Borriana

Na Galipedia, a Wikipedia en galego.
Borriana
Burriana Spain.svg Escudo de Burriana.svg
Situación xeográfica
Localización de Borriana respecto ao País ValencianoLocalización de Borriana respecto á comarca da Plana Baixa
País España
Comunidade autónoma País Valenciano
Provincia Castelló
Comarca Plana Baixa
Xeografía
Altitude 13 msnm
Superficie 47,20 km²
Poboación
Poboación 34.235 hab. (2008)
Densidade 704,56 hab./km²
Xentilicio Borrianenco/a
Información
Código postal 12530
Alcalde José Ramón Calpe Saera (PP)
Páxina web Ajuntament de Borriana

Borriana (en castelán e tamén oficial: Burriana) é un municipio do País Valenciano, capital da comarca da Plana Baixa. O termo municipal de Borriana situase ao norte da comarca, e ten coma límites polo oeste as localidades de Les Alqueries e Vila-real, polo sur a localidade de Nules e polo norte a localidade de Almassora, que fan de límite municipal das respectivas localidades ao leito do río Millars, que non separa só os termos municipais, senón tamén as comarcas da Plana Alta e a Plana Baixa.

Xeografía[editar | editar a fonte]

Sitúase esta localidade fronte á costa do mar Mediterráneo, na parte máis cha da comarca da Plana Baixa e rodeada de campos de laranxeiras.

Borriana conta con 15 km de costa cha, lineal e continua. A praia principal de Borriana, El Arenal, é moi ampla, de area fina e con mínima pendente. Na zona marítima, a poboación aglutinada e diseminada é importante, sobre todo durante a época estival na cal chega a triplicarse. Referente turístico para as poboacións limítrofes, como Vila-real, dispón dunha importante poboación desprazada durante o verán. A praia dista 1,5 km do centro da cidade.

Esta zona marítima conta cun porto que na actualidade utilízase para actividades pesqueiras. A construción deste foi motivada polo auxe da industria da laranxa que foi unha actividade importante no resto da plana e indubidabelmente nesta poboación.

Accédese a esta poboación, dende Castelló de la Plana, tomando a CV-18 ou a N-340.

Núcleos de Poboación[editar | editar a fonte]

No termo municipal de Borriana atópanse tamén os seguintes núcleos de poboación, ademais do casco urbano de Borriana:

  • Les Alqueries de Santa Bàrbara.
  • El Port de Borriana.
  • El Grau de Borriana.
  • La Serratella.
  • Les Alqueries del Ferrer.
  • Poblats marítims.

Demografía[editar | editar a fonte]

Con 33.255 habitantes (INE 2007), Borriana é a terceira localidade da provincia de Castelló por poboación. Nos últimos anos experimentou un forte medre demográfico en gran parte debido á inmigración.

Evolución demográfica de Borriana
1857 1887 1900 1910 1920 1930 1940 1950 1960 1970 1981 1991 2001 2006 2007
7.813 10.237 12.962 14.243 13.895 14.675 18.473 17.697 18.616 22.651 25.003 25.438 26.757 32.349 33.255

Economía[editar | editar a fonte]

A súa economía está baseada na agricultura, predominando o cultivo da laranxeira. A industria principal é a dedicada á manipulación e transformación de cítricos.

Historia[editar | editar a fonte]

Aínda que en Borriana acháronse vestixios de diversas civilizacións antigas -os cales, entre outros, nutren os fondos do museo Arqueolóxico Municipal- a plenitude da vila sitúase en torno ao século IX como unha importante praza árabe que recibiu o nome de Medina Alhadra ou Cidade Verde, pola súa situación no medio da Plana. Aquela praza forte, de muralla circular, incorporouse á civilización occidental cristiá trala súa conquista polo rei Jaume I en 1233. En 1348 o rei Pere IV concede o privilexio de que a "senyera" de Borriana sexa acrecentada cunha franxa azul e tres coroas.

A expansión demográfica da poboación obrigou a derruír as murallas, que se conservaron completas até o século XVII. En 1901 a raíña rexente, en nome do rei Alfonso XIII, concédelle o título de cidade, sendo esta coroada con devandito título por 3 veces, por iso na bandeira e no escudo hai 3 coroas.

Notas[editar | editar a fonte]