Bixara Pedro al-Rai

Bixara Pedro al-Rai
Patriarca da Igrexa Católica Maronita
Biografía
Nacemento	25 de febreiro de 1940 en Himlaya, distrito de Matn, Líbano
Ordes
Ordenación sacerdotal	3 de setembro de 1967
Consagración episcopal	12 de xullo de 1986, por Nasrala Pedro Sufair
Creado cardeal	24 de novembro de 2012, por Bieito XVI
Elixido patriarca	15 de marzo de 2011
Patriarca de Antioquía dos Maronitas; Cardeal-Bispo de Antioquía dos Maronitas
	2011 - actualidade
Predecesor	Nasrala Pedro Sufair
Cargos anteriores	Eparca de Biblos (1990 - 2011)
Outros
	Ficha en catholic-hierarchy.org

Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

Bixara Pedro al-Rai^[1] (en árabe: مار بشارة بطرس الراعي‎, Mār Bishārah Buṭrus al-Rāʿī), nado en Himlaia (Líbano) o 25 de febreiro de 1940, é o 77º Patriarca de Antioquía e de todo Levante dende o 15 de marzo de 2011, e polo tanto cabeza da Igrexa católica maronita. É tamén cardeal da Igrexa católica dende 2012.

Traxectoria[editar | editar a fonte]

Bixara al-Rai naceu en Himlaia, unha vila da gobernación do Monte Líbano, o 24 de febreiro de 1940. Estudou a secundaria no mosteiro de Notre-Dame de Duq Musbih, e posteriormente Filosofía e Teoloxía na Pontificia Universidade Lateranense. Logo de ser ordenado sacerdote en setembro de 1967, o papa Xoán Paulo II nomeouno bispo titular de Cesarea de Filipo e auxiliar do Patriarcado de Antioquía dos Maronitas o 2 de maio de 1986.

Recibiu a consagración episcopal o seguinte 12 de xullo, de mans do patriarca Nasrala Pedro Sufair, entón patriarca de Antioquía.

Xoán Paulo II nomeouno posteriormente bispo de Biblos o 9 de xuño de 1990.

Logo da renuncia por idade do patriarca Nasrala, aceptada por Bieito XVI o 26 de febreiro de 2011, O Sínodo da Igrexa Maronita elixiuno patriarca o 15 de marzo seguinte.

O 24 de marzo, dez días logo da súa elección, Bieito XVI concedeulle a necesaria "comuñón eclesial".^[2]

Ao longo de 2011 asumiu a presidencia da Conferencia Episcopal Libanesa e do Consello dos Patriarcas Católicos Orientais.

O papa Bieito XVI creouno cardeal no consistorio do 24 de novembro de 2012.^[3] En novembro de 2017 protagonizou un feito histórico, ao converterse na primeira autoridade cristiá en visita oficial a Arabia Saudita.^[4]

Galería fotográfica[editar | editar a fonte]

O patriarca Rai, na Cátedra de San Pedro, 11 de outubro de 2014.
O patriarca Rai impón as mans ao pai Maurizio Malvestiti durante a súa ordinación episcopal. Detrás deles, os cardeais Sandri e Müller, 11 de outubro de 2014.

Notas[editar | editar a fonte]

↑ Tamén escrito adaptado ao francés: Béchara Pierre Raï, Béchara Boutros Raï e Bechara Boutros al-Rahi.
↑ Bieito XVI (24 de marzo de 2011). Libreria Editrice Vaticana, ed. "Mensagem do papa Bento XVI a Sua Beatitude Béchara Boutros Raï, patriarca de Antioquia dos Maronitas, para a aceitação do pedido de comunhão eclesiástica".
↑ Ufficio delle Celebrazioni Liturgiche del Sommo Pontefice (ed.). "Concistoro ordinario pubblico del 24 novembre 2012 - Assegnazione dei titoli e delle diaconie ai nuovi cardinali". vatican.va (en italiano). Consultado o 10/04/2022.
↑ Espinosa, Ángeles (13 de novembro de 2017). "Histórica visita oficial de una autoridad cristiana a Riad" [Histórica visita oficial dunha autoridade cristiá a Riad]. El País (en castelán). Consultado o 14 de novembro de 2017.

Dignidades da Igrexa católica
Predecesor: (creación da sé)	Bispo de Biblos 1990 - 2011	Sucesor: Mixal Aun
Predecesor: Nasrala Pedro Sufair	Patriarca de Antioquía 2011 - actualidade	Sucesor: (no cargo)

[1] Tamén escrito adaptado ao francés: Béchara Pierre Raï, Béchara Boutros Raï e Bechara Boutros al-Rahi.

[2] Bieito XVI (24 de marzo de 2011). Libreria Editrice Vaticana, ed. "Mensagem do papa Bento XVI a Sua Beatitude Béchara Boutros Raï, patriarca de Antioquia dos Maronitas, para a aceitação do pedido de comunhão eclesiástica".

[3] Ufficio delle Celebrazioni Liturgiche del Sommo Pontefice (ed.). "Concistoro ordinario pubblico del 24 novembre 2012 - Assegnazione dei titoli e delle diaconie ai nuovi cardinali". vatican.va (en italiano). Consultado o 10/04/2022.

[4] Espinosa, Ángeles (13 de novembro de 2017). "Histórica visita oficial de una autoridad cristiana a Riad" [Histórica visita oficial dunha autoridade cristiá a Riad]. El País (en castelán). Consultado o 14 de novembro de 2017.

[1]

[2]

[3]

[4]