Carmela Silva

Carmela Silva
	;
Biografía
Nacemento	(es) María del Carmen Silva Rego ; 26 de novembro de 1960 (63 anos); Vigo, España
Presidente da Deputación de Pontevedra
	2015 – 2023 ; ← Rafael Louzán – Luís López Diéguez →
Deputada de España
	29 de novembro de 2011 – 27 de outubro de 2015 ; Lexislatura: X lexislatura de España ; Circunscrición electoral: Pontevedra ; Electa en: Eleccións Xerais 2011 en España
Deputada de España
	11 de novembro de 1997 – 18 de xaneiro de 2000 ; ← Abel Caballero ; Lexislatura: VI lexislatura de España ; Circunscrición electoral: Pontevedra ; Electa en: Eleccións Xerais 1996 en España
Senadora de España
Datos persoais
Outros nomes	Carmela Silva Rego
Actividade
Lugar de traballo	Madrid
Ocupación	política, avogada, mestra
Partido político	Partido Socialista Obrero Español
Familia
Fillos	Iago Falque

María do Carmen Silva Rego, coñecida como Carmela Silva, nada en Vigo o 26 de novembro 1960, é unha política galega do PSdeG.

Traxectoria

É licenciada en Dereito e profesora de Educación especial. Nas eleccións xerais do 1996 concorreu na lista do PSdeG-PSOE pola provincia de Pontevedra, sen resultar elixida, pero finalmente accedeu ao posto de deputada trala dimisión de Abel Caballero en novembro de 1997. Co regreso do PSOE ao goberno central en 2004, traballou como asesora da Ministra de Agricultura Elena Espinosa. Tralas municipais de 2007 foi nomeada concelleira non electa no concello de Vigo polo alcalde socialista Abel Caballero, ocupando a dirección de urbanismo.

Nas eleccións xerais de 2008 foi elixida senadora, sendo nomeada portavoz do PSOE en substitución de Joan Lerma^[1].

Nas municipais de 2011 foi elixida concelleira na cidade de Vigo como número 2 da candidatura socialista, sendo primeira tenente de alcalde e mantendo a área de Urbanismo. Uns meses despois, foi a cabeza de lista do PSOE ás eleccións xerais de 2011 pola circunscrición de Pontevedra, onde saíu elixida deputada e foi secretaría segunda da mesa do Congreso.

Tralas eleccións municipais de 2015 volveu a ser concelleira en Vigo e foi elixida presidenta da Deputación de Pontevedra grazas a un pacto entre PSdeG-PSOE e BNG, sendo a primeira vez que os socialistas lograron a presidencia e a primeira muller en ocupala^[2]. Nas eleccións municipais de 2019 foi reelixida concelleira e presidenta da Deputación, quedando a tan só 1 deputado e uns poucos votos da maioría absoluta, renovando o pacto de goberno co BNG. Tralo 14 Congreso Nacional do PSdeG, en decembro de 2021, foi elixida presidenta da Executiva Nacional do partido encabezada por Valentín González Formoso.

Vida persoal

É nai do futbolista Iago Falque, xogador do Torino FC.

Notas

↑ "La gallega Carmela Silva será la portavoz del PSOE en el Senado", nova en El País, 24 de marzo de 2008 (en castelán).
↑ Carmela Silva: "Desde hoy, la Diputación es la casa del pueblo", www.farodevigo.es, 17/07/2015 (en castelán)

Véxase tamén

Outros artigos

[1] "La gallega Carmela Silva será la portavoz del PSOE en el Senado", nova en El País, 24 de marzo de 2008 (en castelán).

[2] Carmela Silva: "Desde hoy, la Diputación es la casa del pueblo", www.farodevigo.es, 17/07/2015 (en castelán)

[1]

[2]