Aurelio Ribalta
  | |
| Biografía | |
|---|---|
| Nacemento | 1 de abril de 1864 Ferrol, España |
| Morte | 7 de setembro de 1940 (76 anos) Soto del Real, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | xornalista , escritor |
| Lingua | Lingua castelá |
Aurelio Ribalta Copete, nado en Ferrol o 1 de abril de 1864 e finado en Soto del Real (Madrid) o 7 de setembro de 1940, foi un escritor e xornalista galego. Foi membro correspondente da Real Academia Galega[1].
Traxectoria[editar | editar a fonte]
Cursou os estudos secundarios en Madrid entre 1873 e 1877. Estudou Leis e Filosofía na Universidade de Santiago de Compostela e doutorouse en Madrid. En 1895 comezou o seu traballo na Administración de Facenda. Formou parte do grupo de intelectuais galeguistas establecidos na capital. Alí fundou a revista Estudios Gallegos, desde onde en 1915 realizou un chamamento para defender a lingua galega. O 5 de xaneiro de 1916 Antón Villar Ponte recolleu a chamada e comezou dende as páxinas de La Voz de Galicia unha campaña para a creación dunha Liga de Amigos do Idioma Galego.
Achegado ao rexionalismo, foi nomeado representante do Comité Regionalista de Santiago para a Xunta de Defensa de Galicia e participou nas reunións dos seus integrantes, como a da Cova Céltica. Tivo un papel relevante na constitución das Irmandades da Fala.
En 1910 realizou a súa proposta ortográfica foneticista, practicada e defendida no seu Libro de Konsagrazión. Feixe de poesías gallegas. En 1917 editou en Barcelona unha Escolma de Poesías de Rosalía de Castro.
Permanece inédita no convento de San Francisco do Val de Deus a súa obra Gramática gallega elementale, datada en 1940.
Obras[editar | editar a fonte]
En galego[editar | editar a fonte]
Narrativa[editar | editar a fonte]
 
Ferruxe, A Coruña, 1894, e Escolma de poesías |
- Ferruxe, 1894, editado por Andrés Martínez, ilustrado por Urbano González.[2]
- O Pastor de Doña Silvia, 1925, Colección Lar.
- O derradeiro amore, 1931.
Poesía[editar | editar a fonte]
- Libro de Konsagrazión. Feixe de poesías gallegas, 1910.
En castelán[editar | editar a fonte]
- La campaña de ultramar, 1888.
- El viático.
- El hijo de María Rosa.
- El señorito.
- Catalanismo militante, 1901.
Notas[editar | editar a fonte]
- ↑ "Membros correspondentes". Real Academia Galega.
- ↑ Bangueses Vázquez, Mercedes (2010). Ilustradores galegos de preguerra (1880-1936). IEV. ISBN 978-84-89599-44-4.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Aurelio Ribalta  |
Bibliografía[editar | editar a fonte]
- "Ribalta Copete, Aurelio". Dicionario biográfico de Galicia 3. Ir Indo Edicións. 2010-2011. p. 166.
- Agrelo Costas, Eulalia (2000). Obra narrativa en galego de Aurelio Ribalta y Copete. Santiago: CIRP. ISBN 84-453-2936-7.
- Agrelo Costas, Eulalia (2005). "Ribalta y Copete, Aurelio". Gran Enciclopedia Galega (DVD). El Progreso. ISBN 84-87804-88-8.
- Couceiro Freijomil, Antonio (1951-53). Diccionario Bio-bibliográfico de Escritores (en castelán). Bibliófilos Gallegos.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
Ligazóns externas[editar | editar a fonte]
- Escritores de Galicia en lingua galega
- Escritores de Galicia en lingua castelá
- Xornalistas de Ferrol
- Poetas de Galicia
- Alumnos da Universidade de Santiago de Compostela
- Nados en Ferrol
- Nados en 1864
- Finados en 1940
- Escritores de Galicia coa obra no dominio público
- Membros correspondentes da Real Academia Galega