Shane Larkin

Shane Larkin

(2018)
Biografía
Nacemento	2 de outubro de 1992 (32 anos) Cincinnati, Estados Unidos de América
Educación	Dr. Phillips High School (en) Universidade de Miami
Altura	180 cm
Peso	79 kg
Actividade
Ocupación	baloncestista
Período de actividade	2013 -
Nacionalidade deportiva	Estados Unidos de América
Deporte	baloncesto
Liga	NBA G League, Baloncesto masculino da División I da NCAA e National Basketball Association
Posición de xogo	Base
Número deportivo	0
Convocado por	Atlanta Hawks
Traxectoria   Equipo – Brooklyn Nets – New York Knicks – Dallas Mavericks 2011–2013 Miami Hurricanes men's basketball 2018– Anadolu Efes S.K.
Familia
Pai	Barry Larkin

DeShane "Shane" Larkin, nado o 2 de outubro de 1992 en Cincinnati, Ohio, é un xogador profesional de baloncesto estadounisense con pasaporte turco que actualmente xoga para o Anadolu Efes da Basketbol Süper Ligi turca.

Traxectoria

NBA

Larkin foi seleccionado na 18ª posición do Draft da NBA de 2013 polos Atlanta Hawks. Os seus dereitos foron traspasados ós Dallas Mavericks a cambio dos dereitos de Lucas Nogueira e Mike Muscala, e a elección da primeira rolda de 2012, Jared Cunningham. Durante a súa participación na Liga de Verán de 2013, mancouse nun nocello e estivo de baixa durante 3 meses. O 18 de novembro de 2013, fixo o seu debut na NBA na vitoria dos Mavericks contra os Philadelphia 76ers por 97-94. Larkin fixo 3 puntos, 3 asistencias e 3 roubos de balón. Debutou nos Playoffs da NBA o 23 de abril de 2014, no segundo partido da primeira rolda da Conferencia Oeste contra os San Antonio Spurs. Durante a súa temporada coma rookie, foi asignado en varias ocasións ós Texas Legends da NBA Development League.

O 25 de xuño de 2014, Larkin foi traspasado xunto a Wayne Ellington, José Calderón, Samuel Dalembert e dúas eleccións do Draft de 2014 ós New York Knicks, a cambio de Tyson Chandler e Raymond Felton. Ao mes seguinte, uniuse aos Knicks para a NBA Summer League de 2014. O 5 de abril de 2015, rexistrou 15 puntos e 11 rebotes, o récord da súa carreira, nunha vitoria por 101−91 sobre os Philadelphia 76ers. O 9 de xullo de 2015, Larkin asinou cos Brooklyn Nets. Debutou co equipo neoiorquino no partido inaugural da temporada contra os Chicago Bulls o 28 de outubro, rexistrando seis puntos e oito asistencias como titular nunha derrota por 115-100. O 13 de xaneiro de 2016, anotou 17 puntos, o máximo da temporada, desde o banco nunha vitoria por 110-104 sobre o seu antigo equipo, os Knicks.

Europa

O 10 de agosto de 2016, Larkin asinou un contrato por un ano co Saski Baskonia da Liga ACB, onde foi nomeado Xogador do mes de febreiro. Ao final a temporada o 28 de xuño de 2017, Larkin foi rexistrado polo Baskonia para o dereito de tanteo. O 9 de xullo Larkin asinou un ofertas co FC Barcelona Lassa, mais o Baskonia igualou a oferta, mantendo a Larkin no seu elenco. Porén, seis días despois chegou a un acordo cos Boston Celtics, deixando unha oferta de 6,3 millóns de dólares de Baskonia. Após pasar un ano en Boston, non recibiu oferta para permancecer na franquía. Ademais declarou que non xogaría máis na NBA se non tiña máis responsabilidade. Así, en xullo de 2018, Larkin asinou un contrato por un ano co Anadolu Efes da Basketbol Süper Ligi turca.

Na temporada 2018−19, o Efes clasificouse para a Final Four da Euroliga. Na semifinal, Larkin levou ao seu equipo á final cunha vitoria sobre os seus grandes rivais, o Fenerbahçe, ao anotar 30 puntos, 7 rebotes e 7 asistencias, conseguindo unha valoración de 43, récord na Final Four. Na final contra o CSKA Moscova, Larkin anotou 29 puntos, mais o seu equipo non conseguiu a vitoria. O 29 de novembro de 2019, Larkin estableceu o récord de anotación nun só partido da Euroliga desde o ano 2000 con 49 puntos anotados nun partido contra o Bayern München. Nos anos 2021 e 2022 Larkin axodou ao seu equipo, esta vez si, a conseguir dous títulos consecutivos da Euroliga.

Estatísticas

Euroliga

Ano	Equipo	PX	PT	MPP	TC%	3P%	TL%	REB	ASI	ROU	TAP	PTS	VAL
2016–17	Baskonia	33	33	28.9	.406	.343	.797	2.7	5.7	1.3	.2	13.1	14.5
2018–19	Anadolu Efes	35	12	22.0	.498	.449	.866	2.2	3.1	.9	.1	12.5	14.0
2019–20		25	15	30.0	.530	.509	.903	3.1	4.1	1.3	.0	22.2	25.8
2020–21		35	17	28.7	.439	.392	.862	2.3	4.1	1.2	.1	15.1	17.0
2021–22		39	28	31.9	.436	.382	.898	3.0	5.3	1.3	.0	14.7	18.7
Total		167	105	28.2	.458	.413	.867	2.6	4.5	1.2	.1	15.1	17.6

NBA

Temporada regular

Ano	Equipo	PX	PT	MPP	TC%	3P%	TL%	REB	ASI	ROU	TAP	PTS
2013−14	Dallas	48	0	10.2	.380	.316	.640	.9	1.5	.5	.0	2.8
2014−15	New York	76	22	24.5	.433	.302	.782	2.3	3.0	1.2	.1	6.2
2015−16	Brooklyn	78	17	22.4	.442	.361	.776	2.3	4.4	1.2	.2	7.3
2017−18	Boston	54	2	14.4	.384	.360	.865	1.7	1.8	.5	.1	4.3
Total		256	41	19.1	.422	.336	.777	1.9	2.9	.9	.1	5.5

Playoffs

Ano	Equipo	PX	PT	MPP	TC%	3P%	TL%	REB	ASI	ROU	TAP	PTS
2014	Dallas	2	0	5.0	.000	.000	.000	.5	1.0	.0	.0	.0
2018	Boston	11	0	14.0	.457	.308	1.000	1.0	1.8	0.5	.0	3.7
Total		13	0	12.6	.421	.286	1.000	.9	1.7	.4	.0	3.2

Véxase tamén

Ligazóns externas

• Perfil en NBA.com (en inglés)
• Estatísticas en Basketball-Reference Arquivado 14 de febreiro de 2015 en Wayback Machine. (en inglés)