Podgorica

Na Galipedia, a Wikipedia en galego.

Coordenadas: 42°26′27.76″N 19°15′46.17″E / 42.4410444°N 19.2628250°E / 42.4410444; 19.2628250

Podgorica
Flag of Podgorica.svg Podgorica Coat of Arms.png
PG collage.jpg
Situación xeográfica
Podgorica en Montenegro
Podgorica
Podgorica
País Flag of Montenegro.svg Montenegro
Rexión Capital
Subrexión
Distrito
Xeografía
Altitude 44 msnm
Superficie 1.399 km²
Poboación
Poboación 139.500 hab. (2010)
Densidade 99´71 hab/km²
Xentilicio Podgoricano/a
Información
Código postal 81000
Alcalde Miomir Mugoša
Páxina web Sitio web

Podgorica (en alfabeto cirílico serbio Подгорица; IPA [ˈpɔdgɔˌriʦa]) a antiga Titograd e, antes, Ribnica) é a capital de Montenegro e a cabeza do concello homónimo. A súa poboación atinxe 139.500 habitantes. Antes da separación de Serbia e Montenegro era unha simple capital xudicial do país. En galego-portugués é, ás veces, transcrita Podgóritsa.

Xeografía[editar | editar a fonte]

Atópase situada a 44 msnm. A cidade érguese na confluencia dos ríos Ribnica e Morača, que se unen entre a fértil chaira de Zeta e o val de Bjelopavlići. A súa situación converteuna en meta de asentamentos turísticos, pois está a uns 60 km das estacións de esquí invernais e a unha distancia semellante das localidades marítimas da costa do mar Adriático (88 km até Kotor). A distancia ao lago Scutari, o maior lago dos Balcáns, é aínda menor.

Toponimia[editar | editar a fonte]

No Medioevo respondía ao nome de Ribnica. No século XIV tomou o de Podgorica. Entre 1945 e 1992 foi renomeada como Titograd, é dicir "cidade de Tito", en honra do ditador comunista Tito. Podgorica significa "baixo o Gorica", por estar ao pé do outeiro Gorica. En 1992 por medio dun referendo restabeleceuse o nome anterior.

Historia[editar | editar a fonte]

Pazo do Concello.

Entre 1466 e 1878 formou parte do Imperio Otomán, e máis tarde do novo reino de Montenegro. Acabada a Primeira Guerra Mundial, en 1918 reuniuse aquí a Grande Asemblea Nacional Serbia que votou a favor da unión das repúblicas de Serbia e Montenegro, creada o 29 de novembro dese mesmo ano. O 1 de decembro esta federación uniuse ao Reino dos Serbios, Croatas e Eslovenos, acabado de crear.

En 1941, durante a Segunda Guerra Mundial, Podgorica foi ocupada polas tropas italianas do réxime fascista, que foron logo substituídas polo exército nazi alemán. Os bombardeos efectuados polas tropas aliadas en 1944, produciron graves estragos en toda a cidade, matando gran parte da poboación e destruíndo a maior porción do seu patrimonio arquitectónico e cultural, do que pouca cousa ficou. A cidade pasou a ser reconstruída desde 1945 e foi nomeada capital da nova república federal de Montenegro, posto que tradicionalmente ostentara a próxima cidade de Cetinje, e tamén mudou seu nome.

Patrimonio[editar | editar a fonte]

  • Igrexa de san Xurxo (século X)
  • Torre do Reloxo
  • Ponte Vella
  • Cidadela
Commons
Commons ten máis contidos multimedia sobre: Podgorica