Angoares, Ponteareas

Na Galipedia, a Wikipedia en galego.
(Redirixido desde "Angoares")
Saltar ata a navegación Saltar á procura

Coordenadas: 42°09.89′N 08°30.40′O / 42.16483, -8.50667

Angoares
Angoares.jpg
Igrexa parroquial
ConcelloPonteareas
Poboación486 hab. (2013)
Entidades de poboación6

San Pedro de Angoares é unha parroquia que se localiza no concello pontevedres de Ponteareas na comarca do Condado. Segundo o padrón municipal de 2013 tiña 486 habitantes (262 mulleres e 224 homes), distribuídos en 5 entidades de poboación, o que supón un lixeiro aumento en relación ao ano 2004 cando tiña 482 habitantes.

Patrimonio histórico artístico[editar | editar a fonte]

A igrexa de San Pedro de Angoares é do século XII. A súa orixe hai que buscala nun mosteiro visigodo situado sobre unha vila romana, séculos máis tarde construiríase a igrexa románica. Ten planta de cruz latina e testeiro recto, destacando os seus capiteis e a magna colección de canzorros antropomorfos e zoomorfos. Algúns dos personaxes esculpíronse sentados coas mans suxeitando a súa cabeza, como se estivesen meditando. A antiga fachada románica desapareceu logo dunha reforma feita no ano 1900.

Pola parroquia de Angoares pasa o río Tea e o seu afluente o río Uma. Neste último, no lugar de Cabalón, existe unha ponte medieval xunto á cal mana un manancial que, segundo din, é similar á auga que agroma na vila de Mondariz. Pódese pasear pola súa ribeira apreciando e admirando a vexetación e fauna típica de bosque de ribeira.

Persoeiros[editar | editar a fonte]

De aquí é nativo o escritor Alfonso Pexegueiro, que adicou á súa parroquia natal o libro Seraogna.

Lugares e parroquias[editar | editar a fonte]

Lugares de Angoares[editar | editar a fonte]

Lugares da parroquia de Angoares no concello de Ponteareas (Pontevedra)

A Abelleira | O Cabalón | O Carballal | Picón | As Searas | A Valboa

Parroquias de Ponteareas[editar | editar a fonte]

Galicia | Provincia de Pontevedra | Parroquias de Ponteareas

Angoares (San Pedro) | Arcos (San Breixo) | Areas (Santa María) | Arnoso (San Lourenzo) | Bugarín (Santa Cristina) | Celeiros (San Fins) | Cristiñade (San Salvador) | Cumiar (Santo Estevo) | Fontenla (San Mamede) | Fozara (San Bartolomeu) | Guillade (San Miguel) | Guláns (San Xulián) | Moreira (San Martiño) | Nogueira (San Salvador) | Oliveira (Santiago) | Padróns (San Salvador) | Paredes (San Cibrán) | Pías (Santa Mariña) | Ponteareas (San Miguel) | Prado (San Nicolao) | Ribadetea (San Xurxo) | San Lourenzo de Oliveira (San Lourenzo) | San Mateo de Oliveira (San Mateo) | Xinzo (Santa Mariña)

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]