Puigcerdà

Na Galipedia, a Wikipedia en galego.
Estanque de Puigcerdà

Puigcerdà é un concello español, capital da comarca catalá da Baixa Cerdanya, na provincia de Xirona. Sitúase na ribeira do río Segre, a uns 1.200 m de altitude, e próxima á fronteira con Francia. Ten unha poboación de 9.365 habitantes (2008).

Historia[editar | editar a fonte]

A vila foi fundada o ano 1178 polo rei Afonso II de Aragón, Conde de Barcelona, que mandou construír unha cidade sobre unha montaña denominada Cerdà; adquiriu os terreos ao mosteiro de San Miguel de Cuixá, traspasando a capital da Cerdanya desde Hix,unha localidade actualmente francesa. Por un documento do ano 1342 sábese que a muralla que rodeaba a cidade tiña oito portas. Nos anos 1281 e 1309 sufriu uns grandes incendios que causaron grandes danos á cidade, e en 1428 tivo lugar un gran terremoto que destruíu novamente parte da cidade. Ten un gran estanque artificial cuxa concesión para construílo deu o rei Sancho I de Mallorca no ano 1310, e cuxo fin era para o regadío das terras do seu termo.

Lugares de interese[editar | editar a fonte]

Torre do Campanario
  • Estanque de Puigcerdà
  • Torre do Campanario, do século XII. Restos dunha parroquia que foi destruída en 1936.
  • Fábrica de Casa Tarradellas

Comunicacións[editar | editar a fonte]

Na poboación finaliza a estrada nacional N-152, de Ripoll a Puigcerdà (continuación da C-17).

Liña C3 de proximidade: Barcelona > Vic/Ripoll/Puigcerdà

Ligazóns externas[editar | editar a fonte]