Major League Soccer

Na Galipedia, a Wikipedia en galego.
(Redirección desde «MLS»)

A Major League Soccer é a liga profesional de fútbol en Norteamérica. Fundada en 1993, actualmente a MLS está composta por 20 equipos, 17 deles dos Estados Unidos, e outros 3 do Canadá. Nesta liga non existen acensos nin descensos, pois é unha liga pechada entre franquías. En 2011 a IFFHS situou á MLS no posto 52º da clasificación das ligas mais fortes do mundo, ocupando así o 2º posto entre as ligas de fútbol da zona Concacaf.

Historia[editar | editar a fonte]

A creación da MLS foi incluída na candidatura de Estados Unidos para organizar o Campionato do Mundo de Fútbol de 1994. Unha vez elixida pola FIFA a candidatura proposta pola Federación de Fútbol dos Estados Unidos, esta tivo que cumprir a súa promesa. A primeira tempada da MLS comezou o 6 de abril de 1996 con 10 equipos divididos en 2 conferencias (Leste e Oeste). Os 10 equipos disputaron unha tempada regular de 32 xornadas, seguida duns playoffs nos que se decidiu o título de campión.

Nos seguintes anos o número de equipos que compoñen a liga foi crecendo ós poucos, ata chegar ós 18 equipos que actualmente compiten cada ano polo campionato.

Palmarés[editar | editar a fonte]

O equipo campión recibe a MLS Cup. O LA Galaxy é o equipo máis laureado da competición con 5 MLS Cups no seu palmarés. Ademais é tamén o equipo que máis finais disputou con 9.

FINAL 2014
Data 7 de decembro
Campión Los Angeles Galaxy
Finalista New England Revolution
Resultado 2-1



Finais da Major League Soccer
Tempadas CAMPIÓN Resultados Subcampión
2014 Los Angeles Galaxy 2-1 New England Revolution
2013 Sporting Kansas City 1-1 (7-6) Real Salt Lake
2012 Los Angeles Galaxy 3-1 Houston Dynamo
2011 Los Angeles Galaxy 1-0 Houston Dynamo
2010 Colorado Rapids 2-1 FC Dallas
2009 Real Salt Lake 1-1 (5-4) Los Angeles Galaxy
2008 Columbus Crew 3-1 New York Red Bulls
2007 Houston Dynamo 2-1 New England Revolution
2006 Houston Dynamo 1-1 (4-3) New England Revolution
2005 Los Angeles Galaxy 1-0 New England Revolution
2004 DC United 3-2 Kansas City Wizards
2003 San Jose Earthquakes 4-2 Chicago Fire Soccer Club
2002 Los Angeles Galaxy 1-0 New England Revolution
2001 San Jose Earthquakes 2-1 Los Angeles Galaxy
2000 Kansas City Wizards 1-0 Chicago Fire Soccer Club
1999 DC United 2-0 Los Angeles Galaxy
1998 Chicago Fire Soccer Club 2-0 DC United
1997 DC United 2-1 Colorado Rapids
1996 DC United 3-2 Los Angeles Galaxy

Equipos[editar | editar a fonte]

Os 20 equipos da MLS son franquías propiedade da liga, aínda que son dirixidos por co-propietarios. Os xogadores negocian e asinan os seus contratos coa liga, non co seu equipo. Na Conferencia Leste hai 8 equipos estadounidenses e 2 canadenses, mentres que na Conferencia Oeste hai 9 estadounidenses e un do Canadá. Tódolos equipos da liga teñen un límite salarial, o que quere dicir que non lle poden pagar ós xogadores unha cantidade superior ó límite marcado. En 2007 o regulamento foi cambiado para permitir que cada equipo poida ter 3 excepcións, é dicir, que cada equipo poida ter 3 xogadores designados que teñen un soldo superior por considerar que son xogadores estrelas. O troco no regulamento veu motivado pola fichaxe de David Beckham polos LA Galaxy.

O líder da táboa cando remata a tempada regular, e mailo equipo que gaña na final, son equipos que teñen dereito a disputar a Liga de Campións da Concacaf na seguinte tempada, sempre que non sexan canadenses, xa que os equipos canadenses acadan o dereito a clasificarse para competicións continentais a través da súa propia competición nacional. Hai outras dúas prazas para disputar a fase previa da Liga de Campións, que son para o equipo que perde na final, e para o equipo que gaña na competición copeira, unha competición na que compiten os equipos da MLS con outros equipos estadounidenses.

Conferencia Leste



D.C. United
Washington
4 MLS Cup
1 Copa Concacaf









Conferencia Oeste




LA Galaxy
Os Ánxeles
3 MLS Cup
1 Copa Concacaf






Táboa histórica 1996-2010[editar | editar a fonte]

A táboa histórica da MLS está liderada por aqueles equipos que en 1996 foron membros fundadores da competición. Nesta táboa hai 2 equipos que desapareceron trala tempada 2001 (Tampa Bay Munity e Miami Fusion), e outro equipo que ten previsto debutar na tempada 2012 (Montreal Impact). O número 1 desta táboa é o Los Angeles Galaxy, o que quere dicir que dende o nacemento la MLS en 1996 ten sido o equipo mais regular da competición, o cal se confirma no dato de que é o equipo con máis finais disputadas, 7. Na segunda posición está o DC United, que é o equipo con máis títulos no seu palmarés, 4, pero que nos últimos anos ten feitos tempadas pouco salientables. Precisamente os 2 equipos que ocupan as primeiras posición na táboa histórica la MLS, son os 2 únicos equipos da liga que teñen acadado nalgunha ocasión a vitoria final na Liga de Campións da Concacaf, a máxima competición continental de fútbol que se disputa en Norteamérica.

Posición Equipo País Xog. Gañ. Emp. Per. G+ G- Dif. PTS
1 Los Angeles Galaxy 458 214 80 164 722 526 126 700
2 DC United 458 203 75 180 742 682 60 648
3 Columbus Crew 458 193 85 180 675 641 34 638
4 FC Dallas 458 192 77 189 691 692 -1 623
5 Chicago Fire Soccer Club 395 176 82 137 605 519 86 600
6 Sporting Kansas City 459 151 88 190 645 668 -23 599
7 Colorado Rapids 458 179 81 198 620 692 -72 594
8 New England Revolution 459 180 81 198 652 713 -71 587
9 New York Red Bulls 458 176 75 207 652 713 -71 581
10 San Jose Earthquakes 392 162 72 162 569 554 15 520
11 Tampa Bay Mutiny 187 83 6 98 312 336 -24 235
12 Houston Dynamo 151 61 47 44 211 173 38 230
13 Chivas USA 184 62 44 78 227 254 -27 230
14 Real Salt Lake 184 57 51 76 234 253 -19 222
15 Miami Fusion 122 56 10 56 199 219 -20 158
16 Toronto FC 120 34 32 54 129 179 -50 134
17 Seattle Sounders 60 26 17 17 77 64 13 95
18 Philadelphia Union 30 8 7 15 35 49 -14 31
19 Vancouver Whitecaps 0 0 0 0 -
20 Portland Timbers 0 0 0 0 -
21 Montreal Impact 0 0 0 0 -

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Major_League_Soccer&oldid=6494566»