Verderolo común

Verderolo común
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Passeriformes Familia: Fringillidae Xénero: Carduelis
Nome científico
Carduelis chloris
Coñeza toda a Bioloxía en Wikispecies, o directorio dos seres vivos

O verdorolo común (Carduelis chloris) é un paxaro presente en toda Europa, norte de África e suroeste de Asia. Aínda que se comporta en xeral como ave sedentaria, algunhas poboacións que viven nas zonas máis boreais da súa distribución, móvense cara o sur no inverno.

Descrición

O verderolo común mide entre 14 e 16 cm de lonxitude. É de cor verde oliva, coas plumas das ás e a beira do rabo de cor amarela dourada. As femias e os exemplares novos son menos brillantes e teñen tonos castaños no lombo. O peteiro é groso e cónico. Ten o rabo curto e a cabeza grande.

Distribución e hábitat

Ademais das zonas xa citadas o verderolo foi introducido e está presente en Nova Celandia, parte de Australia, e algúns países da América do sur, como Brasil e Arxentina.

As súas zonas de cría máis comúns sitúanse nas beiras de zonas de bosque, sebes e xardíns con vexetación relativamente mesta.

Distribución do verderolo común

Reprodución

A súa época de cría vai de finais de abril a xuño. O niño ten forma de pratiño e constrúeno en sebes ou vexetación mesta. Poñen 5 ou 6 ovos abrancazados con manchas e puntos castaños escuros. A femia choca os ovos 13 ou 14 días e os dous membros da parella alimentan os polos.

Conduta e alimentación

O seu vóo ondulante é moi característico. Na época nupcial o macho voa describindo círculos ó redor da femia, cantando sen parar.

Non temen a presenza humana. Fóra da época de cría pode xuntarse en bandos, as veces mesturados con outras especies de frinxílidos. A base da súa limentación son as sementes, aínda que poden alimentar as crías tamén con algúns insectos.

Galería de imaxes

• 
• 
• 
• 
• 
• 
• 
• 
•