telo feito e que coa presente mensaxe pretendo pedir desculpas á comunidade).

Tiven problemas persoais importantes (familiares) e volvín estar ausente. Vin esta noite o conflito que tivestes, conflito que inda non entendo. Botei 4 horas lendo páxinas de discusión e revisei o que fixeron as IPs durante unhas 30 horas. A verdade é que me sentín moi fastidiado de non estar convosco neste conflito. Non me enterei de nada. Remordeume un pouco a conciencia. Expresei a Lambriscae e a Maañón que os administradores temos vida persoal e que por problemas eu non puidera estar presente. Ó ver esa chamada de atención ós administradores dunha IP, despois de que manifesten varios usuarios e administradores que abandonan, sen entender o que pasara, pensando eu tamén en abandonar, en quedarme só en Commons, altereime. Pensei que sería alguén a montar máis leria, e non era así, referíase ó artigo. Altereime. Síntoo.

Hai tres alternativas, tras as palabras de Lambriscae: que me bloquees, que me autobloquee (noon sei se é posible, supoño que si), que non se faga nada. Pensando no wiki, na comunidade, no historial da comunidade, e en min mesmo, na miña credibilidade, creo que o ideal é queme autobloquee eu. ¿Por canto tempo? ¿Ten sentido facer algo simbólico?

Creo que neste difícil momento debo intentar estar presente no wiki (en especial se hai 2 administradores menos, e dous administradores moi activos), polo que autobloquearme por un espazo longo é un fraco servizo a todos. Opto por facer algo simbólico (acepto que ti a posteriori me poidas bloquear máis tempo), vou intentar bloquearme por espazo de dúas horas. Un cordial saúdo--Lmbuga Commons - Galipedia 10:56, 31 agosto 2007 (UTC)

De tan sorprendido que estaba, optei, por non meter a Miñato nun apuro por bloquearme eu mesmo, como ves; e bloqueeime.

Xa estaba eu mosqueado, non cría merecer ese trato, pero ben, podía seguir adiante. Pero User Lambriscae mandoume máis mensaxes (todo o que digo pode ser corroborado en páxinas de discusión:


Ola, espero non faltarche ao respeto, pero prefiro explicar todo o sucedido públicamente, xa que non creo faga que o proxecto se desmorono, é forte ainda que estes días pareza feble. Espero o entendas. Grazas Lansbricae (Ti dirás) 14:35, 1 setembro 2007 (UTC) Só unha cousa máis, tentarei ser o máis construtivo posible ao tempo que respetuoso; a penúltima maldade, Quén coñecido era a ip bloqueada por Miñato e que no canto de ameazarte mandouche unha sorpresiña como prometeu?

A iso eu respondín na páxina de Miñato (dicíndolle a el que fose mirar alí) e dixen:

Estou matinando renunciar como administrador. Esa reflexión, para min, é previa á que me propós. Se renuncio como administrador agora, non aceptarei ser proposto de novo. Dado a actitude que está a ter conmigo algún usuario, que desexa agora expoñerme publicamente (crear un patíbulo) e que é capaz de facerme -el creo lícito- preguntas sobre a miña vida privada (¿quen che escribiu o correo electrónico?), usuario ó que responderei (ando pensando a resposta para non dar pé a máis latricadas), a opción máis posible é a renuncia. Voulle probablemente da-lo gusto. Pero vou esperar uns días, quizais un par de semanas, nas cales non estarei probablemente moi activo.

O resto podes seguilo na miña páxina de discusión. Ti verás, a min dáme xa igual. Aínda volvendo Prevert e Xelo non vou aceptar a administración na Galipedia, se eles están presentes si o faría en Commons, pero mellor que non diga o motivo, porque podería, por segunda vez no meu historial, dicir unha palabra inadecuada.

Agora se me di que ese é o único usuario que ten autoridade moral. Logo dos centos de horas que lle teño dedicado a este proxecto, non debo merecer menos: nin sequera se me concede autoridade moral, como fas ti, e todo, seguramente, por dicirlle vai rañala a unha ip que -non só eu o supuxen, tamén Miñato, pois a bloqueou por un mes- tivo unha aparente -só eu penso que foi aparente- edición vandálica.

