Cidade de Ribeira CF
| Cidade de Ribeira CF | |
|---|---|
| Nome | Cidade de Ribeira Club de Fútbol |
| Alcume(s) | albicelestes |
| Fundación | 2020 |
| Estadio | Estadio Municipal da Fieiteira, Ribeira |
| Presidente |  Juan Manuel Fungueiriño Trasbach |
| Adestrador | Manuel "Manu" Angel Pena |
| Liga | Preferente – Grupo Norte |
| Grupo Costa/Santiago | 1.º |
| Patrocinador | Concello de Ribeira |
| Na rede | |
| https://cidadederibeira.es/ | |
   | |
O Cidade de Ribeira Club de Fútbol é un equipo galego de fútbol que se fundou en 2020 no concello barbanzán de Ribeira despois da fusión do Atlético de Riveira e o Sálvora CF. Na actualidade xoga no Grupo Norte da Preferente Autonómica de Galicia.
Disputan os seus encontros coma locais no Estadio Municipal da Fieiteira de herba natural, antigo campo do Atlético de Riveira.
Historia[editar | editar a fonte]
Tras a devandita fusión entre os conxuntos ribeirenses, o Cidade de Ribeira comezaría a competir na 1° Galicia tomando a praza do Atlético de Riveira, o cal militaba nunha categoría máis alta có Sálvora CF que xogaba na 2° Galicia. Na tempada 2021-2022 o equipo acadou a clasificación á segunda fase da Primeira Galicia -reestruturada por mor da pandemia de Covid-19- xunto co Club Deportivo Unión de Asados, rematando na 4ª posición do grupo 3.
Na tempada 2023-2023, baixo o liderado de Manuel "Manu" Ángel Pena, proclamouse campión do Grupo 2 con nove puntos sobre o seu perseguidor, a SD Negreira. A maioría dos xogadores do club eran de orixe barbanzá, o que amosou que a fusión ampliou a base da canteira.[1][2] O ascenso supuxo o primeiro gran logro da nova entidade.[3]
Historial na liga[editar | editar a fonte]
| Tempada | Categoría | Posto |
|---|---|---|
| 2021/22 | 1ª Galicia|Grupo 3 | 4.º |
| 2022/23 | 1ª Galicia|Grupo 2 | 1.º |
| 2022/23 | Preferente|Grupo Norte |
Notas[editar | editar a fonte]
- ↑ "O Cidade de Ribeira xa é equipo de Preferente. Impúxose ao Negreira para certificar o seu ascenso de categoría catro xornadas antes do final". Canal barbanza.com. 17 de abril de 2023. Consultado o 17 de setembro de 2023.
- ↑ "O Cidade de Ribeira xa é equipo de Preferente a falta de catro partidos". La Voz de Galicia. 17 de abril de 2023. Consultado o 17 de setembro de 2023.
- ↑ "Recepción ao “Cidade de Ribeira” na Casa do concello tras lograr o ascenso". O Barbanza. 11 de maio de 2023. Consultado o 17 de setembro de 2023.