Igrexa de San Pedro de Angoares
Coordenadas: 42°09′57″N 8°30′12″O / 42.16583, -8.50333
A igrexa de San Pedro de Angoares é a igrexa parroquial de Angoares, no concello de Ponteareas. É un templo románico.
Descrición[editar | editar a fonte]
Ten a súa orixe nun mosteiro probablemente visigodo[1]. No século XII construíuse a igrexa románica como un edificio de planta de cruz latina e testeiro recto. A antiga fachada románica desapareceu logo dunha reforma feita en 1900. A actual, de estilo neogótico, carece de valor arquitectónico.
É destacable a colección de canzorros antropomorfos e zoomorfos (coma cuadrúpedes, cabezas de bóvidos e outros animais). Algúns dos personaxes esculpíronse sentados coas mans suxeitando a cabeza, como se estivesen meditando.
No muro norte da ábsida consérvase unha banda prerrománica e unha lousa con decoración de lacería que se conserva na sancristía.
Galería de imaxes[editar | editar a fonte]
Vista lateral de igrexa.
Brazo sur do transepto.
Canzorros.
Canzorros.
Referencias[editar | editar a fonte]
- ↑ "Igrexa parroquial de San Pedro de Angoares". turismo.gal. Consultado o 8 de xaneiro de 2018.