Ferberita

Ferberita
Fórmula química	FeWO4
Clase	Óxido
Sistema cristalino	Monoclínico
Cor	Negro, gris escuro
Brillo	Semimetálico, mate
Dureza	4 - 4,5 (escala de Mohs)
Fractura	Irregular
Exfoliación	Perfecta
Raia	Parda escura, negra
Densidade	7,6 g/cm³

A ferberita é un mineral de tungsteno e ferro de fórmula química FeWO₄. O seu nome provén de Rudolph Ferber, mineraloxista afeccionado, que encontrou en 1863 este mineral en Serra Almagrera (provincia de Almería).

Propiedades

A ferberita é un mineral negro ou gris escuro cuxa composición química é FeO 23,65 % e WO₃ 76,35 %. Como impurezas pode conter niobio, tántalo e escandio. Funde facilmente e é soluble tanto en ácido clorhídrico como en ácido sulfúrico.

É da mesma serie que a hübnerita, pero mentres esta última é o extremo rico en manganeso, a ferberita encóntrase no extremo rico en ferro. Entre ambos está a volframita, que contén tanto ferro como manganeso en proporcións variables entre o 20% e o 80%. Dos tres membros da serie, a ferberita é a máis rara.

Morfoloxía e formación

Preséntase como cristais tabulares e prismáticos, e tamén como agregados masivos e granulares. Tipicamente áchase canda a pegmatitas o en vetas hidrotermais de altas temperaturas.

Depósitos

É un mineral bastante raro. Ademais do depósito situado en Serra Almagrera (Cuevas de Almanzora), existen depósitos no val de Rankach (Wolfach, Alemaña) e en Les Chaillats (Puy-de-Dôme, Francia). Tamén hai depósitos en Bolivia, en lugares como Llallagua (Departamento de Potosí) e Huanuni (Departamento de Oruro), e encontráronse bos exemplares na Mina de Panasqueira, unha mina de volframio en Castelo Branco, Portugal.

Véxase tamén

Outros artigos

• Lista de minerais

Ligazóns externas

• Ferberita (Mindat.org) (en inglés)
• Ferberite mineral data (Webmineral) (en inglés)
• Handbook of Mineralogy Arquivado 03 de setembro de 2011 en Wayback Machine. (en inglés)