Giuseppe Rossi
 |
|||
| Información persoal | |||
|---|---|---|---|
| Nome completo | Giuseppe Rossi | ||
| Nacemento | 1 de febreiro de 1987 (26 anos) | ||
| Lugar | Teaneck, Estados Unidos | ||
| Altura | 1,73 m. | ||
| Posición | Dianteiro | ||
| Información de club | |||
| Club actual | Villarreal | ||
| Número | 22 | ||
| Carreira xuvenil | |||
| 2000–2004 | Parma | ||
| 2004–2006 | Manchester United | ||
| Carreira sénior | |||
| Anos | Equipos | Aprs† | (Gls)† |
| 2005–2007 | Manchester United | 5 | (1) |
| 2006 | → Newcastle (cedido) | 11 | (0) |
| 2007 | → Parma (cedido) | 19 | (9) |
| 2007– | Villarreal | 128 | (51) |
| Selección nacional | |||
| 2003 | Italia sub-16 | 5 | (3) |
| 2003–2004 | Italia sub-17 | 14 | (6) |
| 2004–2005 | Italia sub-18 | 3 | (0) |
| 2006–2008 | Italia sub-21 | 22 | (11) |
| 2008– | Italia | 24 | (6) |
| * Partidos e goles só en liga doméstica. Actualizados a 30 de agosto de 2011. † Aparicións (Goles) |
|||
Giuseppe Rossi, nado en Teaneck (Nova Jersey) o 1 de febreiro de 1987, é un futbolista de orixe italiana. Xoga de dianteiro e o seu actual club é o Villarreal Club de Fútbol.
Índice |
Traxectoria [editar]
En 2004 o primeiro club polo que Giuseppe Rossi fichou, foi o Parma italiano como xuvenil. Tiña 17 anos, pero foi traspasado ao pouco tempo por 200.000 libras ao Manchester United, onde asinaría o seu primeiro contrato profesional. Alí xogou ata xaneiro de 2007, empezando a xogar cedido no Parma italiano.[1].
Giuseppe Rossi foi fichado polo Villarreal CF o verán de 2007 tras a marcha ao Atlético de Madrid do uruguaio Diego Forlán. Cos seus 11 goles en 27 partidos converteuse nun dos xogadores revelación da tempada 2007-08.
Ao finalizar a tempada 2008/09 apareceron na prensa rumores sobre o interese de varios clubs para facerse cos servizos de Rossi, como a Juventus FC que se dicía que ofrecía 18 millóns de euros e o traspaso de David Trézéguet, ou o Manchester City ou o Manchester United.[2] Sobre todo tras as declaracións que realizou, nas que afirmaba que o seu soño era volver xogar en Italia.[3] En xaneiro de 2011, o Villarreal CF confirma o acordo entre Rossi e o club para a ampliación do seu contrato ata o verán de 2016 desmentindo asi calquera rumor que lle vinculaba a outro club.
Selección nacional [editar]
Foi internacional coa Selección de Italia tanto a nivel absoluto, como nas categorías inferiores ata a Sub-21. Coa Selección Olímpica de Italia en 2008 participou nos Xogos Olímpicos de Pequín, onde terminou como máximo goleador do torneo con 4 goles. O seu primeiro gol coa súa selección anotouno nun partido amigable disputado o 6 de xuño de 2009 en Pisa contra Irlanda do Norte, que servía de preparación para a Copa das Confederacións de 2009, á que foi convocado por Marcello Lippi.
No mencionado torneo internacional, debuto con dous goles no triunfo italiano 3-1 sobre Estados Unidos, no Estadio Loftus Versfeld de Pretoria.
Palmarés [editar]
Campionatos nacionais [editar]
| Título | Club | País | Ano |
|---|---|---|---|
| Football League Cup | Manchester United |  Inglaterra |
2006 |
Notas [editar]
- ↑ Traxectoria na web de Rossi
- ↑ A Juve ofrece 18 millóns e Trezeguet a cambio de Rossi. Marca.com. Consultado o 13 de xuño de 2009.
- ↑ Rossi di que o seu soño é volver xogar en Italia. Marca.com. Consultado o 13 de xuño de 2009.