Todo se podería ter solucionado se no momento en que eu lle digo a Lambriscae que debeu dirixirse a min, por confianza, por respecto, logo de darme as grazas, e non a Miñato, cousa que ó meu parecer de xeito e por motivos egocéntricos, el se disculpase. Pero non foi así, senón que ma montou, con múltiplas cousas que non viñan a conto.

Eu non teño ningunha ansia de perdurar aquí. Hai moitas cousas que me apetecían facer que non puiden facer por estar aquí. É o momento

Por certo, a túa actuación, como a de outro, foi a gota que fixo deitar o vaso

Durei algo máis de dous anos, pero fun un usuario e administrador serio. A única vez que metín a pata, para non poñer nunha disxuntiva a outro administrador (Miñato) bloqueeime eu a min mesmo a sabendas de que o erro non era grave.

Grazas pola túa atención--Lmbuga Commons - Galipedia 00:50, 5 setembro 2007 (UTC)

Wikipedia:A Taberna (novas)#Administración[editar a fonte]

Ademais de poder ler as miñas palabras e as de Lambriscae (con quen espero ter quedado como amigos) na piña páxina de usuario agradézoche que leas a miña demisión en Wikipedia:A Taberna (novas)#Administración. Grazas --Lmbuga Commons - Galipedia 17:06, 6 setembro 2007 (UTC)

Eleccións de administradores[editar a fonte]

Agradeceríache, pois é moi importante para a comunidade, que leses detidamente o contido de Wikipedia:Votacións/Elección de administradores, o contido da páxina de discusión correspondente, o contido das subpáxinas (coas súas páxinas de discusión) que na mesma se mencionan, e que opinases ou participases votando. Un cordial saúdo--Lmbuga Commons - Galipedia 23:27, 3 outubro 2007 (UTC)

Participación nas primeiras eleccions "democráticas"[editar a fonte]

Ola!. Só por se non estiveses ao tanto, infórmote de que es un dos poucos que podes participar nas Primeiras votacions "democráticas" a administradores (ás que se presentan 3 candidatos). Pareceume importante facercho saber para que poidas exercer o teu dereito, sempre que o estimares oportuno, pero polo menos que estiveras informado, pois a informacion é un dos piares da liberdade. Saúdos. ---- Maañón00 (o que ho?) 20:39, 25 novembro 2007 (UTC)

Revisión de licenza[editar a fonte]

Ola Acerto. Andei revisando licenzas de artigos e atopeime con Richard Hawkins, quería confirmar se é unha tradución de en:Richard Hawkins. Grazas. Un cordial saúdo. --Prevertgl 17:45, 14 xaneiro 2008 (UTC)

Grazas pola aclaración. --Prevertgl 18:03, 14 xaneiro 2008 (UTC)

Destacados[editar a fonte]

Ola Acerto! Para propor como destacado tes que ir a Wikipedia:Artigo Destacado/Propostas. Alí hai que seguir os pasos: no 1º pór na caixa Wikipedia:Artigo Destacado/Propostas/The Legend of Zelda: A Link to the Past e darlle ó botón crear proposta. Logo, na parte de riba de Wikipedia:Artigo Destacado/Votacións tes que colocar {{Wikipedia:Artigo Destacado/Propostas/The Legend of Zelda: A Link to the Past}}. E xa está. Se non che sae algún paso ou tes algunha dúbida podes preguntarme. Saúdos. AlberteSi, digame? 15:47, 2 febreiro 2008 (UTC)

Imaxe:Castro de Bardaos.jpg[editar a fonte]

Ola . Grazas por colaborares subindo imaxes. Vinme obrigado a borrar esta imaxe. En http://www.flickr.com/photos/tordoiablog/456905181/ ten tódolos dereitos reservados. A imaxe do título non é posible mantela na Wikipedia. Non tódalas imaxes de Flickr están no dominio libre. Esta en concreto ten, como podes ver na súa orixe (columna da dereita de http://www.flickr.com/photos/tordoiablog/456905181/ ) tódolos dereitos reservados.

