Central Intelligence Agency
| Central Intelligence Agency (CIA) | |
|---|---|
| Axencia Central de Intelixencia | |
 |
|
| Datos da Axencia | |
| Formación | 18 de setembro de 1947 |
| Precedentes | Office of Strategic Services (OSS) |
| Xurisdición | Consello de Ministros da URSS |
| Sede central |  Langley, Virxinia |
| Lema | "E coñecerán a verdade, e a verdade faravos libres." (Xoán 8:32) |
| Empregados | Información clasificada 20.000 (estimados) |
| Orzamento | Información clasificada |
| Director | Michael Morell V. Sue Bromley (dir. adxunta) |
| Axencia sup. | Independente |
| Sitio web | |
| www.cia.gov | |
A Central Intelligence Agency (CIA, en galego: Axencia Central de Intelixencia) é unha axencia gobernamental dos Estados Unidos da América. O seu fin é realizar investigacións e operacións sobre gobernos estranxeiros, empresas ou individuos que podan afectar aos Estados Unidos.
Índice |
Historia [editar]
A CIA creouna en 1947 o presidente Harry S. Truman (1884 - 1972), ao comezo da Guerra Fría.
Para coordinar as actividades da Axencia, existe unha Dirección Central de Intelixencia, cuxa función é interligar a comunidade de información ao Presidente dos Estados Unidos, o que posibilita intervir, cando for necesario, en organizacións ou Estados estranxeiros. A súa sede central está en Langley, Virxinia.
Entre os seus logros destacan a defección de numerosos militares soviéticos durante a Guerra Fría, o rescate dun submarino atómico do fondo do Océano Pacífico en 1974 - cos seus segredos, o derrocamento de Mossadeq de Irán (1953), Jacobo Arbenz de Guatemala (1954), Sukarno de Indonesia (1965) ou de Salvador Allende de Chile (1973).
Control [editar]
A CIA é unha axencia independente, mais está baixo a autoridade do Consello de Seguridade Nacional, se ben o seu director e os xefes máis importantes teñen relación directa coa Casa Branca. No Congreso dos Estados Unidos existe un comité formado por políticos para fiscalizar a CIA e evitar que se cometan excesos ou omisións, sendo polo tanto, necesaria a súa fiscalización polos congresistas que teñen poderes para cobrar responsabilidades civís e criminais.
A misión de CIA é apoiar o Presidente, o Consello de Seguridade Nacional, e todos os funcionarios que fan e executan a política de seguridade nacional norteamericana.
Atribucións da CIA [editar]
Executar o monitoramento da intelixencia estranxeira de forma precisa, integral, e oportuna para asegurar a seguridade nacional.
Executar actividades de contrainformación, administrando actividades especiais, e outras funcións relacionadas coa intelixencia estranxeira e seguridade nacional, cando sexa ordenado polo Presidente.
Para realizar a súa misión, a CIA ocúpase da investigación e desenvolvemento de tecnoloxía de alto nivel. Como axencia independente, a CIA serve como fonte de análise de dados, traballando con outras organizacións na Comunidade de Intelixencia e Seguridade Nacional para asegurar que os datos recollidos cheguen coa maior precisión posíbel a Washington, cando sexa necesario.
Organización [editar]
Departamentos da CIA:
- Departamento de Intelixencia Central do Congreso, son atribucións da dirección a prestación de contas ao Congreso
- Departamento Executivo da Axencia de Intelixencia Central, leva o control e toma das decisións inherentes á administración central, interactúa con todas as outra direccións coa finalidade de mellorar o desempeño e administración interdepartamentais, alén de coordinar e mellorar a distribución de datos entre todos os departamentos.
- Departamento de Intelixencia, realiza as análises, procesamento de datos e estatísticas, que saen para a presidencia tomar a decisións sobre os datos recollidos e procesados, a directoría de intelixencia, vixía os outros departamentos da axencia central.
- Departamento de Ciencia e Tecnoloxía, é responsábel da creación e utilización das tecnoloxías de información, equipamentos de vixilancia, comunicacións armamentos, equipamentos para observación, información, contra información, espionaxe convencional, espionaxe espacial, contra espionaxes de todos os tipos, é responsábel para a posibilitación de condicións de vixilancia en territorio nacional ou inimigo.
- Departamento de Operacións, todos os axentes dependen deste departamento, onde se dan as ordes de servizo e execución de accións en territorio nacional ou en territorio inimigo, tales como vixilancias e intervencións, cando foren necesarias nas políticas locais.
- Centro de Estudos de Intelixencia e materiais históricos e estatística, todos os datos, utilizados ou non, despois de procesados e catalogados, van para esta directoría, para utilización a calquera tempo e momento en que se fixeren necesarios, é neste departamento no que se fai o procesamento estatístico a longo prazo dos rumbos do poder mundial e as súas nacións, é dela que emanan os consellos para o presidente analizar xuntamente coa opinións das demais directorias, e axencias para a tomada de decisións estratéxicas.
- Escritorio de Deliberación Xeral, neste escritorio é executado o procesamento de decisións importantes para a axencia, é subordinado directamente ao presidente.
- Escritorio de Negocios públicos, neste escritorios son feitos os contactos cos países aliñados e de onde emana a información necesaria para o seu uso.
Véxase tamén [editar]
Ligazóns externas [editar]
- Web oficial (en inglés)
