Évald Iliénkov

Évald Iliénkov
Biografía
Nacemento	18 de febreiro de 1924 ; Smolensk, Rusia
Morte	21 de marzo de 1979 (55 anos); Moscova, Rusia
Causa da morte	Suicidio
Lugar de sepultura	cemiterio Novodevichii
Datos persoais
País de nacionalidade	Unión Soviética
Educación	Moscow University's Department of Philosophy (en)
Actividade
Campo de traballo	Dialectical logic (en) , epistemoloxía, teoria do conhecimento (pt) , filosofía, materialismo dialéctico e Marxismo
Ocupación	filósofo , psicólogo
Período de tempo	Categoria:Filosofia do século XX (pt)
Empregador	Institute of Philosophy (en)
Partido político	Partido Comunista da Unión Soviética
Movemento	Filosofía continental
Influencias	Platón, Baruch de Spinoza, Immanuel Kant, Georg Wilhelm Friedrich Hegel, Karl Marx, Friedrich Engels, Lenin, Lev Vygotski, Pobisk Kuznetsov (pt) e Mark Moisevich Rosenthal (en)
Lingua	Lingua rusa
Carreira militar
Lealdade	Unión Soviética
Conflito	Fronte Oriental (segunda guerra mundial)
Obra
Doutorando	Valery Kovalenko (en) e Alexander Meshcheriakov (pt)
Familia
Pai	Vasily Ilyenkov (en)
	Premios Order of the Patriotic War 2nd class (en) ; Medalla do 50° Aniversario das Forzas Armadas da Unión Soviética; Jubilee Medal "Thirty Years of Victory in the Great Patriotic War 1941–1945" (en) ; Medalla Conmemorativa do 20º Aniversario da Vitoria na Gran Guerra Patria de 1941-1945; Ordem da Guerra Patriótica (pt) ; Medalla da vitoria sobre Alemaña na gran guerra patriótica 1941-1945; Medalla do 60º Aniversario das Forzas Armadas da Unión Soviética ;

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Évald Vasílievich Iliénkov (en ruso Э́вальд Васи́льевич Илье́нков), nado en Smolensk o 18 de febreiro de 1924 e finado en Moscova o 21 de marzo de 1979, foi un filósofo marxista soviético.

Traxectoria[editar | editar a fonte]

A familia Iliénkov trasladouse de Smolensk a Moscova cando el era cativo. Dende moi novo, Évald interesouse pola música de Richard Wagner e a filosofía de Baruch Spinoza. As conferencias do seu profesor Boris Stepánovich Chernyshov sobre a Lóxica de Hegel, marcaron a súa traxectoria futura. Tivo que interromper os seus estudos durante a II Guerra Mundial para ingresar ao Exército Vermello. Combateu na fronte occidental, e cunha batería da artillaría acadou chegar até Berlín. Logo, continuou estudando na Facultade de Filosofía da Universidade Estatal de Moscova, onde se graduou en 1950. En 1953 Iliénkov doctorouse cunha tese sobre "Algunhas cuestións da dialéctica materialista na obra de Marx Crítica da Economía Política". Casou coa profesora Olga Salímova.

En 1955, a súa obra A dialéctica do abstracto e o concreto no Capital de Marx foi criticada como "distorsión do marxismo", primeiro nos círculos académicos e políticos universitarios e logo no diario Pravda, e en 1956 Iliénkov e o seu compañeiro I. Korovikov foron despedidos dos seus cargos como profesores. Dende 1968 traballou no Instituto de Filosofía, ao cal ingresou cando era dirixido por Pável Kopnín. Dende entón as súas obras foron publicadas. En 1979 suicidouse sen que se teñan establecido as causas.

Concepcións[editar | editar a fonte]

Estudou cuestións centrais da filosofía, principalmente a teoría do coñecemento e a lóxica dialéctica, dende un punto de vista materialista. Resaltou a unidade entre o subxectivo e o obxectivo e o vencello orgánica entre a lóxica e a Historia. Foi un crítico incesante do positivismo. A filosofía alcanza unha reflexión do pensamento en si mesmo.

Como filósofo tratou tamén preguntas sobre psicoloxía e educación e escribiu sobre a teoría da personalidade, o desenvolvemento do pensamento e a apropiación do coñecemento no ensino da escola. Tivo particular interese na teoría da actividade en conexión coa escola cultural-histórica. Realizou investigacións no colexio de internos para xordos de Zagorsk so a dirección de Aleksandr Mescheriakov e tratou de continuar o labor deste tras o seu falecemento en 1974.

Obras[editar | editar a fonte]

Диалектика абстрактного и конкретного в "Капитале“ Маркса (A dialéctica do abstracto e o concreto no Capital de Marx). Moscova 1960
К вопросу о природе мышления (A cuestión da natureza do pensamento). Moscova 1968
Об идолах и идеалах (Sobre os ídolos e os ideais). Moscova 1968
Диалектическая логика. Очерки истории и теории (Lóxica dialéctica. Ensaios sobre historia e teoría). Moscova 1974
Ленинская диалектика и метафизика позитивизма (A dialéctica leninista e a metafísica do positivismo). Moscova: Politizdat 1980
Искусство и коммунистический идеал (A arte e o ideal comunista). Moscova: Iskusstvo, 1984
Философия и культура (Filosofía e cultura). Moscova: Politizdat 1991

Filmografía[editar | editar a fonte]

Ильенков. Фильм Александра Рожкова (Iliénkov. Película de Aleksandr Rozhkov), 83 minutos, 2017. Documental sobre a biografía e legado teórico de Évald Iliénkov, subtitulado en inglés e que pode verse en YouTube.
O programa venezolano "Escuela de Cuadros" dedicou algúns dos seus números ao estudo da obra de Évald Iliénkov, como os programas titulados "Marx e o mundo occidental", "Dialéctica do ideal" e "A escola debe ensinar a pensar", os tres baixo a guía do filósofo cubano Rubén Zardoya Loureda.

Véxase tamén[editar | editar a fonte]

Bibliografía[editar | editar a fonte]

M.M. Rosenthal e P.F. Iudin Dicionario Filosófico. Montevideo: Edicines Pueblo Unidos, 1965.
Evald Vasiliev Ilienkov Enciclopedia filosófica Symploké]
Ilyenkov, Evald Vasilyevich (1924-1979) (en inglés) The Marxists Internet Archive]

Ligazóns externas[editar | editar a fonte]

Arquivo de artigos e libros (en inglés)
Biografía e escritos Arquivado 13 de outubro de 2011 en Wayback Machine. (en inglés e ruso)
The Marxists Internet Arquive (en castelán)
O Universal - Evald Iliénkov. [PDF] (en castelán)