Moitas das imaxes de Flickr poden subirse á Commons ou á Galipedia.

Nesta páxina de Flickr telas fotos con licenza Creative Commons clasificadas en 6 grupos. Só se poden subir imaxes do 1º e do 6º. Se fas click no enlace que hai en cada grupo que pon See more podes facer buscas dentro do grupo.

As do primeiro grupo teñen licenza (hai que comprobala sempre na imaxe) {{cc-by-2.0}}, as do 6º {{cc-by-sa-2.0}}. Un cordial saúdo--Lmbuga Commons - Galipedia 05:07, 3 febreiro 2008 (UTC)

Noso Pai[editar a fonte]

Porque o apagou? --Ibérico 10:45, 3 febreiro 2008 (UTC) Encontrei-a numa página: http://pt.wikipedia.org/wiki/L%C3%ADngua_galega --Ibérico 10:55, 3 febreiro 2008 (UTC) E qual é a referência da primeira versão? --Ibérico 10:58, 3 febreiro 2008 (UTC)

Compositor portorricano[editar a fonte]

Ola, Acerto. Vin que reverteches un troco nunha biografía, pero ese troco semellaba un aviso de copyright, e iso é importante. Vou crear un sinal de copyvio, e vou avisar o seu creador orixinal, a ver qué opina da cuestión, de acordo? Un saudiño. --Xabier Cid 19:51, 8 febreiro 2008 (UTC) Nada, ho. :) Era pra explicarcho só... --Xabier Cid 21:08, 8 febreiro 2008 (UTC)

bailarete[editar a fonte]

Ola Acerto queria decirche que segun o DRAG bailarete é: Xoguete que consiste nunha peza de madeira de forma cónica ou esférica, rematada nunha punta pola parte inferior, que se fai xirar cos dedos. polo que creo que é a peonza castellana. Un saudo Como podes ver cando nombrei o termino bailarete fixen referencía o DRAG non o DRAE.Un saudo e grazas pola tua colaboración pois creo que é a forma correcta de mellorar a galipedia.

Lingua Celta dos Galaicos[editar a fonte]

Penso que se cadra considerarás revisar o sentido do teu voto á luz desta nova fonte bibliográfica que achei que invalida os principais argumentos de Xabier acerca de que ningún especialista fala dunha tal [[1]]: The Language(s) of the Callaeci. Eugenio R. Luján Martínez, Dept. Filología Griega y Lingüística Indoeuropea, Universidad Complutense de Madrid http://www.uwm.edu/Dept/celtic/ekeltoi/volumes/vol6/6_16/index.html Saúdos. --Casdeiro 22:49, 13 febreiro 2008 (UTC)

Non sei se liches ben o artigo, o autor non fala da existencia dunha lingua celta galaica, máis ben o que fai é analizar os elementos celtas que existen na onomástica e toponimia, penso que é revelador o parágrafo:

It thus appears that in Callaecia the place-names in -briga /-bris with a non-Celtic first element are more numerous than those with a Celtic first element. I suggest that this allows us to draw interesting conclusions about the linguistic history of the region. Speakers of Celtic languages must have coined the names in -briga or -bris, but in order to generate them they seem to have used previously existing onomastic elements from that area.

e isto:

We also have to bear in mind that in Roman times people from the Celtiberian area were continually moving into Callaecia. As stated above, we have inscriptions that clearly show this on-going migration. We can expect that these people were responsible for the introduction in Callaecia of some Celtic personal names, and possibly also some place-names

e especialmente isto:

Summing up, the nature of the evidence makes it difficult to provide a detailed linguistic history of ancient Callaecia
As conclusións ás que chegas da existencia dunha lingua celta galaica non coincide con Eugenio Luján, rele as súas conclusións.Acerto 23:05, 13 febreiro 2008 (UTC)
    • Entón como explicas isto no seu abstract (These names prove the presence of speakers of a Celtic language in this area) e o propio título do artigo? Cando menos penso que é unha proba a favor da pertinencia da existencia do artigo. Despois engadamos os contidos que queiramos, pero penso que non é tan disparatado termos un artigo que fale desta lingua na Galipedia, que é do que Xabier parece querernos convencer. --Casdeiro 23:12, 13 febreiro 2008 (UTC)

