Ciudad Rodrigo

Na Galipedia, a Wikipedia en galego.
Saltar ata a navegación Saltar á procura

Coordenadas: 40°35′49″N 6°32′21″O / 40.59694, -6.53917

Torre da Homenaxe do Castelo de Henrique II.

Ciudad Rodrigo (en galego antigo: A Cidade[1]) é un municipio español na provincia de Salamanca, na Comunidade Autónoma de Castela e León.

Situación e Poboación[editar | editar a fonte]

No seu límite leste, está a unha distancia de 86 km de Salamanca, a capital provincial e a 25 km da fronteira con Portugal (distrito de Garda) polo oeste. Limita ao norte con Abadengo e ao sur coa cacereña Sierra de Gata. Ten os títulos de Cidade Antiga, Nobre e Leal, e ademais é sede episcopal co apelativo de diocese civitatense.

Segundo o censo de 2008 (INE) conta cunha poboación de 13.975 habitantes, dos cales 6.777 son homes e 7.198 son mulleres, nunha superficie de 240,11 km². O xentilicio que reciben estes é o de mirobrigense (ou rodericense ou civitatense, preferíndose este último para designar a toda a poboación da área diocesana). A súa altitude na cabeceira é de 658 msnm.

Outros núcleos de poboación son Águeda del Caudillo (117 hab.), Bocacara (174 hab., 84 homes e 90 mulleres), Ivanrey (71 hab.), Sanjuanejo (74 hab.), Pedro Toro (9 hab.) e Arrabal de San Sebastián (30 hab.). Águeda é unha vila de colonización fundado durante o Franquismo, de aí o seu nome. Actualmente é unha pedanía do mesmo xeito que Bocacara. Bocacara era un concello independente ata mediados do século XIX así como Valdecarpinteros.

  1. Universidade de Vigo. Pautas para un correcto uso da linguaxe. p. 73.