Aureliano Linares Rivas

Na Galipedia, a Wikipedia en galego.
Aureliano Linares Rivas
Nacemento1 de xuño de 1841
Lugar de nacementoSantiago de Compostela
Falecemento31 de marzo de 1903
Lugar de falecementoMadrid
NacionalidadeEspaña
Alma máterUniversidade de Santiago de Compostela
Ocupaciónpolítico, xornalista e avogado
FillosManuel Linares Rivas
IrmánsMaximiliano Linares Rivas
editar datos en Wikidata ]

Aureliano Linares Rivas, nado en Santiago de Compostela o 1 de xuño de 1841 e finado en Madrid o 31 de marzo de 1903[1], foi un avogado, xornalista e político galego. Foi ministro de Graza e Xustiza durante o reinado de Afonso XII e de Fomento durante a rexencia de María Cristina de Habsburgo-Lorena.

Traxectoria[editar | editar a fonte]

Licenciado en 1864 en Dereito pola Universidade de Santiago de Compostela, iniciou a súa carreira política como deputado pola Coruña nas eleccións de 1872. Coa proclamación da I República afastouse da política e non retornou a ela ata a restauración monárquica. Obtivo novamente un escano pola Coruña nas eleccións de 1876 que repetiu nos sucesivos procesos electorais ata as eleccións de 1899, pasando en 1901 a ser nomeado senador por "Dereito Propio".

Foi ministro de Graza e Xustiza entre o 31 de outubro de 1883 e o 18 de xaneiro de 1884 no goberno que presidiu José Posada Herrera. Así mesmo foi Ministro de Fomento entre o 23 de novembro de 1891 e o 11 de febreiro de 1892 e entre o 14 de decembro de 1895 e o 4 de outubro de 1897 en senllos gobernos presididos por Antonio Cánovas del Castillo.

Tamén foi presidente do Consello de Estado e autor da obra La primera Cámara de la Restauración. Retratos y semblanzas (1878).


Predecesor:
Vicente Romero Girón
 Ministro de Graza e Xustiza 
1883 - 1884
Sucesor:
Francisco Silvela
Predecesor:
Santos Isasa y Valseca
Alberto Bosch y Fustegueras
 Ministro de Fomento 
1891 - 1892
1895 - 1897
Sucesor:
Segismundo Moret Prendergast
José Álvarez de Toledo y Acuña

Vida persoal[editar | editar a fonte]

Era irmán do tamén político Maximiliano Linares Rivas. Foi pai de Manuel Linares Rivas.

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]