Congreso dos Deputados de España

Na Galipedia, a Wikipedia en galego.
Congreso dos Deputados de España.

A Constitución de 1978 establece un Parlamento bicameral. As Cortes Xerais están formadas polo Congreso dos Deputados e o Senado. Ámbalas dúas Cámaras representan o pobo español. As Cortes Xerais:

  • exercen a potestade lexislativa do Estado.
  • aproban os seus orzamentos.
  • controlan a acción do Goberno.
  • e teñen as demais competencias que lles atribúe a Constitución.

No entanto, este bicameralismo non supón unha equiparación completa entre Congreso e Senado. A Constitución resérvalle ó Congreso unha serie de funcións e facultades que revelan a súa primacía. Deste xeito, o Congreso autoriza a formación do goberno, pode provoca-lo seu cesamento, coñece en primeiro lugar a tramitación dos proxectos lexislativos e dos orzamentos e debe confirmar ou rexeitar as enmendas ou vetos que pode aproba-lo Senado sobor destes textos lexislativos.

Composición[editar | editar a fonte]

Ano 1920.

A Constitución establece que o Congreso contará cun mínimo de 300 e un máximo de 400 Deputados, debendo a lei electoral concretar este número. A normativa vixente (Lei Orgánica do Réxime Electoral Xeral de 19 de xuño de 1985) fixara en 350 o número de membros da Cámara.

Tódolos Deputados son elixidos por sufraxio universal, libre, igual, directo e secreto. A circunscrición electoral é a provincia. A lei electoral asigna dous escanos a cada unha delas e distribúe os demais en proporción á poboación respectiva. Ceuta e Melilla elixen un representante cada unha.

Escudo de España (mazonado).svg
Eleccións xerais de España de 2011

Partido Portavoz % Dif. Dif.
  Partido Popular-Unión del Pueblo Navarro (PP-UPN) Alfonso Alonso 44,63% 186 +32
  Partido Socialista Obrero Español (PSOE) Rubalcaba 39,94 110 +6
  Izquierda Unida (IU) - Iniciativa per Catalunya Verds (ICV) Gaspar Llamazares 3,77 11 -3
  Convergència i Unió (CiU) Josep Antoni Duran i Lleida 3,03 16 =
  Partido Nacionalista Vasco (EAJ/PNV) Josu Erkoreka 1,19 5 -1
  Unión Progreso y Democracia (UPyD) Rosa Díez 1,19 5 +1
  Esquerra Republicana de Catalunya (ERC) Joan Ridao 1,16 3 -5
  Bloque Nacionalista Galego (BNG) Francisco Jorquera 0,83 2 =
  Coalición Canaria (CC) Ana Oramas 0,68 2 -1
  Nafarroa Bai (Na-Bai) Uxue Barkos = 1 =


Mesa do Congreso dos Deputados 2011-2015[editar | editar a fonte]

Prerrogativas dos deputados[editar | editar a fonte]

Os deputados, o mesmo que os Senadores, dispoñen de dúas importantes prerrogativas, que a Constitución lles recoñece, non con carácter de privilexio persoal, senón para protexer o exercicio das súas funcións. Inviolabilidade e inmunidade son propiamente garantías institucionais das Cámaras, das que gozan os seus membros en canto participan no desenvolvemento das funcións constitucionais asignadas ó Congreso dos Deputados.

  • A inviolabilidade afecta ás opinións manifestadas e ós votos emitidos no exercicio do cargo representativo e supón a irresponsabilidade polos mesmos. Así e todo, esta irresponsabilidade non ten caracter absoluto, senón só en relación a terceiros estraños á Cámara. No ámbito interno, o deputado está suxeito ás normas de disciplina parlamentaria que, de acordo co Reglamento, aplican o presidente e a Mesa do Congreso.
  • A inmunidade cobre os actos realizados polo deputado durante o período do seu mandato e supón a prohibición de ser inculpado ou procesado sen a previa aprobación do Congreso, e que a súa detención tan só sexa posible no caso de flagrante delito.

Os deputados perciben unha asignación económica con cargo ós orzamentos da Cámara, tendo dereito, asemade, a outras axudas (dietas), franquías e indemnizacións por gastos indispensables para o cumprimento das súas funcións.

Véxase tamén[editar | editar a fonte]

Commons
Commons ten máis contidos multimedia sobre: Congreso dos Deputados de España

Outros artigos[editar | editar a fonte]

Ligazóns externas[editar | editar a fonte]