Al-Hoceima

Al-Hoceima
	‫الحسيمة‬ (ar); ⵍⵃⵓⵙⵉⵎⴰ (tzm)
Localización
	35°14′50″N 3°55′56″O / 35.2472, -3.9322
Monarquía constitucional	Marrocos
Rexión	Tánxer-Tétouan-Al Hoceïma
Province of Morocco (en)	Provincia de Al-Hoceima
Capital de	Provincia de Al-Hoceima
Poboación
Poboación	56.716 (2014)
Número de fogares	13.881 (2014)
Xeografía
Altitude	37 m
Creación	1925
Outro
Irmandado con	Almuñécar
Páxina web	alhoceima.info

Para outras páxinas con títulos homónimos véxase: Al-Hoceima (homónimos).

Para outras páxinas con títulos homónimos véxase: Alhucemas (homónimos).

Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

Este artigo amosa letras tifinagh. Sen o soporte axeitado, o texto pode mostrar símbolos sen sentido, coma caixas, marcas e outros.

Al-Hoceima ou Alhucemas^[1]^[2] (en árabe الحسيمة, Al-Hoceima que significa lavanda; en rifeño:ⴻⵍ-ⵃⵓⵙⵉⵎⴰ) é unha cidade capital da provincia homónima de Marrocos. Está situada na costa marroquí mediterránea, na parte oriental da baía de Alhucemas (ou de Al-Hoceima) e xunto ao Peñón de Alhucemas. Atópase, en liña recta, a uns 155 quilómetros ao leste de Ceuta e a 100 km ao oeste de Melilla.

Historia

A actual Al-Hoceima tivo a súa orixe nun asentamento precario no século XVII, pero non foi ata despois do desembarco de Alhucemas levado a cabo polas tropas españolas durante a guerra do Rif (1926) que se creou a actual poboación. Con todo, daquela chamóuselle Villa Sanjurjo, na honra do xeneral Sanjurjo, un dos protagonistas dese desembarco.

Durante a II República pasou a denominarse Villa Alhucemas, aínda que logo o réxime franquista restituíu novamente o nome de Villa Sanjurjo, que xa se mantivo durante o resto do protectorado español, ata o ano 1956 en que Marrocos accedeu á independencia. A partir desa data pasou a chamarse Al-Hoceima, en árabe, segundo a denominación marroquí.

Como legado da cultura española, quedan na vila numerosos edificios construídos durante a época do protectorado. Así, atópase nesta cidade o Colexio Español Melchor de Jovellanos, dirixido polo Estado español. Este conta cunha arquitectura similar a edificios do sur de España e foi en orixe un cuartel militar.

Na actualidade é unha cidade de vacacións de verán, frecuentada polo turismo, na súa maioría do norte de Europa, debido ás súas fermosas praias, en especial Praia Quemado, e á beleza da súa contorna, entre a cordilleira do Rif e as augas do Mediterráneo. Ten instalacións turísticas destacadas, como o Club Med, o complexo Chafarinas ou o Hotel Mohamed V.

Con todo, a cidade atópase afastada do nivel de desenvolvemento do resto do Marrocos turístico, cunha importante falta de infraestruturas e de promoción. Á marxe das estradas que chegan á cidade, no verán establécese un servizo marítimo que comunica a cidade con Málaga, nun treito de aproximadamente unhas 11 horas.

Al-Hoceima e os seus arredores sufriron un importante sismo de 6,5 graos na escala Richter o 24 de febreiro de 2004, que causou graves danos materiais e provocou a morte de cando menos 560 persoas.

Demografía

Malia que se estima en 60 000 habitantes a súa poboación, non se pode saber con exactitude, pois existe un alto índice de poboación que vive no campo.

Notas

↑ Diccionario enciclopédico galego universal (2003): Alhucemas: Al => Hoceima; Hoceima, Al-: Provincia de Marrocos (3.550 km²; 383.000 h [estim 1994]). A súa capital é Al-Hoceima (55.216 h [1994]).
↑ Inés Santa María Otero e Noé Massó Lago: Atlas xeográfico e histórico de Galicia e do Mundo (2009), Edicións do Cumio, ISBN 978-84-8289-328-0: Alhucemas: 132 4E.

Véxase tamén

Outros artigos

Guerra do Rif

[1] Diccionario enciclopédico galego universal (2003): Alhucemas: Al => Hoceima; Hoceima, Al-: Provincia de Marrocos (3.550 km²; 383.000 h [estim 1994]). A súa capital é Al-Hoceima (55.216 h [1994]).

[2] Inés Santa María Otero e Noé Massó Lago: Atlas xeográfico e histórico de Galicia e do Mundo (2009), Edicións do Cumio, ISBN 978-84-8289-328-0: Alhucemas: 132 4E.

[1]

[2]