Anglo-Welsh Cup

A Anglo-Welsh Cup, (Copa Anglo-Galesa en galego), chamada LV = Cup por razóns publicitarias, é unha competición anual de rugby organizada pola Federación Inglesa de Rugby na que compiten os 12 clubes ingleses da Aviva Premiership e os 4 clubes galeses da Rabodirect Pro12.

O torneo comeza a principios de Novembro e remata a finais de Marzo. As datas nas que se disputan as semifinais e a final coinciden coas datas da disputa do Torneo das Seis Nacións, de xeito que os equipos adoitan ter ausencias destacables nas súas ringleiras.

A pesares diso, o que fai que esta competición sexa atractiva para o siareiros e para os clubes participantes, é que o equipo gañador do torneo obtén unha plaza para participar na tempada seguinte da Heineken Cup, a máxima competición continental.

Historia

A competición orixinal comezou na tempada 1971/72 só entre clubes ingleses, e cun formato de eliminatorias directas. Foi o primeiro torneo oficial entre clubes existente en Inglaterra, e podían participar nel tódolos clubes do país. Hoxe o formato do torneo é moi diferente, e está formado por unha primeira fase de liga na que hai 4 grupos con 4 equipos en cada un, e unha segunda fase na que os primeiros de cada grupo xogan entre sí as 2 semifinais e a final.

Por mor dos patrocinadores, o torneo tense coñecido con varios nomes:

• John Player Cup (1976-1988)
• Pilkington Glass Cup (1989-1997)
• Tetley's Bitter (1998-2000)
• Powergen Cup (2001-2005)
• EDF Energy Cup (2006-2009)
• LV Cup (2010-actual)

O formato de eliminatorias directas desapareceu cando se introducíu a participación dos 4 equipos profesionais de Gales, e que participaron por vez primeira no torneo na tempada 2005/06.

Os clubes que mais éxito tiveron nesta competición son Bath Rugby, con 10 vitorias en 11 finais, e Leicester Tigers, con 7 vitorias en 13 finais. Son os equipos con mais vitorias e tamén con mais presenzas na final.

O título da temporada 1981/82 foi compartido por Gloucester e Moseley que fixeron táboas a 12 na final.

Campións

Ano Campión Resultado Finalista 1972 Gloucester 17-6 Moseley 1973 Coventry 27-15 Bristol 1974 Coventry 26-6 London Scottish 1975 Bedford 28–12 Rosslyn Park 1976 Gosforth 23–14 Rosslyn Park 1977 Gosforth 27–11 Waterloo 1978 Gloucester 6–3 Leicester 1979 Leicester 15-12 Moseley 1980 Leicester 21-9 London Irish 1981 Leicester 22-15 Gosforth 1982 Gloucester 12-12 Moseley 1983 Bristol 28-22 Leicester 1984 Bath 10-9 Bristol 1985 Bath 24-15 London Welsh 1986 Bath 25-17 London Wasps 1987 Bath 19-12 London Wasps 1988 Harlequins 28-22 Bristol 1989 Bath 15-12 Leicester 1990 Bath 48-6 Gloucester 1991 Harlequins 25-13 Northampton 1992 Bath 15-12 Harlequins

Ano Campión Resultado Finalista 1993 Leicester 23-16 Harlequins 1994 Bath 21-9 Leicester 1995 Bath 36-16 London Wasps 1996 Bath 16-15 Leicester 1997 Leicester 9-3 Sale Sharks 1998 Saracens 48-18 London Wasps 1999 London Wasps 29-19 Newcastle 2000 London Wasps 31-23 Northampton 2001 Newcastle 30-27 Harlequins 2002 London Irish 38-7 Northampton 2003 Gloucester 40-22 Northampton 2004 Newcastle 37-33 Sale Sharks 2005 Leeds Carnegie 20-12 Bath 2006 London Wasps 26-10 Scarlets 2007 Leicester 41-35 Ospreys 2008 Ospreys 23-6 Leicester 2009 Cardiff Blues 50-12 Gloucester 2010 Northampton 30-24 Gloucester 2011 Gloucester 34-7 Newcastle 2012 Leicester 26-14 Northampton

Estatística por clube: Clube Títulos Bath Rugby 10 Leicester Tigers 7 Gloucester Rugby 5 Newcastle Falcons 4 London Wasps 3 Harlequin FC 2 Coventry 2 Northampton Saints 1 Cardiff Blues 1 Saracens 1 Ospreys 1 London Irish 1 Leeds Carnegie 1 Bristol Rugby 1 Moseley 1 Bedford 1

Véxase tamén

Outros artigos

• Aviva Premiership
• Federación inglesa de rugby

Ligazóns externas

• Páxina oficial da competición (en inglés)