Carlos Arias Navarro

Carlos Arias Navarro
	;
Biografía
Nacemento	11 de decembro de 1908 ; Madrid
Morte	27 de novembro de 1989 (80 anos); Madrid
Lugar de sepultura	Cemiterio de Mingorrubio - O Pardo
Presidente do Goberno de España
	31 de decembro de 1973 – 1 de xullo de 1976 ; ← Torcuato Fernández-Miranda – Adolfo Suárez →
Ministro de Gobernación
	9 de xuño de 1973 – 31 de decembro de 1973 ; ← Tomás Garicano Goñi (pt) – José García Hernández →
Procurador nas Cortes
	11 de novembro de 1971 – 30 de xuño de 1977 ; ← Tomás Garicano Goñi (pt) , Luis Carrero Blanco – José García Hernández, Miguel Ángel García-Lomas → ; Lexislatura: X lexislatura das Cortes franquistas
Procurador nas Cortes
	6 de novembro de 1967 – 12 de novembro de 1971 ; Lexislatura: IX lexislatura das Cortes franquistas
Procurador nas Cortes
	27 de abril de 1965 – 15 de novembro de 1967 ; ← José Finat y Escrivá de Romaní ; Lexislatura: VIII lexislatura das Cortes franquistas
Alcalde de Madrid
	5 de febreiro de 1965 – 12 de xuño de 1973 ; ← José Finat y Escrivá de Romaní – Miguel Ángel García-Lomas →
Director xeral de Seguridade
	25 de xuño de 1957 – 5 de febreiro de 1965 ; ← Rafael Hierro Martínez
Procurador nas Cortes
	14 de maio de 1955 – 15 de xullo de 1957 – Manuel Valencia Remón (en) → ; Lexislatura: V lexislatura das Cortes franquistas
Procurador nas Cortes
	15 de outubro de 1954 – 13 de abril de 1955 ; ← Luis Valero Bermejo (en) ; Lexislatura: IV lexislatura das Cortes franquistas
Gobernador civil de Navarra
	; ← Luis Valero Bermejo (en)
Gobernador civil da provincia de Santa Cruz de Tenerife
Gobernador civil da provincia de León
Datos persoais
Relixión	Igrexa católica
Educación	Universidade de Madrid ; Universidade Complutense de Madrid ; Instituto Cardenal Cisneros
Actividade
Lugar de traballo	Madrid
Ocupación	político, avogado
Partido político	Partido Popular (1977–1989); Falange Española Tradicionalista y de las JONS
Outro
Título	Marqués (1976–)
Premios
	(1977) Gran Cruz da Orde de Carlos lll; (1975) Dearest Son of Madrid (en) ; (1975) Medalla de Ouro de Madrid; (1973) Gran Cruz de Afonso X o Sabio; (1962) Gran Cruz da Orde de San Raimundo de Peñafort; (1961) Gran Cruz do Mérito Militar con distintivo branco; (1960) Gold Medal of the Police Order of Merit (en) ; (1959) Gran Cruz da Orde de Isabel a Católica; (1950) Gran Cruz da Orde do Mérito Civil; (1946) Medalla de Ouro ao Mérito Social Penitenciario; Gran Cruz da Orde do Infante Don Henrique ;
	Sinatura

Carlos Arias Navarro, nado en Madrid o 11 de decembro de 1908 e finado na mesma cidade o 27 de novembro de 1989, foi un avogado e político español.

Traxectoria

Funcionario do Ministerio de Xustiza en 1929 e avogado fiscal en Málaga e Madrid, aproximouse ao bando dos sublevados durante a guerra civil española. Durante a guerra exerceu de fiscal dos nacionais en Málaga, sendo coñecido co alcume de "El carnicerito de Málaga", debido á súa responsabilidade en miles de asasinatos "legais". Gobernador civil de León (1944), e posteriormente en Tenerife e Navarra. En 1957 foi nomeado director xeral de Seguridade, ata que en 1965 chegou a alcalde de Madrid, ao tempo que era procurador en Cortes polo terzo de municipios e tamén conselleiro nacional do Movimiento. En xuño de 1973 ocupou o posto de ministro de Gobernación.

Ao pouco, o asasinato do presidente do goberno, o almirante Carrero Blanco, supuxo o seu nomeamento como o seu sucesor. Pretendeu seguir o que se deu en chamar espírito do 12 de febreiro, tímida apertura do réxime sen perder as súas características fundamentais, pero aínda estas tímidas medidas tiveron o rexeitamento do sector coñecido como o búnker (os sectores máis conservadores do franquismo). Como presidente do goberno, foi o encargado de anunciar na televisión o falecemento de Francisco Franco^[1].

Trala morte do ditador, o rei Xoán Carlos I depositou a súa confianza nel e converteuse no primeiro presidente do goberno da monarquía, pero a súa insistencia en preservar o legado franquista propiciaron o seu cesamento o 1 de xullo de 1976. Ó día seguinte o rei concedeulle o título de marqués de Arias Navarro.

Nas primeiras eleccións democráticas incorporouse a Alianza Popular, foi candidato ó Senado sen conseguir ser elixido e desde entón estivo retirado da política activa.

Notas

↑ ""Españoles... Franco ha muerto" - RTVE.es" (en castelán). 2008-10-10. Consultado o 2021-02-21.

[1] ""Españoles... Franco ha muerto" - RTVE.es" (en castelán). 2008-10-10. Consultado o 2021-02-21.

[1]