Ansel Adams

Na Galipedia, a Wikipedia en galego.
Saltar ata a navegación Saltar á procura
Ansel Adams
Ansel Adams and camera.jpg
Ansel Adams fotografado na década dos 50.
Nome completoAnsel Easton Adams
Data de nacemento20 de febreiro de 1902
Lugar de nacementoSan Francisco (California)
Data de falecemento22 de abril de 1984
Lugar de falecementoMonterey (California)
Áreafotografía
MovementoFotografía directa, Grupo f/64
CónxuxeVirginia Rose Best
Páxina webanseladams.com
SinaturaAnsel Adams autograph.svg
editar datos en Wikidata ]

Ansel Easton Adams, nado o 20 de febreiro de 1902 en San Francisco (California) e finado o 22 de abril de 1984 en Monterey (California), foi un fotógrafo e ambientalista estadounidense. As súas fotografías de paisaxes en branco e negro do oeste estadounidense, especialmente do Parque Nacional de Yosemite, foron amplamente reproducidas en calendarios, pósters e libros.

Con Fred Archer, Adams desenvolveu o Sistema de Zonas como un xeito de determinar a exposición axeitada e axustar o contraste na impresión final. A claridade e profundidade resultante caracterizou as súas fotografías. Adams usou principalmente cámaras de formato grande porque a súa alta resolución axudouno a asegurar a nitidez nas súas imaxes.

Adams fundou o Grupo f/64 de fotografía xunto cos compañeiros Willard Van Dyke e Edward Weston.

Obra[editar | editar a fonte]

O proxecto Mural[editar | editar a fonte]

En 1941, Adams foi contratado polo Departamento do Interior do Goberno dos Estados Unidos para facer fotografías de parques naturais, reservas aborixes e outros lugares, para ser usadas como fotografías murais no novo edificio do Departamento en Washington D.C. Parte do seu acordo co Departamento foi que podería tamén facer fotografías para o seu propio uso, ocupando a súa propia película e revelado. Malia que Adams gardou rexistros meticulosos do seu viaxe e dos seus gastos, foi menos disciplinado co rexistro das datas das súas imaxes e negouse a rexistrar a data de "Moonrise over Hernandez", polo que non quedou claro se pertencía a Adams ou ao Goberno dos Estados Unidos. A posición da lua permitiu que a imaxe fora datada mediante cálculos astronómicos e determinouse que foi tomada o 1 de novembro de 1941, unha xornada na que Adams non traballara para o Departamento, polo cal a imaxe pertencía a Adams. A mesma disputa resultou non ser verdadeira en moitos outros negativos.

O proxecto detívose pola entrada na Segunda Guerra Mundial dos Estados Unidos en 1942, e nunca foi rematado.

Fotografías destacadas[editar | editar a fonte]

  • Monolith, The Face of Half Dome, Parque Nacional de Yosemite, 1927
  • Rose and Driftwood, San Francisco, California, 1932
  • Georgia O'Keeffe and Orville Cox, Monumento Nacional Canón de Chelly, 1937
  • Clearing Winter Storm, Parque Nacional de Yosemite, 1940 [1]
  • Moon and Half Dome, Parque Nacional de Yosemite, 1960
  • Moonrise, Hernandez, Novo México, 1941
  • Winter Sunrise, Serra Nevada, 1944
  • Aspens, Novo México, 1958
  • El Capitan, Parque Nacional de Yosemite, 1968

Libros de fotografías[editar | editar a fonte]

  • Parmelian Prints of the High Sierras, 1927
  • Taos Pueblo, 1930
  • Born Free and Equal, 1944
  • This is the American Earth, con Nancy Newhall, 1960
  • These We Inherit: The Parklands of America, con Nancy Newhall, 1962
  • Polaroid Land Photography, 1978
  • Ansel Adams: Classic Images, 1986
  • Our Current National Parks, 1992
  • Ansel Adams: In Color, 1993
  • Photographs of the Southwest, 1994
  • The National Park Photographs, 1995
  • Yosemite, 1995
  • California, 1997
  • America's Wilderness, 1997
  • Ansel Adams: The Spirit of Wild Places, 2005

Notas[editar | editar a fonte]

  1. "Ansel Adams Yosemite photo fetches $722K in record-setting auction". The Christian Science Monitor (en inglés). 23 de xuño de 2010. 

Véxase tamén[editar | editar a fonte]

Outros artigos[editar | editar a fonte]