Lars von Trier

Na Galipedia, a Wikipedia en galego.
Lars von Trier no Festival de Cannes 2000.

Lars von Trier, nado co nome de Lars Trier en Copenhaguen o 30 de abril de 1956, é un director de cine dinamarqués, un dos creadores do movemento Dogma 95.

Traxectoria[editar | editar a fonte]

Estudou na escola de cine de Copenhaguen. En 1981 e 1982, aínda como estudante, gañou varios premios no Festival de Cine de Múnich. A súa primeira película foi The Element of Crime (1984), que acadou un premio polo seu logro técnico no Festival de Cine de Cannes. Esta película é a primeira da triloxía europea, continuada por Epidemic (1987) e Europa (1991), unha comedia negra localizada en Alemaña na posguerra da Segunda Guerra Mundial.

Fundou xunto a Thomas Vinterberg o movemento Dogma 95, valorando retomar historias máis cribles na industria do cinema, afastándose dos efectos especiais e facendo un uso técnico mínimo.

Perfil polémico[editar | editar a fonte]

En 2010, no Festival de Cannes, autoproclamouse o mellor realizador de cinema do momento. Un ano despois, o 19 de maio de 2011, o Festival de Cannes declarou o cineasta "persona non gratta", coa conseguinte expulsión do festival.

A polémica desatouse tras uns comentarios vertidos por Trier:

"Comprendo a Hitler. Creo que fixo algunhas cousas mal, si absolutamente [...] Non é o que se diría un bo tipo, pero enténdoo bastante e simpatizo un pouco con el [...] Vale, son nazi".

As declaracións fíxoas á mañá e esa mesma tarde emitiu un comunicado público no que pedía desculpas:

"Se ferín a alguén coas miñas palabras esta mañá na rolda de prensa, pido desculpas sinceras [...] Non son antisemita, nin teño prexuízos raciais de ningún tipo, nin son nazi".

Ó día seguinte foi expulsado do festival.

Filmografía[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]