Bruno Ninaber van Eyben

Bruno Ninaber van Eyben
Biografía
Nacemento	3 de novembro de 1950 (73 anos); Boxtel, Países Baixos
Datos persoais
Residencia	Delft
País de nacionalidade	Reino dos Países Baixos
Educación	Maastricht Academy of Fine Arts (en)
Actividade
Lugar de traballo	Boxtel (en) ; Nederland (en) ; Delft
Ocupación	deseñador industrial , deseñador de xoias , deseñador
Empregador	Universidade Técnica de Delft ; Studio Ninaber van Eyben (en)
Membro de	Vereniging van Edelsmeden en Sieraadontwerpers (pt)
Representante	Galerie Het Kapelhuis (pt) e Galerie Sieraad (pt)
Compañeiro profesional	Martijn Wegman (pt) ; Frans van Nieuwenborg
Participou en
1986	Sieraden, Images (pt)
	Zonder wrijving geen glans (pt)
	Premios (2008) BNO Piet Zwart Prijs (en) ; (2007) Oeuvre Awards BKVB (en) ; (1979) Kho Liang Ie award (en) ;
Páxina web	ninaber.nl

Bruno Ninaber van Eyben, nado en Boxtel, Brabante do Norte, o 3 de novembro de 1950, é un xoieiro e enxeñeiro industrial neerlandés coñecido por ser o autor do deseño do anverso das moedas do euro dos Países Baixos.

Traxectoria[editar | editar a fonte]

Ninaber é fillo do artista Antonius Cornelius (Toon) Ninaber van Eyben (1896-1977) e de Carla Hoyng (1910-1975).^[1]

Bruno Ninaber van Eyben graduouse en 1971 dos seus estudos artísticos superiores no Instituto das Artes en Maastricht, na especialidade de deseño de xoiaría, e estableceuse como creador autónomo. Na década de 1970 deseñou obxectos como un reloxo de pulseira (1973), un colgante con reloxo (1976) e un sistema de alumeamento fluorescente (1977).^[2]

Entre outros museos relevantes, algunhas das súas obras forman parte das coleccións do Rijksmuseum de Ámsterdam,^[3] do MOMA de Nova York^[4] e da Neue Sammlung, de Múnic.^[2]

En 1980 Ninaber foi o artista escollido pola Real Casa da Moeda dos Países Baixos para o deseño da derradeira serie de moedas con valor facial en floríns, a nome da raíña Beatriz, que estiveron en circulación desde 1982 ata a chegada do euro en 2002.^[2] Así mesmo, foi o gañador do cuncurso para o deseño dos anversos nacionais das moedas circulantes da serie do euro dos Países Baixos.^[5]

Bruno Ninaber van Eyben estableceu en 1971 o seu propio estudio na cidade surholandesa de Delft, co nome de Studio Ninaber, e en 2009 inaugurou unha delegación do Studio Ninaber en Alemaña.^[6] Ademais, en 1985 creou a consultoría internacional de deseño n|p|k Industrial Design xunto con dous socios (Ninaber/Peters/Krouwel).^[2]^[7]

Desde o 1 de xullo de 2003, é profesor de Deseño na Facultade de Enxeñaría do Deseño Industrial da Universidade de Tecnoloxía de Delft.^[7]^[8]

Recoñecementos[editar | editar a fonte]

1979: Premio Kho Liang Ie ao deseño industrial, outogado polo Fondo de Ámsterdam para as Artes.^[9]
2007: Premio Oeuvre (Oeuvreprijs) de deseño, outorgado polo Fondo BKVB.^[10]
2008: Premio Piet Zwart, á traxectoria no deseño, da Organización Profesional de Deseñadores Neerlandeses (BNO).^[11]
2013: Cabaleiro da Orde do León Neerlandés.^[12]