Baixa Navarra

Na Galipedia, a Wikipedia en galego.
A Baixa Navarra no departamento dos Pireneos Atlánticos.
A Baixa Navarra no País Vasco.

A Baixa Navarra (en éuscaro: Nafarroa Beherea; en francés: Basse-Navarre) é unha das sete provincias históricas que forman o histórico País Vasco no territorio coñecido como o Iparralde. Pertence ao Estado francés, formando parte do departamento dos Pireneos Atlánticos. Limita ao sur coa Comunidade Foral de Navarra, ao leste con Zuberoa, ao oeste co Lapurdi e ao norte co departamento francés das Landas. A súa capital é Saint-Jean-Pied-de-Port.