Alfredo Pérez Rubalcaba

Na Galipedia, a wikipedia en galego.

Alfredo Pérez Rubalcaba (28 de xullo de 1951, Solares, Cantabria) é un político español pertencente ó Partido Socialista Obrero Español. É Doutor en Ciencias Químicas e foi profesor universitario na Universidad Complutense. Foi Ministro de Educación e Ciencia (1992 - 1993) e Ministro da Presidencia (1993 - 1996). Na V lexislatura foi deputado por Toledo, e despois pasou a selo por Madrid nas eleccións de 1996 e de 2000, por Cantabria en 2004 e por Cádiz en 2008. Desde abril de 2006 é Ministro del Interior.

[editar] Biografía

Alfredo Pérez Rubalcaba ingresou no PSOE en 1974, no que comezou a colaborar na Federación Socialista Madrileña e, máis tarde, nas comisións de Ensino e Investigación tanto do partido coma do Grupo Parlamentario Socialista.

Coa lchegada ó Gobierno do PSOE en 1982, Rubalcaba asumiu distintos cargos relacionados coa universidade e a educación. De feito, en 1988 foi nomeado Secretario de Estado de Educación, e entre 1992 e 1993 foi nomeado ministro de Educación e Ciencia. Tralas eleccións xerais de 1993, o daquela presidente do Goberno, Felipe González, nomeouno ministro da Presidencia e de Relacións coas ortes (carteira de nova creación), cargo no que se mantivo ata as Eleccións xerais de 1996.

Nas xerais de marzo de 1996, que o PSOE perdeu fronte ó PP, Rubalcaba resultou elixido deputado por Madrid.

Un ano máis tarde, no XXXIV Congreso do PSOE, foi elixido membro da Executiva e secretario de Comunicación. A súa inclusión nas listas do partido por parte do por entón secretario xeral do PSOE, Joaquín Almunia, veu a refrendar a súa notable importancia no Partido na nova etapa. De feito, o actual ministro do Interior foi un dos principais encargados de mantr contactos co goberno popular sobre ETA a raíz da tregua de 1999.

No XXXV Congreso socialista, no que José Luis Rodríguez Zapatero foi elixido novo secretario xeral do PSOE, Rubalcaba entrou a formar parte do Comité Federal do partido. Nesta etapa, encabezou a delegación socialista que acordou co PP o denominado Pacto polas Liberdades e contra o Terrorismo, asinado en decembro de 2000.

Nas eleccións xerais de marzo de 2004, Rubalcaba foi responsable da Estratexia Electoral do PSOE, e máis tarde foi nomeado voceiro do Grupo Socialista no Congreso de los Diputados. Desde o 11 de abril de 2006 substitúe a José Antonio Alonso á fronte da Carteira de Interior. Este relevo produciuse tralo "alto ao fogo" da banda terrorista ETA.

[editar] Cargos actuais

• Ministro do Interior.
• Vocal doa Deputación Permanente do Congreso.
• Adscrito á Comisión de Interior.
• Vocal da Comisión de Regulamento.
• Presidente da Delegación española na Asemblea da Unión Interparlamentaria (UIP).

[editar] Ligazóns externas

Página del Ministerio del interior

Predecesor: Javier Solana	Ministro de Educación e Ciencia de España 1992 - 1993	Sucesor: Gustavo Suárez Pertierra
Predecesor: Javier Moscoso del Prado y Muñoz	Ministro da Presidencia de España 1993 - 1996	Sucesor: Francisco Álvarez Cascos
Predecesor: José Antonio Alonso	Ministro del Interior de España 2006 -	Sucesor: No cargo