Xavier Pardo
| Biografía | |
|---|---|
| Nacemento | 1 de decembro de 1903  Santiago de Compostela, España |
| Morte | 3 de xullo de 1969 (65 anos) A Coruña, España |
| Actividade | |
| Ocupación | óptico, xornalista, escritor |
Xavier Pardo Bedía, nado en Santiago de Compostela o 1 de decembro de 1903, e finado na Coruña o 3 de xullo de 1969[1], foi un óptico, xornalista e escritor galego.
Traxectoria
[editar | editar a fonte]
Fillo do óptico santiagués Jaime Pardo Montes. Colaborou en Nós e foi correspondente de Galicia en Santiago de Compostela. En outubro de 1924 creou en Compostela a editora Libredón, que publicaba a revista mensual do mesmo nome na que aparecían novelas curtas en galego; a primeira foi a titulada Mariña Andrade, da autoría do propio Xavier Pardo.[2] Ingresou o 18 de outubro de 1924 no Seminario de Estudos Galegos, onde leu o 28 de novembro do ano seguinte o traballo As leendas da morte na Baixa Bretaña, tradución de Anatole Le Braz, que xa publicara por entregas no periódico Galicia[3].
En 1926, Ano Xacobeo, foi canda a Vicente Risco, Ramón Otero Pedrayo, Lois Feixoo e Antón Sánchez desde Ourense a Santiago de Compostela como peregrinos. Froito desta ruta de catro días, escribiu o texto No camiño de San-Yago, publicado por capítulos na revista A Nosa Terra entre xullo de 1926 e abril de 1927.
A finais da década de 1920 instalouse na Coruña, onde abriu unha óptica. Durante o franquismo foi concelleiro da Coruña (1958) e deputado provincial (1964) vicepresidente da Deputación da Coruña, onde promoveu a adquisición do Sanatorio Psiquiátrico de Conxo pola institución.[4]
Obras
[editar | editar a fonte]- Mariña Andrade.[5]
Vida persoal
[editar | editar a fonte]Casou na Coruña con Ramona Murias Reigada en 1929.[6]
Recoñecementos
[editar | editar a fonte]A Deputación da Coruña concedeulle a Medalla de Prata da provincia a título póstumo.
Notas
[editar | editar a fonte]- ↑ Necrolóxica en La Voz de Galicia, 4-7-1969, p. 22, 23.
- ↑ El Compostelano, 16-10-1924, p. 3.
- ↑ Galicia. Diario de Vigo, 16-3-1924, p. 3.
- ↑ El Pueblo Gallego, 23-8-1969, p. 11.
- ↑ Ficha da obra
- ↑ El Progreso, 2-7-1929, p. 2.
Véxase tamén
[editar | editar a fonte]Ligazóns externas
[editar | editar a fonte]- Discurso de Xabier Pardo Bedía para homenaxear a Luís Porteiro Garea Arquivado 13 de xaneiro de 2018 en Wayback Machine.
