Carmen Prieto

Na Galipedia, a Wikipedia en galego.
Carmen Prieto
Nome completoCarmen Prieto Rouco
Nacemento13 de xaneiro de 1901
Lugar de nacementoVilalba
Falecemento11 de maio de 1977
Lugar de falecementoVilalba
NacionalidadeEspaña
RelixiónIgrexa católica
Ocupaciónpoeta e escritora
editar datos en Wikidata ]

Carmen Prieto Rouco, nada en Vilalba o 13 de xaneiro de 1901[1] e finada na mesma localidade o 11 de maio de 1977,[2] foi unha poeta e dramaturga galega.

Placa e casa da escritora na rúa Porta de Cima, de Vilalba

Traxectoria[editar | editar a fonte]

Epígono de Rosalía de Castro, comezou a escribir moi nova. Algúns poemas publicados en Horas de frebe datan de cando tiña trece anos.[3] A súa poesía, costumista e dun lirismo subxectivo, céntrase no mundo rural, frecuentemente cun ton anticaciquil. Formalmente, os seus versos amosan defectos no ritmo[2] e o seu galego é algo forzado.[4] Colaborou en Ideal Gallego, e moitos dos seus poemas apareceron en Faro Villalbés. Está considerada unha das precursoras da escrita teatral galega canda Herminia Fariña.[5]

De ideoloxía católica conservadora, durante a Guerra Civil Española cantou as glorias de Francisco Franco.[6] Deixou de publicar en galego ata 1956, cando editou o poemario bilingüe Lluvia menuda.

Obra[editar | editar a fonte]

Poemarios[editar | editar a fonte]

  • Horas de frebe (1926)
  • Lluvia menuda (1956, bilingüe)
  • A virxe viuda. Hestoria dun amor (1964)
  • O derradeiro (1977, póstumo)

Obra teatral[editar | editar a fonte]

  • A loita (1923, monólogo anticaciquil e de propaganda das Irmandades da Fala)
  • O lexionareo (1925, monólogo patriota español con motivo da guerra de África)
  • O embargo (traxedia)
  • Treidores celos (zarzuela)
  • A boda do afillado (monólogo)
  • O secreto da bruxa (sainete)

Notas[editar | editar a fonte]

  1. Couceiro Freijomil, A. (1954). "Prieto Rouco, Carmen". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 129. 
  2. 2,0 2,1 Carballo Calero, R. (198). Historia da literatura galega contemporánea (3ª ed.). Galaxia. pp. 562–563. 
  3. Arturo Casas Público e empresas editoras na poesía galega entre a fundación das Irmandades da Fala e a Guerra Civil en Homenaje a Benito Varela Jácome. USC, 2001, páxina 109.
  4. Germán Bleiberg, Maureen Ihrie e Janet Pérez Dictionary of the literature of the Iberian Peninsula, Volume 2. Greenwood Publishing Group, 1993, páxina 1314
  5. Carmen Blanco Literatura galega da muller. Xerais, 1991, pp. 328-333
  6. Xoán Pastor Rodríguez Santamaría Penélopes de tinta: as mulleres na poesía galega. Da guerra civil á palabra no tempo Arquivado 16 de xuño de 2012 en Wayback Machine. Barbantia. Anuario de Estudos do Barbanza 3, 2007

Véxase tamén[editar | editar a fonte]

Bibliografía[editar | editar a fonte]