Desculpas[editar a fonte]

Hahá, síntoo. Non, se o problema foi que non vin os "trocos a cachón", lol. Só vin o troco de Kosovo, e por iso pensei que se trataba dunha actualización "independentista". Síntoo. :) Quizais debamos tamén editar o artigo da UNPO. A súa versión inglesa en:UNPO é moi confusa. Ou decididamente falsa. :) --Xabier Cid 21:27, 17 febreiro 2008 (UTC)

A propia web da organización, fedellando un pouco, ofrece os datos dos membros. Case os vou tirar de aí, que o alemán cústame máis, --Xabier Cid 21:39, 17 febreiro 2008 (UTC)
Mentres tentaba de facerche caso e meter indicadores de cómpren referencias nas repúblicas rusas, morreume o computador. Fixen agora de mañá os últimos trocos cun computador emprestado, pero creo que vou estar ausente da Galipedia por un certo tempo pra seguir furando. Acabei tamén nesta mañá coa listaxe de organizacións. Habería que chequear a veracidade do mapa, pero non vou ser eu quen o faga agora mesmo, :) Un saúdo. --Xabier Cid 09:59, 18 febreiro 2008 (UTC)
Estou completamente de acordo co do mapa. ;) --Xabier Cid 17:54, 18 febreiro 2008 (UTC)

Charlas en Ordes[editar a fonte]

Hai novidades sobre o tema das charlas en Ordes. --Flag of the Sahrawi Arab Democratic Republic.svg Sobreira (parlez) 21:56, 15 abril 2008 (UTC)

Saúdos e lembranza[editar a fonte]

Ola Acerto. Hai tempo que non te vemos pola Galipedia, esta mensaxe só é unha lembranza do teu traballo e de que se botan en falta a túas achegas. Se atopas un momento e podes dedicar algo de tempo quería pedirche que consideres volver editar (por pequenas que sexan as edicións que fagas). Cómpre a túa colaboración, o mesmo ca de todos, para que o proxecto camiñe cara adiante. Poidas volver editar ou non, grazas polo traballo que levas feito ata o de agora. Un cordial saúdo. --Prevertgl 17:48, 2 decembro 2008 (UTC)

Malia que non nos coñecemos, apúntome ao que di Prevert. Non te animas a volver editar? Convidado quedas. Un saúdo. --Atobar (conversa comigo) 12:25, 10 setembro 2009 (UTC)

Cuestionario onomástica[editar a fonte]

Ola, Acerto! Déixoche aquí esta mensaxe porque non tes activada a opción de mandarche un correo electrónico.

Sei que hai tempo que non editas na Galipedia, pero quería pedirche un favor:

Como quizais xa sabes, estou a cursar o Grao de Lingua e Literatura Galegas na USC. Este ano teño unha materia chamada Onomástica, e vou facer un traballo de investigación sobre os nomes de usuario das persoas que editan na Wikipedia en lingua galega. Consultei bibliografía sobre nicks e alcumes en chats e redes sociais, e de momento non hai moito material escrito. De feito, creo que este traballo será pioneiro na materia en lingua galega. O primeiro paso é elaborar un cuestionario que estou a enviar aos usuarios con máis edicións (activos e inactivos) co obxectivo de entender as motivacións á hora de escoller un nome.

Agradecería moito a túa colaboración; podes responder ao formulario aquí.

Un saúdo! --Estevo(aei)pa o que queiras... 6 de outubro de 2013 ás 12:32 (UTC)

Terceira revolta servil[editar a fonte]

Boas, o artigo Terceira revolta servil, que creaches ti, ten o marcador de curto de máis, a ver se podes amplialo un pouco máis. Saúdos, . HombreDHojalata.conversa 3 de maio de 2019 ás 18:14 (UTC)