Australian Football League

Australian Football League
Anteriormente	Victorian Football League
Deporte	Fútbol australiano
Fundación	2 de outubro de 1896 (126 anos)
País	Australia
Presidente	Gillon McLachlan
Equipos	18
Actual campión	Richmond (13º título)
Máis laureado	Carlton Essendon (16 títulos)
Televisión	Seven Network, Fox Footy
Sitio web	AFL.com.au

A Australian Football League (AFL, do inglés: Liga de Fútbol Australiano) é a competición masculina preeminente e única completamente profesional de fútbol australiano. A través da Comisión da AFL, a AFL tamén serve como organismo reitor do deporte e é responsable de controlar as regras do xogo. Orixinalmente coñecida como a Victorian Football League (VFL), foi fundada en 1896 como unha excisión da Victorian Football Association (VFA), sendo a súa temporada inaugural o ano seguinte. A VFL, co obxectivo de converterse nunha competición de carácter nacional, na década de 1980 comezou a expandirse a outros estados australianos máis aló de Victoria, mudando o seu nome a AFL en 1990. A AFL é a competición con máis audiencia de Australia, tanto en asistencia aos estadios como en espectadores por televisión e seguimento dos medios de comunicación.

A liga consta actualmente de dezaoito equipos repartidos en cinco dos seis estados de Australia. A única excepción é Tasmania, aínda que hai moitos movementos que procuran o traslado dun equipo ao estado. Alén das respectivas sedes dos equipos, xóganse encontros da AFL en todos os estados e territorios continentais de Australia, así como en Nova Zelandia e a China para promover o deporte no estranxeiro. A temporada da AFL consiste actualmente nunha liga con 23 roldas disputada durante o inverno australiano (de marzo a setembro). O equipo que finaliza no primeiro lugar da táboa recibe o título do "minor premiership" (do inglés: campión menor). Após a finalización da liga, os oitos equipos mellor clasificados xoga un torneo de eliminación directa composto por catro roldas, o cal culmina na Gran Final de AFL, disputada cada ano no Melbourne Cricket Ground. O gañador da Gran Final recibe o premio de "premiers" (do inglés: campións) e a Premiership Cup (do inglés: Copa de Campións).

Clubs

A AFL funciona como unha soa liga pechada. É dicir, carece de divisións ou conferencia ou de ascensos e descensos. A liga foi fundada como Victorian Football League (VFL) en 1897, constando nesa altura de oito equipos, todos localizados no estado de Victoria. Co paso do tempo a liga foise expandido até chegar aos actuais dezaoito equipos, mudando o seu nome ao actual Australian Football League (AFL).

O Territorio da Capital Australiana, o Territorio do Norte e Tasmania son os únicos estados ou territorios que non teñen ningún equipo na AFL, aínda que cada ano se xogan polo menos dous encontros en cada unha desas partes do país. Aínda que os actuais dezaoito equipos teñen a súa sede en cinco estados de Australia, a maioría (10) permanecen en Victoria, nove dos cales están situados na área metropolitana de Melbourne. Os estados de Australia Meridional, Australia Occidental, Nova Gales do Sur e Queensland teñen dous equipos cada un.

West Coast

Fremantle

Adelaide

Port Adelaide

Brisbane Lions

Gold Coast

Sydney

Greater Western Sydney

Western Bulldogs

Geelong

Essendon

North Melbourne

Carlton

Collingwood

Melbourne

Richmond

Hawthorn

St Kilda

Clubs actuais

Club	Cores	Alcume	Estado	Estadio	Socios (2020)	Fund.	Liga anterior	Temporadas VFL/AFL		Títulos VFL/AFL
								Estrea	Total	Total	Último
Adelaide		Crows	Australia Meridional	Adelaide Oval	54 891	1990	—	1991	30	2	1998
Brisbane		Lions	Queensland	The Gabba	29 277	1996	—	1997	24	3	2003
Carlton		Blues	Victoria	Docklands Stadium	67 035	1864	VFA*	1897+	124	16	1995
Collingwood		Magpies	Victoria	Melbourne Cricket Ground	76 862	1892	VFA	1897+	124	15	2010
Essendon		Bombers	Victoria	Docklands Stadium	66 686	1872	VFA	1897+	122†	16	2000
Fremantle		Dockers	Australia Occidental	Perth Stadium	51 577	1994	—	1995	26	0	—
Geelong		Cats	Victoria	Kardinia Park	60 066	1859	VFA	1897+	121†	9	2011
Gold Coast		Suns	Queensland	Carrara Stadium	16 236	2009	—	2011	10	0	—
Greater Western Sydney		Giants	Nova Gales do Sur	Sydney Showground Stadium	30 841	2009	—	2012	9	0	—
Hawthorn		Hawks	Victoria	Melbourne Cricket Ground	76 343	1902	VFA	1925	96	13	2015
Melbourne		Demons	Victoria	Melbourne Cricket Ground	40 571	1858	VFA*	1897+	121†	12	1964
North Melbourne		Kangaroos	Victoria	Docklands Stadium	38 667	1869	VFA*	1925	96	4	1999
Port Adelaide		Power	Australia Meridional	Adelaide Oval	46 820	1870	SANFL*	1997	24	1	2004
Richmond		Tigers	Victoria	Melbourne Cricket Ground	100 420	1885	VFA	1908	113	13	2020
St Kilda		Saints	Victoria	Docklands Stadium	48 588	1873	VFA*	1897+	122†	1	1966
Sydney		Swans	Nova Gales do Sur^	Sydney Cricket Ground	48 322	1874	VFA	1897+	123†	5	2012
West Coast		Eagles	Australia Occidental	Perth Stadium	100 776	1986	—	1987	34	4	2018
Western		Bulldogs	Victoria	Docklands Stadium	38 876	1877	VFA	1925	96	2	2016
^ indica que o club mudou de sede ao longo da súa historia * indica que o club foi membro fundador da súa anterior liga + indica que o club foi membro fundador da VFL † indica que o club non participou en unha ou máis temporadas debido a Guerras Mundiais

Véxase tamén

Ligazóns externas

• Páxina web oficial da AFL (en inglés)