Angüiliformes

Angüiliformes
Anguilliformes Lev Semiónovich Berg 1943
Instancia de taxon
Características
Fonte de anguía
Clasificación taxonómica
Categoría taxonómica orde
Taxon superior Elopomorfos Actinopterixios Actinopteri
Reino Animalia Filo Chordata Subfilo Vertebrata Clase Actinopterygii Subclase Neopterygii Infraclase Teleostei Superorde Elopomorpha Orde Anguilliformes
Subdivisións Anguilloidei Muraenoidei Congroidei
Sinonimia Apoda
Códigos e identificadores Freebase /m/0cqr1 MeSH D004524 UNII 47K4WIR048 ITIS 161123 OTT 854188
Fontes e ligazóns  Descrito pola fonte Enciclopedia Soviética Armenia The Domestic Encyclopædia; Or, A Dictionary Of Facts, And Useful Knowledge "Domestic Encyclopædia (1802)/Eel (en) " Encyclopædia Britannica "1911 Encyclopædia Britannica/Eel (en) " Meyers Konversations-Lexikon, 4ª edición (1885–1890) "Q112753100 " New International Encyclopedia "The New International Encyclopædia/Apodes (en) "
Wikidata C:Commons

Os angüiliformes (Anguilliformes) son unha orde de peixes teleósteos, da superorde dos elopomorfos (Elopomorpha), caracterizados por teren o corpo de forma alongada que semella o dunha serpe, e que reúne especies tanto mariñas como de río.

Aparecen por primeira vez no rexistro fósil durante o Cretáceo medio.

O nome da orde procede do latín anguilla, que significa anguía (e que é o nome do xénero tipo, Anguilla) e o sufixo do latín científico -iformes, "en forma de"; é dicir, literalmente, "os [peixes] que teñen forma de anguía".

A orde inclúe especies de tanto valor comercial como as anguías, as moreas e os congros.

Características

Presentan un corpo tipicamente moi alongado, serpentiforme (morfoloxía á que debe o nome do grupo). Adoitan teren a pel núa, sen escamas, e cando as teñen son de tipo cicloide, e están embebidas na pel.

A abertura das branquias adoita ser moi estreita e desprazada no corpo cara a atrás; os maxilares posúen dentes ben formados en toda a boca. Todos teñen vexiga natatoria..

Carecen de aletas pelvianas e mesmo do esqueleto no que se basearían estas aletas. As aletas pectorais tamén faltan nalgunhas especies e, aquelas que as presentan, téñenas en posición moi alta.
As aleta dorsal e anal adoitan estaren unidas á caudal, que é pequena e con raios curtos.

Clasificación

Congro (Conger conger).

Morea (Muraena herlena) no Aquarium Finisterrae.

Divídense en tres subordes cun total de 15 familias:

• Suborde Anguilloidei
  • Familia Anguillidae
  • Familia Heterenchelyidae
  • Familia Moringuidae
• Suborde Muraenoidei
  • Familia Chlopsidae
  • Familia Muraenidae
  • Familia Myrocongridae
• Suborde Congroidei
  • Familia Colocongridae
  • Familia Congridae
  • Familia Derichthyidae
  • Familia Muraenesocidae
  • Familia Nemichthyidae
  • Familia Nettastomatidae
  • Familia Ophichthidae
  • Familia Serrivomeridae
  • Familia Synaphobranchidae

Véxase tamén

Bibliografía

• Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
• Rodríguez Solórzano, Manuel; Sergio Devesa Regueiro e Lidia Soutullo Garrido (1983): Guía dos peixes de Galicia. Vigo: Editorial Galaxia. ISBN 84-7154-433-4.
• Rodríguez Villanueva, X. L. e Xavier Vázquez (1995): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-870-2.

Outros artigos

• Anguía
• Elopomorfos
• Teleósteos

Ligazóns externas

• Anguilliformes Arquivado 04 de novembro de 2013 en Wayback Machine. en Fauna Europaea. (en inglés)
• Anguilliformes en ADW. (en inglés)
• "Anguilliformes". ARKive. Arquivado dende o orixinal o 03 de xullo de 2013. Consultado o 05 de febreiro de 2014.  (en inglés)