Brabante do Norte

Na Galipedia, a Wikipedia en galego.
Brabante do Norte
Noord Brabant
Bandeira de Brabante do Norte Escudo de Brabante do Norte
Bandeira Escudo
 
Noord-Brabant position.svg
 
Estado Flag of the Netherlands.svg Países Baixos
Capital
 • Poboación
Den Bosch
137.777 (2008)
Cidade principal Eindhoven
Linguas
 • Oficiais
Neerlandés
Neerlandés
Estatus
 • Comisario da Raíña
Provincie
Hanja Maij-Weggen (CDA)
Fundado en
1815
Superficie
 • Total
 • % auga
Fronteiras
Costas
Posto 3º
5.098,88 km²
3,3
km
0 km
Poboación
 • Total
 • Densidade
Posto 3º
2.434.744
490 hab./km²
Xentilicio
Fuso horario
 • en verán
UTC+1
UTC+2
Dominio de Internet .nl
Código ISO NL-NB
Páxina Web Oficial
Subdivisións dos Países Baixos

Brabante do Norte[1][2] (en neerlandés, Noord-Brabant) é unha das doce provincias que conforman o Reino dos Países Baixos. Do mesmo xeito que as demais provincias, está gobernada por un comisionado ou comisario designado polo monarca e unha cámara lexislativa elixida mediante sufraxio universal. A capital é Den Bosch ('s-Hertogenbosch) e as cidades máis grandes son Eindhoven, Tilburg e Breda, as dúas cunha poboación de ao redor de 200.000 habitantes. Limita coas provincias de Celandia, Holanda Meridional, Güeldres e Limburgo e as provincias belgas de Antuerpen e Limburgo.

Historia[editar | editar a fonte]

A provincia actual foi unha parte do ducado de Brabante, unha das Dezasete Provincias que será integrada en 1549 aos Países Baixos españois e dende 1713 austríacos. A república das Sete Provincias Unidas ocupou a parte setentrional que se converteu nunha terra da Xeneralidade, que só en 1815 se convertería na Provincia do Brabante do Norte ou Setentrional, cos mesmos dereitos cas provincias orixinais da República.

Xeografía[editar | editar a fonte]

San Xoán en Den Bosch

Como a maior parte dos Países Baixos, Brabante do Norte é chairo de xeito predominante, mais practicamente toda a provincia está por riba do nivel do mar, polo tanto non hai tantas canles como noutras partes baixas do país. Aínda que a maioría da poboación vive en zonas urbanas, a provincia está salpicada de aldeas, sendo a maioría da terra cultivada. En canto a paraxes naturais podemos atopar tanto fragas, coma páramos ou incluso zonas de dunas.

A provincia está rodeada polo río Mosa ao norte. O seu delta flúe a través do Biesbosch, un parque nacional.


Economía[editar | editar a fonte]

Grotestraat en Waalwijk

O emprego atópase fundamentalmente na agricultura, a industria e sector servizos. Os principais produtos agrícolas son o trigo e a[remolacha, mentres que as vaca e os porco son como principais animais de gando. O principais industrias son de produción de automóbiles, electrónica (ambas principalmente en Eindhoven), téxtiles e zapatos.

No século XX, o turismo converteuse nun importante sector para o Brabante do Norte, os seus bosques e o seu ambiente tranquilo combinado coa beleza dalgunhas das cidades son a chave do seu éxito. Outro gran atractivo turístico e o parque temático de Efteling de Kaatsheuvel, o maior dos países do Benelux.

Goberno[editar | editar a fonte]

O consello provincial (Provinciale Staten) ten 79 escanos, e está presidido polo Comisario da Raíña, actualmente Hanja Maij-Weggen. Mentres que o consello provincial é elixido polos habitantes, o Comisionado é nomeado pola Raíña e o gabinete dos Países Baixos. Con 28 escanos, a Chamada Demócrata Cristiá (CDA) é o partido máis grande no consello.

Os asuntos cotiáns da provincia son atendidos polo Gedeputeerde Staten, que tamén encabezado polo Comisionado; os seus membros (gedeputeerden) pódense comparar cos ministros.

Divisións administrativas[editar | editar a fonte]

St. Janskerk en Waalwijk

Brabante do Norte está actualmente dividido en sesenta e oito municipalidades. Tradicionalmente, a meirande parte das cidades foron un concello independente, mais o seu número reduciuse enormemente na década de 1990, mediante a incorporación das cidades máis pequenas nas cidades veciñas o por fusión. Os concellos de Brabante do Norte son:

Notas e referencias[editar | editar a fonte]

  1. Brabante é o nome da rexión histórica, hoxe dividida entre os Países Baixos e Bélxica. Ver entrada de «Oss». Diciopedia do século 21. 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1530. ISBN 9788482893600. 
  2. Eduardo Pardo de Guevara (2007). "O escudo de Galicia. Orixe, significacións e evolución.". Os símbolos de Galicia. Santiago de Compostela e A Coruña: Consello da Cultura Galega, Real Academia Galega. p. 38. ISBN 978-84-96530-46-1. http://consellodacultura.org/mediateca/extras/simbolos_de_galicia.pdf. 

Ligazóns externas[editar | editar a fonte]