Arcadio Mon

Na Galipedia, a Wikipedia en galego.
Saltar ata a navegación Saltar á procura
Arcadio Mon
Arcadio Mon Sen seu amor retrato Juanel.jpg
Nome completoArcadio Mon García
Nacemento5 de febreiro de 1949
 Bacoi, Alfoz
Falecemento26 de abril de 2016
 Foz
NacionalidadeEspaña
Ocupaciónmúsico, director de orquestra, compositor e cantante
editar datos en Wikidata ]

Arcadio Mon García, nado en Bacoi o 5 de febreiro de 1949 e finado en Foz o 26 de abril de 2016, foi un músico e compositor galego.

Considerado unha “institución” na música na Mariña lucense[1], despois da súa traxectoria por varias orquestras galegas, sería fundador e director da Banda de Música de Foz e da Escola de Música de Foz que actualmente leva o seu nome[2]

Traxectoria[editar | editar a fonte]

Con só sete anos comeza a recibir clases de música e solfexo co seu tío e posteriormente co mestre “Roquito”; iniciándose, circunstancialmente, na trompeta[3]. Durante a súa mocidade pasaría por numerosas orquestras da zona como a Teima, a Orquesta Maseda, o grupo Los Valles, considerado o primeiro grupo profesional da comarca na época e Los Mejoranos; ata que se traslada a A Coruña para formar parte da orquestra Los Españoles, cos que gravaría un LP no ano 1978.

Nesta etapa na Coruña cursa estudos no Conservatorio Superior onde obtén o título de trombón e tamén cursa estudos de canto. Foi alumno de Rogelio Groba, Santos Bartolomé, José Ferrer e Raúl Galán. Asistiu en Madrid a clases con Enrique Ferrando, trombón solista da Orquesta Nacional e a cursos de música instrumental; e de Dirección de banda en Lalín, impartido por Henrie Adams. Tamén asiste ás clases maxistrais do profesor da Universidade de Indiana (EEUU), Keith Brown. Ademais, formará parte da desaparecida Orquesta Jazz da Coruña, dirixida por Rogelio Groba[4].

No ano 1992 trasládase a Foz onde fundaría a Escola de Música municipal que actualmente leva o seu nome e da cal sería director e docente. Foi tamén fundador e director da Banda de Música de Foz, así coma da Big Band que xurdiría anos máis tarde[5]. Para continuar coa súa faceta de compositor forma o grupo “Arcadio con Nueva Ola” co que editará dous LPs, na súa maioría en lingua galega, incluíndo un par de cancións con textos do poeta Noriega Varela.

No ano 2012 edita un LP no que inclúe entre as súas composicións unha canción adicada ao poeta chairego Manuel María (“Lembrando a Manuel”) e do cal tamén pon música a dous poemas; e un dueto co ex-vocalista de Los Satélites Sito Sedes no tangoSen seu amor” que dá título ao disco[6].

Nos últimos anos cooperou e participou en numerosas iniciativas culturais da comarca coma o “Recital poético-musical en homenaxe a Manuel Maria”, ou “Mondoñedo é poesía[7] e sendo fundador do festival de música galega “A Nosa Fala” de Foz[8]. En marzo do 2016 participaba na homenaxe ao seu amigo Manuel Araujo, músico e creador teatral mindoniense, no que sería o seu derradeiro concerto[9].

Discografía[editar | editar a fonte]

Coma compositor e intérprete[editar | editar a fonte]

Coma arranxista e intérprete[editar | editar a fonte]

Coma compositor[editar | editar a fonte]

Notas[editar | editar a fonte]

  1. "Último y emotivo adiós a Arcadio Mon, una «institución» en la música". La Voz de Galicia (en castelán). 2016-04-28. Consultado o 2018-10-02. 
  2. "Foz inicia el ciclo de homenajes al músico Arcadio Mon". La Voz de Galicia (en castelán). 2017-07-09. Consultado o 2018-10-02. 
  3. "«Es una satisfacción muy grande trabajar en lo que siempre me ha gustado»". La Voz de Galicia (en castelán). 2009-08-09. Consultado o 2018-10-03. 
  4. crónica3.com. "» Opinión» Con el chegou a música…Cronica3.com A Mariña - costa de Lugo - información da Mariña lucense". www.cronica3.com. Consultado o 2018-10-03. 
  5. crónica3.com. "»Crónica» O Concello de Foz organiza unha homenaxe a Arcadio Mon do 8 ao 12 de xullo. Celebraranse dous concertos e un festivalCronica3.com A Mariña - costa de Lugo - información da Mariña lucense". www.cronica3.com. Consultado o 2018-10-03. 
  6. crónica3.com. "»Crónica» Arcadio Mon recibiu da Deputación un disco gravado pola Fundación TIC con traballos do músico focenseCronica3.com A Mariña - costa de Lugo - información da Mariña lucense". www.cronica3.com. Consultado o 2018-10-03. 
  7. "Nova: Literatura, música y audiovisual dialogan en Mondoñedo é poesía | Cultura de Galicia". www.cultura.gal (en castelán). Consultado o 2018-10-03. 
  8. "Foz acolle a quinta edición do festival de música galega 'Coa Nosa Fala' - Xornal de Lugo". Xornal de Lugo. 2017-07-10. Consultado o 2018-10-03. 
  9. Lugo, El Progreso de. "El alcalde de Foz propone que la escuela de música lleve el nombe del finado Arcadio Mon". El Progreso de Lugo (en castelán). Consultado o 2018-10-03.