Isamu Noguchi

Na Galipedia, a Wikipedia en galego.
Isamu Noguchi, 1941.

Isamu Noguchi, nado nos Ánxeles (California) o 17 de novembro de 1904 e finado en Nova York o 30 de decembro de 1988, foi un artista estadounidense-xaponés, creador de imaxes de duradeira elegancia en moi diversos medios. Coñecido sobre todo como escultor e como arquitecto paisaxístico, Noguchi foi ademais deseñador de escenarios, lámpadas e pezas de mobiliario de produción industrial, algunhas das cales son aínda hoxe manufacturadas e vendidas.

Traxectoria[editar | editar a fonte]

Fillo da escritora estadounidense Leonie Gilmour e do poeta xaponés Yone Noguchi, Isamu Noguchi. Aínda que a parella nunca casou, Yone Noguchi invitou en 1906 a Leonie a Toquio para coñecer o seu fillo e ó ano seguinte nai e fillo mudaríanse a Xapón onde pasaría o resto da súa infancia, residindo en Chigasaki e Iocoama.

En 1918 foi enviado ós Estados Unidos a estudar, graduándose en La Porte High School, Indiana en 1922. En 1924 Noguchi deixou a Universidade de Columbia, para perseguir a que sería a súa gran paixón para o resto da súa vida, a escultura.

Tras viaxar por Europa, India, China e varios outros paíse, comezará a gañar prominencia e exito profesional como escultor e finalmente como deseñador de obras a grande escal en moitas das maiores cidades do mundo.

Obras[editar | editar a fonte]

Entre as súas obras máis destacadas inclúense as seguintes.

A súa obra escultórica encóntrase esparexida por todo o mundo e no Isamu Noguchi Garden Museum en Long Island, Nova York.

O seu último proxecto foi o deseño de dun parque de 1,6 km² en Sapporo, Xapón. Deseñado en 1988, un pouco antes da súa morte, o parque Moerenuma foi rematado e aberto ó público no 2004.

Galería de imaxes[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Altshuler, Bruce (1995). Isamu Noguchi (Modern Masters). Abbeville Press, Inc. ISBN 1558597557.
  • Ashton, Dore; Hare, Denise Brown (1993). Noguchi East and West. University of California Press. ISBN 0520083407.
  • Noguchi, Isamu et al (1986). Space of Akari and Stone. Chronicle Books. ISBN 0877014051.
  • Torres, Ana Maria; Williams, Tod (2000). Isamu Noguchi: A Study of Space. The Monticelli Press. ISBN 1580930549.

Ligazóns externas[editar | editar a fonte]